ਈਰਾਨ-ਅਮਰੀਕਾ-ਇਜ਼ਰਾਈਲ ਯੁੱਧ ਆਪਣੇ ਦੂਜੇ ਮਹੀਨੇ ਵਿੱਚ ਦਾਖਲ ਹੋ ਚੁੱਕਾ ਹੈ। ਇਸ ਦੌਰਾਨ ਤਿੰਨਾਂ ਧੜਿਆਂ ਵੱਲੋਂ ਇੱਕ ਦੂਜੇ ਉੱਤੇ ਲਗਾਤਾਰ ਹਮਲੇ ਜਾਰੀ ਹਨ, ਜਿਸ ਵਿੱਚ ਕਈ ਲੋਕਾਂ ਦੀਆਂ ਜਾਨਾਂ ਚਲੀਆਂ ਗਈਆਂ ਹਨ ਅਤੇ ਵੱਡਾ ਨੁਕਸਾਨ ਹੋਇਆ ਹੈ। ਇਸ ਯੁੱਧ ਨੇ ਮੱਧ ਪੂਰਬ ਦੀ ਸਥਿਤੀ ਨੂੰ ਬਹੁਤ ਤਣਾਅਪੂਰਨ ਬਣਾ ਦਿੱਤਾ ਹੈ ਅਤੇ ਵਿਸ਼ਵ ਪੱਧਰ ‘ਤੇ ਤੇਲ ਦੀਆਂ ਕੀਮਤਾਂ ਵਧਾਈਆਂ ਹਨ।
ਇਸੇ ਦੌਰਾਨ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਮੰਗਲਵਾਰ ਨੂੰ ਵ੍ਹਾਈਟ ਹਾਊਸ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਐਲਾਨ ਕੀਤਾ ਕਿ ਅਮਰੀਕਾ ਅਗਲੇ ਦੋ ਤੋਂ ਤਿੰਨ ਹਫ਼ਤਿਆਂ ਵਿੱਚ ਇਰਾਨ ਉੱਤੇ ਆਪਣੇ ਫੌਜੀ ਹਮਲੇ ਖਤਮ ਕਰ ਸਕਦਾ ਹੈ। ਉਨ੍ਹਾਂ ਕਿਹਾ, “ਅਸੀਂ ਬਹੁਤ ਜਲਦੀ ਇਰਾਨ ਤੋਂ ਬਾਹਰ ਨਿਕਲ ਜਾਵਾਂਗੇ।” ਇਹ ਪ੍ਰਕਿਰਿਆ ਦੋ ਜਾਂ ਤਿੰਨ ਹਫ਼ਤਿਆਂ ਵਿੱਚ ਪੂਰੀ ਹੋ ਸਕਦੀ ਹੈ। ਟਰੰਪ ਨੇ ਇਹ ਵੀ ਸਾਫ਼ ਕੀਤਾ ਕਿ ਯੁੱਧ ਖਤਮ ਕਰਨ ਲਈ ਇਰਾਨ ਨਾਲ ਕੋਈ ਸਮਝੌਤਾ ਜਾਂ ਗੱਲਬਾਤ ਜ਼ਰੂਰੀ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਇਰਾਨ ਨੂੰ ਡੀਲ ਕਰਨੀ ਜ਼ਰੂਰੀ ਨਹੀਂ, ਸਿਰਫ਼ ਇਹ ਯਕੀਨੀ ਬਣਾਉਣਾ ਹੈ ਕਿ ਇਰਾਨ ਲੰਬੇ ਸਮੇਂ ਤੱਕ ਨਿਊਕਲੀਅਰ ਹਥਿਆਰ ਨਾ ਬਣਾ ਸਕੇ।
#WATCH | US President Donald J Trump says, “…I think we’re 2 or 3 weeks in. We’ll leave. Because there’s no reason for us to do this… That’ll be for France. That’ll be for whoever’s using the Strait (Strait of Hormuz). But I think when we leave, probably that’s all cleared… pic.twitter.com/JORwyJBSpN
— ANI (@ANI) March 31, 2026
ਆਪਰੇਸ਼ਨ ਐਪਿਕ ਫਿਊਰੀ ਤਹਿਤ ਸ਼ੁਰੂ ਹੋਏ ਇਸ ਯੁੱਧ ਵਿੱਚ ਅਮਰੀਕਾ ਨੇ ਇਰਾਨ ਦੇ ਨਿਊਕਲੀਅਰ ਪ੍ਰੋਗਰਾਮ, ਮਿਜ਼ਾਈਲ ਖੇਤਰ ਅਤੇ ਨੌਜਵਾਨ ਤਾਕਤ ਨੂੰ ਨਿਸ਼ਾਨਾ ਬਣਾਇਆ ਸੀ। ਟਰੰਪ ਦਾ ਦਾਅਵਾ ਹੈ ਕਿ ਇਰਾਨ ਨੂੰ ਭਾਰੀ ਨੁਕਸਾਨ ਪਹੁੰਚਾਇਆ ਗਿਆ ਹੈ ਅਤੇ ਉਸ ਦੀ ਤਾਕਤ ਬਹੁਤ ਘੱਟ ਗਈ ਹੈ। ਹਾਲਾਂਕਿ, ਇਰਾਨ ਹੋਰਮੁਜ਼ ਜਲ ਮਾਰਗ ਨੂੰ ਰੋਕ ਕੇ ਤੇਲ ਦੀ ਸਪਲਾਈ ਵਿੱਚ ਵਿਘਨ ਪਾਉਣ ਵਿੱਚ ਕਾਫੀ ਹੱਦ ਤੱਕ ਸਫਲ ਰਿਹਾ ਹੈ, ਜਿਸ ਕਾਰਨ ਵਿਸ਼ਵ ਭਰ ਵਿੱਚ ਤੇਲ ਦੀਆਂ ਕੀਮਤਾਂ ਵਧੀਆਂ ਹਨ ਅਤੇ ਆਰਥਿਕ ਅਸਰ ਪਿਆ ਹੈ।
ਟਰੰਪ ਨੇ ਪੁਰਾਣੇ ਸਾਥੀਆਂ ਵਿਰੁੱਧ ਭੜਾਸ ਕੱਢੀ
ਟਰੰਪ ਇਸ ਗੱਲ ਤੋਂ ਨਿਰਾਸ਼ ਹਨ ਕਿ ਯੂਰਪੀ ਦੇਸ਼ਾਂ ਨੇ ਇਸ ਯੁੱਧ ਵਿੱਚ ਅਮਰੀਕਾ ਅਤੇ ਇਜ਼ਰਾਈਲ ਦਾ ਪੂਰਾ ਸਾਥ ਨਹੀਂ ਦਿੱਤਾ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਉੱਤੇ ਫਰਾਂਸ ਅਤੇ ਬ੍ਰਿਟੇਨ ਵਿਰੁੱਧ ਭੜਾਸ ਕੱਢੀ। ਟਰੰਪ ਨੇ ਕਿਹਾ ਕਿ ਜਿਨ੍ਹਾਂ ਦੇਸ਼ਾਂ ਨੂੰ ਹੋਰਮੁਜ਼ ਬੰਦ ਹੋਣ ਕਾਰਨ ਤੇਲ ਨਹੀਂ ਮਿਲ ਰਿਹਾ, ਖਾਸ ਕਰਕੇ ਬ੍ਰਿਟੇਨ (ਜਿਸ ਨੇ ਇਰਾਨ ਵਿਰੁੱਧ ਸਾਡਾ ਸਾਥ ਨਹੀਂ ਦਿੱਤਾ), ਉਨ੍ਹਾਂ ਲਈ ਦੋ ਸੁਝਾਅ ਹਨ: ਪਹਿਲਾ, ਅਮਰੀਕਾ ਤੋਂ ਤੇਲ ਖਰੀਦੋ ਕਿਉਂਕਿ ਸਾਡੇ ਕੋਲ ਬਹੁਤ ਤੇਲ ਹੈ। ਦੂਜਾ, ਥੋੜ੍ਹੀ ਹਿੰਮਤ ਦਿਖਾਓ ਅਤੇ ਖੁਦ ਹੋਰਮੁਜ਼ ਜਲ ਮਾਰਗ ਉੱਤੇ ਕਬਜ਼ਾ ਕਰ ਲਓ।
ਫਰਾਂਸ ਉੱਤੇ ਨਿਸ਼ਾਨਾ ਸਾਧਦਿਆਂ ਟਰੰਪ ਨੇ ਦੋਸ਼ ਲਾਇਆ ਕਿ ਇਸ ਦੇਸ਼ ਨੇ ਇਜ਼ਰਾਈਲ ਵੱਲ ਜਾ ਰਹੇ ਅਮਰੀਕੀ ਫੌਜੀ ਸਾਮਾਨ ਨਾਲ ਲੱਦੇ ਜਹਾਜ਼ਾਂ ਨੂੰ ਆਪਣੇ ਹਵਾਈ ਖੇਤਰ ਤੋਂ ਉੱਡਣ ਦੀ ਇਜਾਜ਼ਤ ਨਹੀਂ ਦਿੱਤੀ। ਉਨ੍ਹਾਂ ਫਰਾਂਸ ਨੂੰ “ਬਿਲਕੁਲ ਵੀ ਮਦਦਗਾਰ ਨਹੀਂ” ਦੱਸਿਆ। ਟਰੰਪ ਇਸ ਗੱਲ ਤੋਂ ਵੀ ਨਾਖੁਸ਼ ਹਨ ਕਿ ਉਨ੍ਹਾਂ ਨੇ ਯੁੱਧ ਸ਼ੁਰੂ ਕਰਨ ਤੋਂ ਪਹਿਲਾਂ ਦੁਨੀਆਂ ਦੇ ਹੋਰ ਦੇਸ਼ਾਂ ਨਾਲ ਖਾਸ ਸਲਾਹ ਨਹੀਂ ਕੀਤੀ ਸੀ, ਪਰ ਹੁਣ ਯੁੱਧ ਖਤਮ ਕਰਨ ਵੇਲੇ ਉਹ ਚਾਹੁੰਦੇ ਹਨ ਕਿ ਬਾਕੀ ਦੁਨੀਆ ਇਸ ਨੁਕਸਾਨ ਦੀ ਭਰਪਾਈ ਵਿੱਚ ਮਦਦ ਕਰੇ।
ਇਸ ਯੁੱਧ ਨੇ ਗਲੋਬਲ ਆਰਥਿਕਤਾ ਉੱਤੇ ਵੀ ਅਸਰ ਪਾਇਆ ਹੈ। ਹੋਰਮੁਜ਼ ਜਲ ਮਾਰਗ ਰਾਹੀਂ ਤੇਲ ਦੀ ਸਪਲਾਈ ਰੁਕਣ ਕਾਰਨ ਤੇਲ ਦੀਆਂ ਕੀਮਤਾਂ ਵਧੀਆਂ ਹਨ, ਜਿਸ ਦਾ ਅਸਰ ਭਾਰਤ ਵਰਗੇ ਦੇਸ਼ਾਂ ਉੱਤੇ ਵੀ ਪੈ ਰਿਹਾ ਹੈ। ਟਰੰਪ ਦਾ ਇਹ ਬਿਆਨ ਯੁੱਧ ਦੀ ਸਮਾਪਤੀ ਵੱਲ ਇੱਕ ਵੱਡਾ ਸੰਕੇਤ ਹੈ, ਪਰ ਇਰਾਨ ਵੱਲੋਂ ਹੋਰਮੁਜ਼ ਉੱਤੇ ਕੰਟਰੋਲ ਬਰਕਰਾਰ ਰੱਖਣ ਅਤੇ ਯੂਰਪੀ ਦੇਸ਼ਾਂ ਵੱਲੋਂ ਸੀਮਤ ਸਮਰਥਨ ਕਾਰਨ ਭਵਿੱਖ ਅਜੇ ਵੀ ਅਨਿਸ਼ਚਿਤ ਬਣਿਆ ਹੋਇਆ ਹੈ।ਟਰੰਪ ਨੇ ਇਸ ਯੁੱਧ ਨੂੰ “ਪੀਸ ਥ੍ਰੂ ਸਟ੍ਰੈਂਗਥ” ਦੀ ਨੀਤੀ ਵਜੋਂ ਪੇਸ਼ ਕੀਤਾ ਹੈ, ਜਿਸ ਦਾ ਉਦੇਸ਼ ਇਰਾਨ ਦੀ ਨਿਊਕਲੀਅਰ ਤਾਕਤ ਨੂੰ ਖਤਮ ਕਰਨਾ ਸੀ। ਹਾਲਾਂਕਿ ਯੁੱਧ ਦੀ ਲੰਬਾਈ ਅਤੇ ਇਸ ਦੇ ਆਰਥਿਕ ਪ੍ਰਭਾਵ ਬਾਰੇ ਚਰਚਾ ਜਾਰੀ ਹੈ। ਇਸ ਤੋਂ ਇਲਾਵਾ, ਟਰੰਪ ਨੇ ਇੱਕ ਰਾਸ਼ਟਰੀ ਸੰਬੋਧਨ ਵੀ ਐਲਾਨ ਕੀਤਾ ਹੈ, ਜਿਸ ਵਿੱਚ ਯੁੱਧ ਬਾਰੇ ਹੋਰ ਵੇਰਵੇ ਦਿੱਤੇ ਜਾ ਸਕਦੇ ਹਨ।
