LDH GIRL RAPE

ਬਿਊਰੋ ਰਿਪੋਰਟ : ਪੰਜਾਬ ਵਿੱਚ ਜੁਰਮ ਕਿਸ ਕਦਰ ਬੇਲਗਾਮ ਹੋ ਚੁੱਕਾ ਹੈ ਕਿ ਆਮੋ-ਖਾਸ ਵਿੱਚ ਸੁਰੱਖਿਆ ਨੂੰ ਲੈਕੇ ਚਿੰਤਾ ਵੱਧ ਗਈ ਹੈ। 8 ਦਸੰਬਰ ਨੂੰ ਬਠਿੰਡਾ ਅਤੇ ਕਪੂਰਥਲਾ ਵਿੱਚ ਸਰੇਆਰ 3 ਲੋਕਾਂ ਨੂੰ ਗੋਲੀ ਮਾਰ ਦਿੱਤੀ ਗਈ ਹੁਣ ਲੁਧਿਆਣਾ ਵਿੱਚ ਦਿਨ ਦਿਹਾੜੇ ਇੱਕ ਨਾਬਾਲਿਗ ਕੁੜੀ ਨੂੰ ਜਬਰਨ ਕਾਰ ਵਿੱਚ ਬਿਠਾ ਕੇ ਇੱਕ ਮੁੰਡਾ ਲੈ ਗਿਆ ਹੈ । ਕੁੜੀ ਸਕੂਲ ਜਾ ਰਹੀ ਸੀ ਜਿਵੇਂ ਹੀ ਉਹ ਸ਼ੇਰਪੁਰ ਕਲਾਂ ਪਹੁੰਚੀ ਇੱਕ ਸ਼ਖ਼ਸ ਨੇ ਕਾਰ ਰੋਕੀ ਅਤੇ ਜਬਰਨ ਉਸ ਨੂੰ ਗੱਡੀ ਵਿੱਚ ਬਿਠਾ ਲਿਆ ਅਤੇ ਫਿਰ ਮੰਦਰ ਪਹੁੰਚ ਗਿਆ।

ਭਗਵਾਨ ਦਾਸ ਮੰਦਰ ਵਿੱਚ ਲਿਜਾ ਕੇ ਮੁਲਜ਼ਮ ਨੇ ਕੁੜੀ ਦੇ ਸਿਰ ‘ਤੇ ਸਿੰਧੂਰ ਲਾ ਦਿੱਤਾ,ਨਾਬਾਲਿਗ ਕੁੜੀ ਵਿਰੋਧ ਕਰਦੀ ਰਹੀ ਪਰ ਉਸ ਨੇ ਇੱਕ ਨਹੀਂ ਸੁਣੀ। ਕੁੜੀ ਨਾਲ ਕੀਤੀ ਇਸ ਹਰਕਤ ਤੋਂ ਬਾਅਦ ਮੁਲਜ਼ਮ ਨੇ ਫਿਰ ਕੁੜੀ ਨੂੰ ਜਬਰਨ ਕਾਰ ਵਿੱਚ ਬਿਠਾਇਆ ਅਤੇ ਉਸ ਨਾਲ ਜਬਰ ਜਨਾਹ ਵਰਗਾ ਘਿਨੌਣਾ ਅਪਰਾਧ ਕੀਤਾ । ਇਸ ਨਾਪਾਕ ਹਰਕਤ ਤੋਂ ਬਾਅਦ ਮੁਲਜ਼ਮ ਕੁੜੀ ਨੂੰ ਉਸ ਦੇ ਘਰ ਦੇ ਬਾਹਰ ਸੁੱਟ ਕੇ ਫਰਾਰ ਹੋ ਗਿਆ ।

ਮੁਲਜ਼ਮ ਦਾ ਨਾਂ ਸੰਜੇ ਦੱਸਿਆ ਜਾ ਰਿਹਾ ਹੈ ਅਤੇ ਉਹ ਪਾਵਰ ਰੇਲਵੇ ਲਾਈਨ ਰਾਜੀਵ ਗਾਂਧੀ ਕਾਲੋਨੀ ਦਾ ਰਹਿਣ ਵਾਲਾ ਹੈ । ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮ ਸੰਜੇ ਪਹਿਲਾਂ ਤੋਂ ਹੀ ਪੀੜਤਾਂ ‘ਤੇ ਬੁਰੀ ਨਜ਼ਰ ਰੱਖ ਦਾ ਸੀ । ਮੌਕਾ ਵੇਖ ਦੇ ਹੀ ਉਸ ਨੇ ਆਪਣੀ ਨਾਪਾਕ ਹਰਕਤ ਨੂੰ ਅੰਜਾਮ ਦੇ ਦਿੱਤਾ। ਮੁਲਜ਼ਮ ਦੇ ਖਿਲਾਫ਼ ਥਾਣਾ ਫੋਕਲ ਪੁਆਇੰਟ ਵਿੱਚ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ । ਵਿਦਿਆਰਥਣ ਦਾ ਮੈਡੀਕਲ ਕਰਵਾਇਆ ਜਾ ਰਿਹਾ ਹੈ ਅਤੇ ਮੁਲਜ਼ਮ ਨੂੰ ਫੜਨ ਦੇ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ ।