ਬਿਹਾਰ ਤੋਂ ਆਈ ਫਿਰ ਦੁਖਦਾਈ ਖ਼ਬਰ, ਰੇਪ ਮਗਰੋਂ ਸਾੜੀ ਬੱਚੀ ਦੀ ਲਾਸ਼

‘ਦ ਖ਼ਾਲਸ ਬਿਊਰੋ (ਜਗਜੀਵਨ ਮੀਤ):-ਬਿਹਾਰ ਦੇ ਉੱਤਰੀ ਚੰਪਾਰਣ ਜ਼ਿਲ੍ਹੇ ‘ਚ ਹਾਥਰਸ ਵਰਗੀ ਘਟਨਾ ਹੋਈ ਹੈ। ਇੱਕ 12 ਸਾਲ ਦੀ ਬੱਚੀ ਨਾਲ ਰੇਪ ਦੀ ਘਟਨਾ ਤੋਂ ਬਾਅਦ ਉਸਦੀ ਲਾਸ਼ ਨੂੰ ਸਾੜ ਦਿੱਤਾ ਗਿਆ। ਬੱਚੀ ਨਾਲ ਕੁੱਝ ਲੋਕਾਂ ਵੱਲੋਂ ਗੈਂਗਰੇਪ ਕਰਨ ਦੇ ਦੋਸ਼ ਲੱਗੇ ਹਨ। ਮੁੱਢਲੀ ਜਾਂਚ ਅਤੇ ਵਾਇਰਲ ਹੋਏ ਇੱਕ ਵੀਡਿਓ ਤੋਂ ਪਤਾ ਲੱਗਾ ਕਿ ਹੈ ਇਸ ਮਾਮਲੇ ਨੂੰ ਦਬਾਉਣ ਲਈ ਸਥਾਨਕ ਪੁਲਿਸ ਦੀ ਵੀ ਭੂਮਿਕਾ ਸਾਹਮਣੇ ਆਈ ਹੈ। ਐੱਸਪੀ ਵੱਲੋਂ ਡਿਊਟੀ ‘ਚ ਲਾਪਰਵਾਹੀ ਵਰਤਣ ਵਾਲੇ ਥਾਣੇਦਾਰ ਨੂੰ ਵੀ ਸਸਪੈਂਡ ਕਰ ਦਿੱਤਾ ਗਿਆ ਹੈ। ਜੇਕਰ ਮਾਮਲੇ ਦੀ ਜਾਂਚ ਵਿੱਚ ਕੋਈ ਸਬੂਤ ਮਿਲਦੇ ਹਨ ਤਾਂ ਉਨ੍ਹਾਂ ਖਿਲਾਫ ਵੀ ਮਾਮਲਾ ਦਰਜ ਕੀਤਾ ਜਾਵੇਗਾ।