‘ਦ ਖ਼ਾਲਸ ਬਿਊਰੋ : ਭਾਰਤ ਵਿੱਚ ਤਿਉਹਾਰਾਂ ਦੇ ਦਿਨ ਸ਼ੁਰੂ ਹੋਣ ਵਾਲੇ ਹਨ। ਇਨ੍ਹਾਂ ਦਿਨਾਂ ਵਿੱਚ ਫਲਿੱਪਕਾਰਟ (Flipkart) ਅਤੇ ਐਮਾਜ਼ੋਨ (Amazon) ਵਰਗੀਆਂ ਈ-ਕਾਮਰਸ ਸਾਈਟਾਂ (E-Commerce Sites) ਪੇਸ਼ਕਸ਼ਾਂ ਅਤੇ ਛੋਟਾਂ ਦੇ ਨਾਲ ਖਰੀਦਦਾਰਾਂ ਨੂੰ ਲੁਭਾਉਂਦੀਆਂ ਹਨ। ਜਦਕਿ ਦੂਜੇ ਪਾਸੇ Xiaomi ਇਸ ਦੇ ਉਲਟ ਕਰ ਰਹੀ ਹੈ। ਪ੍ਰਸਿੱਧ ਸਮਾਰਟਫੋਨ ਬ੍ਰਾਂਡ ਇੱਕ ਮੁਹਿੰਮ ਦੇ ਨਾਲ ਆਇਆ ਹੈ, ਜੋ ਪ੍ਰਸ਼ੰਸਕਾਂ ਨੂੰ ਇਸ ਸਮੇਂ ਨਵਾਂ ਫੋਨ ਜਾਂ ਗੈਜੇਟ ਨਾ ਖਰੀਦਣ ਦਾ ਸੁਝਾਅ ਦੇ ਰਿਹਾ ਹੈ। ਇਸ ਦੀ ਬਜਾਏ ਇਹ ਬ੍ਰਾਂਡ ਆਪਣੇ ਆਉਣ ਵਾਲੇ ਨਵੇਂ ਪ੍ਰੋਡਕਟ ਦਾ ਇਸ਼ਤਿਹਾਰ ਦੇ ਰਿਹਾ ਹੈ।
Xiaomi ਦੀ ਆਉਣ ਵਾਲੀ ‘ਟੈਕ ਕਾ ਸ਼ੁੱਭ ਮਹੂਰਤ (Tech Ka Shubh Muhurta)’ ਸੇਲ ਭਾਰਤ ਵਿੱਚ ਇਸਦੇ ਉਤਪਾਦਾਂ ਲਈ ਬ੍ਰਾਂਡ ਦੀ ਤਿਉਹਾਰੀ ਵਿਕਰੀ ਹੈ। ਇਸ ਤੋਂ ਪਹਿਲਾਂ ਕੰਪਨੀ ਆਪਣੇ ‘Don’t Buy Take Yet’ ਹੈਸ਼ਟੈਗ ਦਾ ਇਸ਼ਤਿਹਾਰ ਦੇ ਰਹੀ ਹੈ, ਜੋ ਕਿ ਇਸਦੀ ਆਉਣ ਵਾਲੀ ਤਿਉਹਾਰੀ ਸੇਲ ਲਈ ਵਧੇਰੇ ਉਪਭੋਗਤਾਵਾਂ ਨੂੰ ਆਕਰਸ਼ਿਤ ਕਰ ਰਹੀ ਹੈ। ਅਜਿਹਾ ਲੱਗਦਾ ਹੈ ਕਿ ਕੰਪਨੀ ਦੀਵਾਲੀ ਤੋਂ ਪਹਿਲਾਂ ਵੱਡੀ ਸੇਲ ਕਰੇਗੀ। ਭਾਰਤ ‘ਚ ਇਸ ਦੀ ਵਿਕਰੀ 20 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਐਮਾਜ਼ਾਨ ਅਤੇ ਫਲਿੱਪਕਾਰਟ ਦੀ ਆਉਣ ਵਾਲੀ ਸੇਲ ਦੇ ਸਮਾਨ ਟਾਈਮਲਾਈਨ ‘ਤੇ ਹੈ।
Xiaomi ਨੇ ਇਹ ਨਹੀਂ ਦੱਸਿਆ ਹੈ ਕਿ ਬ੍ਰਾਂਡ ਕਿਹੜੀ ਛੂਟ ਦੀ ਪੇਸ਼ਕਸ਼ ਕਰੇਗਾ ਜਾਂ ਕਿਹੜੇ ਉਤਪਾਦਾਂ ‘ਤੇ। ਕੰਪਨੀ ਦੀ ਵੈੱਬਸਾਈਟ ਮੁਤਾਬਕ ਸੇਲ ‘ਚ ਉਪਲੱਬਧ ਪ੍ਰਮੁੱਖ ਡਿਵਾਈਸ ਸਮਾਰਟਫੋਨ, ਲੈਪਟਾਪ ਅਤੇ ਟੀ.ਵੀ. ਹੋਣਗੇ। ਕੰਪਨੀ 15 ਸਤੰਬਰ ਤੋਂ ਆਪਣੀ ਅਧਿਕਾਰਤ ਵੈੱਬਸਾਈਟ ‘ਤੇ ਆਫਰ ਦਾ ਖੁਲਾਸਾ ਕਰੇਗੀ। ਸਪਿਨ ਦ ਵ੍ਹੀਲ, ਸੁਪਰ ਸਲਾਟ ਮਸ਼ੀਨ ਅਤੇ ਫਾਇਰਕ੍ਰੈਕਰ ਰਨ ਮੁਕਾਬਲੇ ਵੀ ਹਨ, ਜਿੱਥੇ ਤੁਸੀਂ ਮੁਫ਼ਤ Xiaomi ਸਮਾਰਟ ਟੀਵੀ, ਇੱਕ Redmi Note 11SE, ਅਤੇ ਹੋਰ ਬਹੁਤ ਕੁਝ ਜਿੱਤ ਸਕਦੇ ਹੋ। ਇਸ ਤੋਂ ਇਲਾਵਾ Xiaomi ਸੇਲ ‘ਚ ਆਪਣੇ ਨਵੇਂ ਲਾਂਚ ਕੀਤੇ ਡਿਵਾਈਸ ਜਿਵੇਂ Redmi A1 ਅਤੇ Redmi 11 Prime ਸੀਰੀਜ਼ ਨੂੰ ਵੀ ਪੇਸ਼ ਕਰੇਗੀ।
