ਪੁਣੇ ਦੀ 25 ਸਾਲਾ ਸਿਮਰਨ ਥੋਰਾਟ (Simran Thorat) ਨੇ ਸਫ਼ਲਤਾ ਦਾ ਇਤਿਹਾਸ ਰਚ ਦਿੱਤਾ ਹੈ। ਉਸ ਨੂੰ ਪੜ੍ਹਾਉਣ-ਲਿਖਾਉਣ ਲਈ ਉਸ ਦੇ ਮਾਪਿਆਂ ਨੇ ਆਪਣੀ ਸਾਰੀ ਜ਼ਮੀਨ ਵੇਚ ਦਿੱਤੀ ਸੀ, ਪਰ ਸਿਮਰਨ ਨੇ ਆਪਣੇ ਪਿਤਾ ਦੀ ਇਸ ਕੁਰਬਾਨੀ ਨੂੰ ਅਜਾਈਂ ਨਹੀਂ ਜਾਣ ਦਿੱਤਾ, ਬਲਕਿ ਦਿਨ-ਰਾਤ ਮਿਹਨਤ ਕਰਕੇ ਉਸ ਦਾ ਮੁੱਲ ਮੋੜ ਦਿੱਤਾ ਹੈ। ਆਪਣੀ ਮਿਹਨਤ ਸਦਕਾ ਉਹ ਮਰਚੈਂਟ ਨੇਵੀ ਅਫ਼ਸਰ ਬਣ ਗਈ ਹੈ।
ਸਿਮਰਨ ਥੋਰਾਟ ਪੁਣੇ (Pune) ਨੇੜੇ ਇੰਦਾਪੁਰ ਤਾਲੁਕਾ (Indapur taluka) ਪਿੰਡ ਦੀ ਰਹਿਣ ਵਾਲੀ ਹੈ। ਉਹ ਮਰਚੈਂਟ ਨੇਵੀ ਅਫ਼ਸਰ (woman merchant navy officer) ਬਣਨ ਵਾਲੀ ਆਪਣੇ ਪਰਿਵਾਰ, ਪਿੰਡ ਤੇ ਜ਼ਿਲ੍ਹੇ ਦੀ ਪਹਿਲੀ ਕੁੜੀ ਹੈ। ਸਿਮਰਨ ਦੀ ਪੜ੍ਹਾਈ ਲਈ ਉਸ ਦੇ ਪਿਤਾ ਨੇ ਆਪਣੀ ਸਾਰੀ ਜ਼ਮੀਨ ਵੇਚ ਦਿੱਤੀ ਸੀ। ਉਸ ਦੇ ਮਾਤਾ-ਪਿਤਾ ਬ੍ਰਹਮਦੇਵ ਤੇ ਆਸ਼ਾ ਥੋਰਾਟ ਨੇ ਉਸ ਦੇ ਕਰੀਅਰ ਦੀ ਚੋਣ ਵਿੱਚ ਉਸ ਦਾ ਪੂਰਾ ਸਮਰਥਨ ਕੀਤਾ।
ਸਿਮਰਨ ਦੇ ਪਿਤਾ ਨੇ ਪੁਣੇ ਦੇ ਮੈਰੀਟਾਈਮ ਕਾਲਜ ਤੇ ਨੇਵੀ ਟ੍ਰੇਨਿੰਗ ਇੰਸਟੀਚਿਊਟ (merchant navy training institute in Pune) ਵਿੱਚ ਤਿੰਨ ਸਾਲਾਂ ਦੇ ਕੋਰਸ ਲਈ ਟਿਊਸ਼ਨ ਖ਼ਰਚੇ ਖਾਤਰ ਆਪਣੀ ਤਿੰਨ ਏਕੜ ਜ਼ਮੀਨ ਵੇਚ ਦਿੱਤੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਕੋਲ ਕੋਈ ਜ਼ਮੀਨ ਨਹੀਂ ਬਚੀ। ਉਸ ਦੇ ਪਿਤਾ ਨੇ ਇਲੈਕਟ੍ਰੀਸ਼ੀਅਨ ਵਜੋਂ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ ਅਤੇ ਉਸ ਦੀ ਮਾਂ ਨੂੰ ਇੰਦਾਪੁਰ ਸਥਿਤ ਫੇਰੇਰੋ ਰੋਚਰ ਚਾਕਲੇਟ ਫੈਕਟਰੀ ਵਿੱਚ ਨੌਕਰੀ ਮਿਲ ਗਈ ਸੀ।