ਇਰੋਡ : ਤਾਮਿਲਨਾਡੂ ਸਰਕਾਰ ਵਿਰੁੱਧ ਡੇਅਰੀ ਫਾਰਮਰ(Dairy farming) ਸੜਕਾਂ ‘ਤੇ ਨਿੱਤਰੇ ਹੋਏ ਹਨ। ਦੁੱਧ ਕੀਮਤਾਂ (Milk price) ਵਿੱਚ ਵਾਧੇ ਦੀ ਮੰਗ ਨੂੰ ਲੈ ਕੇ ਕਿਸਾਨ ਸੜਕਾਂ ਤੇ ਦੁੱਧ ਡੋਲ ਕੇ ਸਰਕਾਰ ਖਿਲਾਫ ਆਪਣੀ ਨਰਾਜ਼ਗੀ ਜਤਾ ਰਹੇ ਹਨ। ਮਦੁਰਾਈ ਦੇ ਉਸਲਮਪੱਟੀ ਵਿੱਚ ਡੇਅਰੀ ਕਿਸਾਨਾਂ ਨੇ ਵਿਰੋਧ ਪ੍ਰਦਰਸ਼ਨ ਦੌਰਾਨ ਸੜਕ ‘ਤੇ ਦੁੱਧ ਸੁੱਟਿਆ। ਇਸ ਤਰਾਂ ਇਰੋਡ ਜ਼ਿਲੇ ‘ਚ ਕਿਸਾਨਾਂ ਦੇ ਇਕ ਹਿੱਸੇ ਨੇ ਸੜਕ ‘ਤੇ ਦੁੱਧ ਸੁੱਟ ਕੇ ਵਿਰੋਧ ਪ੍ਰਦਰਸ਼ਨ ਕੀਤੇ।
ਕਿਸਾਨ ਦੁੱਧ ਦੀ ਕੀਮਤ 7 ਰੁਪਏ ਪ੍ਰਤੀ ਲੀਟਰ ਵਧਾਉਣ ਦੀ ਮੰਗ ਕਰ ਰਹੇ ਹਨ। ਜਦੋਂ ਕਿ ਕੁਝ ਕਿਸਾਨਾਂ ਨੇ ਸੜਕ ‘ਤੇ ਦੁੱਧ ਸੁੱਟ ਦਿੱਤਾ, ਬਾਕੀਆਂ ਨੇ ਆਪਣੀਆਂ ਗਾਵਾਂ ਨੂੰ ਸੜਕ ‘ਤੇ ਲਿਆ ਕੇ ਸੱਤਾਧਾਰੀ ਡੀਐਮਕੇ ਸਰਕਾਰ ਵਿਰੁੱਧ ਪ੍ਰਦਰਸ਼ਨ ਕੀਤਾ।
#WATCH | Dairy farmers in Madurai's Usilampatti throw milk on the road during their protest against the Tamil Nadu government demanding an increase in milk procurement prices pic.twitter.com/E1ARrm9Rv1
— ANI (@ANI) March 20, 2023
#WATCH | Dairy farmers in Erode throw milk on the road during their protest against the Tamil Nadu government demanding an increase in milk procurement prices pic.twitter.com/xut0JyG8En
— ANI (@ANI) March 17, 2023
ਕਿਸਾਨਾਂ ਨੇ ਦੋਸ਼ ਲਾਇਆ ਕਿ ਖਰੀਦੇ ਗਏ ਦੁੱਧ ਦੀ ਅਦਾਇਗੀ ਕਈ ਵਾਰ ਦੋ ਮਹੀਨਿਆਂ ਬਾਅਦ ਕੀਤੀ ਜਾਂਦੀ ਹੈ ਅਤੇ ਗਾਵਾਂ ਦੀ ਫੀਡ ਦੀ ਕੀਮਤ ਵੀ ਵਧ ਗਈ ਹੈ, ਜਿਸ ਨਾਲ ਉਨ੍ਹਾਂ ’ਤੇ ਵਾਧੂ ਆਰਥਿਕ ਬੋਝ ਪੈ ਰਿਹਾ ਹੈ। ਨਤੀਜੇ ਵਜੋਂ ਬਹੁਤ ਸਾਰੇ ਡੇਅਰੀ ਫਾਰਮਰ ਪ੍ਰਾਈਵੇਟ ਕੰਪਨੀਆਂ ਨਾਲ ਕਾਰੋਬਾਰ ਕਰਨ ਲਈ ਮਜਬੂਰ ਹਨ।
