ਭਾਰਤੀ ਦਸਤਾਵੇਜ਼ੀ ਫਿਲਮ ‘ਐਲੀਫੈਂਟ ਵਿਸਪਰਸ'(Elephant Whisperers) ਨੇ ‘ਬੈਸਟ ਡਾਕੂਮੈਂਟਰੀ ਲਘੂ ਫਿਲਮ’ ਸ਼੍ਰੇਣੀ ਵਿੱਚ ਆਸਕਰ(Oscar) ਜਿੱਤਿਆ ਹੈ। ਨਿਰਮਾਤਾ ਗੁਨੀਤ ਮੋਂਗਾ ਅਤੇ ਨਿਰਦੇਸ਼ਕ ਕਾਰਤੀਕੀ ਗੋਂਸਾਲਵੇਸ ਨੇ ਸਟੇਜ ਉੱਤੇ ਜਾ ਕੇ ਇਹ ਸਨਮਾਨ ਲਿਆ। Elephant Whisperers ਦੇ ਮੁਕਾਬਲੇ ਵਿੱਚ ਦਸਤਾਵੇਜ਼ੀ ਫਿਲਮ ‘Haul Out,’ ‘How Do You Measure A Year?’ ‘The Martha Mitchell Effect’ ਸਨ। ਫਿਲਮ ਦੀ ਕਹਾਣੀ ਇੱਕ ਪਰਿਵਾਰ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਤਾਮਿਲਨਾਡੂ ਦੇ ਮੁਦੁਮਲਾਈ ਟਾਈਗਰ ਰਿਜ਼ਰਵ ਵਿੱਚ ਦੋ ਅਨਾਥ ਹਾਥੀਆਂ ਨੂੰ ਗੋਦ ਲੈਂਦਾ ਹੈ।
ਵੈਸੇ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਗੁਨੀਤ ਮੋਂਗਾ ਆਸਕਰ ਨੂੰ ਭਾਰਤ ਲੈ ਕੇ ਆਇਆ ਹੋਵੇ। 2019 ਵਿੱਚ, ਗੁਨੀਤ ਮੋਂਗਾ ਦੀ ਦਸਤਾਵੇਜ਼ੀ ‘Period. End of Sentence’ ਨੇ ਡਾਕੂਮੈਂਟਰੀ ਸ਼ਾਰਟ ਸਬਜੈਕਟ ਵਿੱਚ ਆਸਕਰ ਜਿੱਤਿਆ ਸੀ।
'The Elephant Whisperers' wins the Oscar for Best Documentary Short Film. Congratulations! #Oscars #Oscars95 pic.twitter.com/WeiVWd3yM6
— The Academy (@TheAcademy) March 13, 2023
ਸਿਨੇਮਾ ਜਗਤ ਦੀ ਸਭ ਤੋਂ ਵੱਡੀ ਐਵਾਰਡ ਨਾਈਟ ਅਕੈਡਮੀ ਐਵਾਰਡਜ਼ ਯਾਨੀ ਆਸਕਰ 2023 ਸ਼ੁਰੂ ਹੋ ਗਈ ਹੈ। 95ਵਾਂ ਅਕੈਡਮੀ ਅਵਾਰਡ ਸਮਾਰੋਹ ਇਸ ਸਮੇਂ ਲਾਸ ਏਂਜਲਸ ਦੇ ਡੌਲਬੀ ਥੀਏਟਰ ਵਿੱਚ ਚੱਲ ਰਿਹਾ ਹੈ। ਪਿਛਲੇ ਸਾਲ ਦੀ ਸਰਵੋਤਮ ਫਿਲਮ, ਕਲਾਕਾਰ, ਸੰਗੀਤ, ਬੈਂਡ ਭਾਵ ਸਿਨੇਮਾ ਜਗਤ ਨਾਲ ਸਬੰਧਤ ਸਾਰੀਆਂ ਬਿਹਤਰੀਨ ਪ੍ਰਤਿਭਾਵਾਂ ਨੂੰ 95ਵੇਂ ਅਕੈਡਮੀ ਐਵਾਰਡ ਸਮਾਰੋਹ ਵਿੱਚ ਸਨਮਾਨਿਤ ਕੀਤਾ ਜਾ ਰਿਹਾ ਹੈ।
ਇਸ ਸਾਲ ਦਾ ਆਸਕਰ ਭਾਰਤ ਲਈ ਵੀ ਖਾਸ ਹੈ ਕਿਉਂਕਿ ਭਾਰਤੀ ਫਿਲਮਾਂ ਨੂੰ ਤਿੰਨ ਸ਼੍ਰੇਣੀਆਂ ਵਿੱਚ ਐਂਟਰੀ ਮਿਲੀ ਹੈ। ਇਸ ਦੌਰਾਨ ਐੱਸ.ਐੱਸ.ਰਾਜਮੌਲੀ ਦੀ ਫਿਲਮ RRR ਨੂੰ ਬੈਸਟ ਓਰੀਜਨਲ ਗੀਤ ਦੀ ਸ਼੍ਰੇਣੀ ‘ਚ ਨਾਮਜ਼ਦਗੀ ਮਿਲੀ ਹੈ, ਜਿਸ ‘ਤੇ ਹਰ ਭਾਰਤੀ ਦੀਆਂ ਉਮੀਦਾਂ ਹਨ। ਹਾਲਾਂਕਿ, ਭਾਰਤ ਤੋਂ ਇੱਕ ਹੋਰ ਨਾਮਜ਼ਦਗੀ, ਸ਼ੌਨਕ ਸੇਨ ਦੀ ‘ਆਲ ਦੈਟ ਬਰਿਦਸ’ ਨੂੰ ਸਰਵੋਤਮ ਦਸਤਾਵੇਜ਼ੀ ਫੀਚਰ ਸ਼੍ਰੇਣੀ ਵਿੱਚੋਂ ਬਾਹਰ ਹੋ ਗਈ ਹੈ।
ਆਸਕਰ ਸਮਾਰੋਹ ‘ਚ ਦੀਪਿਕਾ ਪਾਦੁਕੋਣ ਵੀ ਪੇਸ਼ਕਾਰ ਦੇ ਤੌਰ ‘ਤੇ ਮੌਜੂਦ ਰਹੇਗੀ। ਇਸ ਵਾਰ ਸਾਰਿਆਂ ਦੀਆਂ ਨਜ਼ਰਾਂ ਭਾਰਤ ‘ਤੇ ਟਿਕੀਆਂ ਹੋਈਆਂ ਹਨ। ਇੰਨਾ ਹੀ ਨਹੀਂ ਇਸ ਵਾਰ ਆਸਕਰ ਸ਼ੋਅ ਦੇ ਹੋਸਟ ਮਸ਼ਹੂਰ ਕਾਮੇਡੀਅਨ ਜਿੰਮੀ ਕਿਮਲ ਹਨ। #OSCARS95 ਸੋਸ਼ਲ ਮੀਡੀਆ ‘ਤੇ ਟ੍ਰੈਂਡ ਕਰ ਰਿਹਾ ਹੈ।