ਚੰਡੀਗੜ੍ਹ : ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਸਾਬਕਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਕਿਸਾਨਾਂ ਦੇ ਹੱਕ ਵਿੱਚ ਨਿੱਤਰ ਆਏ ਹਨ।ਸਿੱਧੂ ਨੇ ਕਿਹਾ ਕਿ ਆਪਣੀਆਂ ਮੰਗਾਂ ਲਈ ਸ਼ਾਂਤਮਈ ਅੰਦੋਲਨ ਕਰਨਾ ਸਭ ਦਾ ਹੱਕ ਹੈ, ਜਿਸ ਕਾਰਨ ਕਿਸਾਨਾਂ ਨੂੰ ਅੰਦੋਲਨ ਕਰਨ ਦੇਣਾ ਚਾਹੀਦਾ ਹੈ ਨਾਂ ਕਿ ਉਨ੍ਹਾਂ ’ਤੇ ਜਬਰ ਕਰਨਾ ਚਾਹੀਦਾ ਹੈ।
ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਨਵਜੋਤ ਸਿੰਘ ਸਿੱਧੂ ਨੇ ਵੱਖ ਵੱਖ ਮੁੱਦਿਆਂ ’ਤੇ ਪੰਜਾਬ ਸਰਕਾਰ ‘ਤੇ ਨਿਸ਼ਾਨੇ ਸਾਧਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਖੁਦ ਆਪਣੇ ਵਾਅਦਿਆਂ ਤੋਂ ਭੱਜ ਰਹੀ ਤੇ ਕਿਸਾਨਾਂ ਨਾਲ ਵੀ ਕੀਤੇ ਵਾਅਦੇ ਪੂਰੇ ਨਹੀਂ ਕੀਤੇ ਜਾ ਰਹੇ ਤੇ ਸਿਰਫ ਡੰਗ ਟਪਾਊ ਢੰਗ ਨਾਲ ਕੰਮ ਚਲਾਇਆ ਜਾ ਰਿਹਾ ਹੈ।
ਸਿੱਧੂ ਨੇ ਕਿਹਾ ਕਿ ਅੱਜ ਕਿਸਾਨ ਆਪਣੇ ਉਪਰ ਹੁੰਦੇ ਜ਼ੁਲਮ ਨੂੰ ਸੜਕਾਂ ‘ਤੇ ਲੈ ਕੇ ਆਏ ਹਨ। ਕੇਂਦਰ ਨੇ ਸਾਡੇ ਨਾਲ ਧੱਕਾ ਕੀਤਾ ਹੈ। ਖਾਣ ਵਾਲਾ ਤੇਲ ਜੋ ਪਹਿਲਾਂ 77 ਰੁਪਏ ਲੀਟਰ ਸੀ, ਹੁਣ 210 ਰੁਪਏ ਹੋ ਗਿਆ ਹੈ। ਮਤਲਬ ਇਹ 130 ਫੀਸਦੀ ਮਹਿੰਗਾ ਹੋ ਗਿਆ ਹੈ। ਸਰ੍ਹੋਂ ਦਾ ਤੇਲ ਡਬਲ ਤੋਂ ਉੱਪਰ ਚਲਾ ਗਿਆ ਹੈ। ਗੈਸ ਸਿਲੰਡਰ ਦੀ ਕੀਮਤ 300 ਰੁਪਏ ਤੋਂ ਵਧ ਕੇ 1100 ਰੁਪਏ ਹੋ ਗਈ ਹੈ।
As our farmer is struggling to get good price of his hard work and crop and also getting tear gas shells right in his face — why not open an international border that connects the Asia and Europe so that farmers who are our pride don't have to lean for his rights and prices. pic.twitter.com/TeOCVnfbJr
— Navjot Singh Sidhu (@sherryontopp) February 18, 2024
ਪੈਟਰੋਲ-ਡੀਜ਼ਲ, ਜਿਸ ‘ਤੇ ਸਾਰੀਆਂ ਚੀਜ਼ਾਂ ਦੇ ਰੇਟਾਂ ‘ਚ ਵਾਧਾ ਜਾਂ ਕਮੀ ਨਿਰਭਰ ਕਰਦੀ ਹੈ, ਲਗਾਤਾਰ ਵਧ ਮਹਿੰਗਾ ਹੋ ਰਿਹਾ ਹੈ। ਡਾ. ਮਨਮੋਹਨ ਸਿੰਘ ਦੇ ਸਮੇਂ ਇਸ ‘ਤੇ ਕੰਟਰੋਲ ਸੀ। 2013 ਵਿੱਚ ਪੈਟਰੋਲ-ਡੀਜ਼ਲ ਦੀ ਕੀਮਤ 38 ਰੁਪਏ ਸੀ ਤੇ ਹੁਣ 6 ਸਾਲਾਂ ਵਿੱਚ 90 ਰੁਪਏ ਤੋਂ ਉੱਪਰ ਹੋ ਗਈ।ਕਿਸਾਨਾਂ ਦੀ ਆਮਦਨ 1400 ਰੁਪਏ ਤੋਂ ਵਧ ਕੇ 1800 ਰੁਪਏ ਹੋ ਗਈ।
Favouring defaulters and ignoring the Food Growers . This is the real face of this ongoing regime. If you can wave off debts of big business tycoons who looted public money, then why you are mum when it comes to waiving debts of the farmer of India . pic.twitter.com/zpm3hrYPKM
— Navjot Singh Sidhu (@sherryontopp) February 18, 2024
ਉਨ੍ਹਾਂ ਨੇ ਕਿਹਾ ਕਿ ਫਸਲਾਂ ਦੀ ਐਮਐਸਪੀ ਦੀ ਗੱਲ ਕਰੀਏ ਤਾਂ ਇੱਕ ਸਾਲ ਬਾਅਦ ਇਸ ਵਿੱਚ 40 ਰੁਪਏ ਤੇ ਚੋਣ ਸਾਲ ਵਿੱਚ 400 ਰੁਪਏ ਦਾ ਵਾਧਾ ਕੀਤਾ ਜਾਂਦਾ ਹੈ। ਜੇਕਰ ਖਾਦ ਦੀ ਗੱਲ ਕਰੀਏ ਤਾਂ ਇਸਦੇ ਰੇਟ 30 ਫੀਸਦੀ ਵਧਾ ਦਿੱਤੇ ਗਏ। ਖਾਦਾਂ ਵੀ ਬਾਜ਼ਾਰ ਵਿੱਚ ਨਕਲੀ ਵੇਚੀਆਂ ਗਈਆਂ ਤੇ ਕਿਸਾਨ ਰੋਂਦਾ ਰਿਹਾ। 40 ਰੁਪਏ ਦੇ ਕੇ ਕਿਸਾਨ ਤੋਂ 400 ਰੁਪਏ ਲੈ ਲਏ।
Live— On the Front Foot on Farmer issues. pic.twitter.com/cqdeTGrqeV
— Navjot Singh Sidhu (@sherryontopp) February 18, 2024
ਮੁੱਖ ਮੰਤਰੀ ਮਾਨ ‘ਤੇ ਨਿਸ਼ਾਨਾ ਸਾਧਦਿਆਂ ਸਿੱਧੂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਕਣਕ ਤੇ ਝੋਨੇ ਦੇ ਘੱਟੋ-ਘੱਟ ਸਮਰਥਨ ਮੁੱਲ ‘ਤੇ 72 ਹਜ਼ਾਰ ਕਰੋੜ ਰੁਪਏ ਖਰਚ ਕਰਦੀ ਹੈ ਅਤੇ ਸੀਐਮ ਮਾਨ 22 ਫਸਲਾਂ ‘ਤੇ MSP ਦੇਣ ਦੀ ਗੱਲ ਕਰ ਰਹੇ ਹਨ। ਸਿੱਧੂ ਨੇ ਕਿਹਾ ਕਿ ਉਹ ਸ਼ੇਖ-ਚਿੱਲੀ ਵਾਂਗ ਸੁਪਨੇ ਦੇਖ ਰਹੇ ਹਨ। ਕਿਸਾਨਾਂ ਨੂੰ ਦਾਲਾਂ ਉਗਾਉਣ ਲਈ ਕਿਹਾ ਗਿਆ। ਸਾਰੀ ਮੂੰਗੀ ਦੀ ਫਸਲ ਦੀ ਲਿਫਟਿੰਗ ਕਰਨ ਦੀ ਗੱਲ ਕਹੀ ਪਰ ਲਿਫਟਿੰਗ ਸਿਰਫ 8 ਫੀਸਦੀ ਕੀਤੀ। ਦੂਜੇ ਕਿਸਾਨਾਂ ਨੂੰ ਆਪਣੀ ਫ਼ਸਲ ਸਸਤੀ ਵੇਚਣੀ ਪਈ।
ਸਿੱਧੂ ਨੇ ਦੋਸ਼ ਲਾਇਆ ਕਿ ਐਫਸੀਆਈ ਨੂੰ ਦਿਵਾਲੀਆ ਕਰਨ ਤੋਂ ਬਾਅਦ ਕੇਂਦਰ ਨੇ ਸਟੋਰੇਜ ਅਡਾਨੀ ਕਾਰਪੋਰੇਟ ਨੂੰ ਦੇ ਦਿੱਤੀ ਹੈ। ਜੇਕਰ ਉਨ੍ਹਾਂ ਦਾ ਗੋਦਾਮ 25 ਫੀਸਦੀ ਭਰਦਾ ਹੈ ਤਾਂ ਉਨ੍ਹਾਂ ਨੂੰ 100 ਫੀਸਦੀ ਅਦਾਇਗੀ ਕੀਤੀ ਜਾਂਦੀ ਹੈ। ਪਰ ਕਿਸਾਨਾਂ ਲਈ ਕੀ ਸੋਚਿਆ ਗਿਆ? ਕੁਝ ਨਹੀਂ। ਭਾਜਪਾ ਨੇ 10 ਸਾਲਾਂ ਵਿੱਚ ਅਮੀਰਾਂ ਦੇ 16 ਲੱਖ 54 ਹਜ਼ਾਰ ਕਰੋੜ ਰੁਪਏ ਦੇ ਕਰਜ਼ੇ ਮੁਆਫ਼ ਕੀਤੇ। ਪਰ ਉਹ ਕਿਸਾਨਾਂ ਦੇ ਕਰਜ਼ੇ ਮੁਆਫ਼ ਕਰਨ ਤੋਂ ਪਿੱਛੇ ਹੱਟਦੇ ਹਨ।
