ਬੈਂਗਲੁਰੂ ਤੋਂ ਦਿੱਲੀ ਤੱਕ ਟਮਾਟਰ ਦੀਆਂ ਕੀਮਤਾਂ ਅਸਮਾਨ ਛੂਹ ਰਹੀਆਂ ਹਨ। ਇਸ ਸਮੇਂ ਬੈਂਗਲੁਰੂ ‘ਚ ਟਮਾਟਰ 100 ਰੁਪਏ ਪ੍ਰਤੀ ਕਿਲੋ ‘ਤੇ ਪਹੁੰਚ ਗਿਆ ਹੈ, ਜਦੋਂ ਕਿ ਮੱਧ ਪ੍ਰਦੇਸ਼ ਅਤੇ ਪੰਜਾਬ ‘ਚ ਵੀ ਟਮਾਟਰ 70 ਰੁਪਏ ਪ੍ਰਤੀ ਕਕਿੱਲੋ ਤੱਕ ਪਹੁੰਚ ਗਿਆ ਹੈ।
ਕਾਨਪੁਰ ਵਿੱਚ 100 ਰੁਪਏ ਕਿੱਲੋ ਟਮਾਟਰ
ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਵਿੱਚ ਵੀ ਮੰਗਲਵਾਰ ਨੂੰ ਟਮਾਟਰ ਦੀਆਂ ਕੀਮਤਾਂ ਨੂੰ ਛੂਹਦਾ ਦੇਖਿਆ ਗਿਆ। ਟਮਾਟਰ ਵੇਚਣ ਵਾਲੇ ਦਾ ਕਹਿਣਾ ਹੈ ਕਿ ਅਸੀਂ 100 ਰੁਪਏ ਕਿੱਲੋ ਟਮਾਟਰ ਵੇਚ ਰਹੇ ਹਾਂ। ਮੀਂਹ ਕਾਰਨ ਕੀਮਤਾਂ ਵਧ ਗਈਆਂ ਹਨ। ਦਿੱਲੀ ਸਬਜ਼ੀ ਮੰਡੀ ਦੇ ਭਾਅ ਵਧ ਗਏ ਹਨ। ਦਿੱਲੀ ਦੇ ਵਪਾਰੀ ਮੁਹੰਮਦ ਰਾਜੂ ਨੇ ਦੱਸਿਆ ਕਿ ਟਮਾਟਰ 80 ਰੁਪਏ ਕਿੱਲੋ ਵਿਕ ਰਿਹਾ ਹੈ। ਪਿਛਲੇ ਦੋ-ਤਿੰਨ ਦਿਨਾਂ ਤੋਂ ਇਹ ਦਰ ਅਚਾਨਕ ਵਧ ਗਈ ਹੈ।
#WATCH | Price of Tomato crosses Rs 100 per kg in Bengaluru (26/06) pic.twitter.com/vSG2qO4Ec2
— ANI (@ANI) June 26, 2023
ਟਮਾਟਰ ਹੁਣ ਹੋਰ ਮਹਿੰਗੇ ਹੋਣਗੇ
ਸਬਜ਼ੀ ਵਿਕ੍ਰੇਤਾਵਾਂ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਟਮਾਟਰਾਂ ਦੀਆਂ ਕੀਮਤਾਂ ਵਿੱਚ ਹੋਰ ਵਾਧਾ ਹੋ ਸਕਦਾ ਹੈ। ਦਿੱਲੀ ਦੇ ਇੱਕ ਵਿਕਰੇਤਾ ਨੇ ਕਿਹਾ, “ਟਮਾਟਰ ਦੀ ਕੀਮਤ ਇਸ ਵੇਲੇ 80 ਰੁਪਏ ਪ੍ਰਤੀ ਕਿਲੋ ਚੱਲ ਰਹੀ ਹੈ। ਸਟਾਕ ਘੱਟ ਹੈ ਅਤੇ ਉਤਪਾਦਨ ਦੀ ਕਮੀ ਕਾਰਨ ਪਿਛਲੇ 4 ਦਿਨਾਂ ਤੋਂ ਟਮਾਟਰ ਮਹਿੰਗੇ ਹੋ ਗਏ ਹਨ।” ਵਪਾਰੀਆਂ ਮੁਤਾਬਕ ਜਦੋਂ ਨਵੀਂ ਫਸਲ ਆਵੇਗੀ ਤਾਂ ਭਾਅ ਹੇਠਾਂ ਆਉਣ ਦੀ ਉਮੀਦ ਹੈ। ਪਰ ਜੇਕਰ ਹਿਮਾਚਲ ਪ੍ਰਦੇਸ਼ ਅਤੇ ਹੋਰ ਰਾਜਾਂ ਵਿੱਚ ਜ਼ਿਆਦਾ ਮੀਂਹ ਪੈਂਦਾ ਹੈ ਤਾਂ ਫਸਲਾਂ ਪ੍ਰਭਾਵਿਤ ਹੋ ਸਕਦੀਆਂ ਹਨ ਅਤੇ ਕੀਮਤਾਂ ਉੱਚੀਆਂ ਰਹਿ ਸਕਦੀਆਂ ਹਨ।
Tomato prices soar in Kanpur, Uttar Pradesh
"We are selling tomatoes at Rs 100 kg. Due to rain, the prices have increased," says a tomato seller pic.twitter.com/UBjxS89XPu
— ANI (@ANI) June 27, 2023
ਇਸ ਵਜ੍ਹਾ ਕਾਰਨ ਵਧੀ ਟਮਾਟਰ ਦੀ ਕੀਮਤ
ਮੌਨਸੂਨ ਸ਼ੁਰੂ ਹੋਣ ਨਾਲ ਟਮਾਟਰਾਂ ਦੀ ਕੀਮਤਾਂ ਵਿੱਚ ਵਾਧਾ ਹੋ ਗਿਆ ਹੈ। ਮੌਨਸੂਨ ਦੇ ਆਉਣ ਤੋਂ ਪਹਿਲਾਂ ਹੀ ਕਈ ਰਾਜਾਂ ਵਿੱਚ ਬੇਮੌਸਮੀ ਬਾਰਸ਼ ਨੇ ਟਮਾਟਰ ਦੀ ਫ਼ਸਲ ਨੂੰ ਪ੍ਰਭਾਵਿਤ ਕੀਤਾ ਸੀ ਅਤੇ ਇਸ ਕਾਰਨ ਹੁਣ ਟਮਾਟਰ ਰਸੋਈ ਵਿੱਚੋਂ ਗਾਇਬ ਹੋ ਗਿਆ ਹੈ।
ਬੇਮੌਸਮੀ ਬਾਰਸ਼ ਨੇ ਜਿੱਥੇ ਇਸ ਗਰਮੀ ਵਿੱਚ ਕਈ ਰਾਜਾਂ ਵਿੱਚ ਟਮਾਟਰ ਦੀ ਫਸਲ ਨੂੰ ਪ੍ਰਭਾਵਿਤ ਕੀਤਾ, ਉੱਥੇ ਹੀ ਹਾਲ ਹੀ ਵਿੱਚ ਆਏ ਚੱਕਰਵਾਤੀ ਤੂਫ਼ਾਨ ਬਿਪਰਜੋਏ ਨੇ ਵੀ ਟਮਾਟਰ ਦੀ ਫਸਲ ਨੂੰ ਨੁਕਸਾਨ ਪਹੁੰਚਾਇਆ ਕਿਉਂਕਿ ਗੁਜਰਾਤ ਅਤੇ ਮਹਾਰਾਸ਼ਟਰ ਵਿੱਚ ਟਮਾਟਰ ਦੀ ਪੈਦਾਵਾਰ ਬਹੁਤ ਜ਼ਿਆਦਾ ਹੁੰਦੀ ਹੈ।
