ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ (SGPC) ਨੇ CBSE ਅਤੇ PSEB ਨਾਲ ਸਬੰਧਤ ਸਕੂਲਾਂ ਵਿੱਚ ਅਧਿਆਪਕਾਂ ਅਤੇ ਪ੍ਰਿੰਸੀਪਲਾਂ ਦੀ ਭਰਤੀ ਲਈ ਇਸ਼ਤਿਹਾਰ ਜਾਰੀ ਕੀਤਾ ਹੈ। ਅਰਜ਼ੀਆਂ 22 ਅਕਤੂਬਰ, 2025 ਤੱਕ ਮੰਗੀਆਂ ਗਈਆਂ ਹਨ। ਪ੍ਰਿੰਸੀਪਲਾਂ ਦੀਆਂ ਅਸਾਮੀਆਂ ਭਾਈ ਮਹਾਂ ਸਿੰਘ ਖਾਲਸਾ ਪਬਲਿਕ ਸਕੂਲ (ਜਲਾਲਾਬਾਦ, ਫਾਜ਼ਿਲਕਾ), ਸ਼੍ਰੀ ਗੁਰੂ ਅਰਜਨ ਦੇਵ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ (ਕਰਤਾਰਪੁਰ, ਜਲੰਧਰ), ਅਤੇ ਸ਼੍ਰੀ ਮਾਤਾ ਗੰਗਾ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ (ਬਾਬਾ ਬਕਾਲਾ, ਅੰਮ੍ਰਿਤਸਰ) ਵਿੱਚ ਖਾਲੀ ਹਨ।
ਉਮੀਦਵਾਰਾਂ ਕੋਲ MA/MSc ਅਤੇ B.Ed. ਦੀ ਡਿਗਰੀ 55-60% ਅੰਕਾਂ ਨਾਲ ਹੋਣੀ ਚਾਹੀਦੀ ਹੈ, ਅਤੇ 10 ਸਾਲ ਦਾ ਪ੍ਰਬੰਧਕੀ ਜਾਂ ਅਧਿਆਪਨ ਤਜਰਬਾ ਹੋਣ ਨੂੰ ਤਰਜੀਹ ਦਿੱਤੀ ਜਾਵੇਗੀ। ਅਰਜ਼ੀ ਫੀਸ ₹1,000 ਹੈ।ਦੋ ਸਕੂਲਾਂ ਵਿੱਚ ਅਧਿਆਪਕਾਂ ਦੀ ਭਰਤੀ ਹੋਵੇਗੀ। ਗੁਰੂ ਅਰਜਨ ਦੇਵ ਪਬਲਿਕ ਹਾਈ ਸਕੂਲ (ਭਾਰਤ ਸਾਹਿਬ, ਪਠਾਨਕੋਟ) ਨੂੰ DPI, ਨਰਸਰੀ ਅਤੇ ਗਣਿਤ ਅਧਿਆਪਕਾਂ ਦੀ ਲੋੜ ਹੈ।
ਸਾਹਿਬਜ਼ਾਦਾ ਬਾਬਾ ਫਤਿਹ ਸਿੰਘ ਪਬਲਿਕ ਸਕੂਲ (ਗੁਰੂ ਕਾ ਬਾਗ, ਅਜਨਾਲਾ, ਅੰਮ੍ਰਿਤਸਰ) ਨੂੰ ਜਨਰਲ, ਸੰਗੀਤ, ਲਲਿਤ ਕਲਾ, ਪੰਜਾਬੀ, ਅੰਗਰੇਜ਼ੀ, ਗਣਿਤ ਅਤੇ ਸਰੀਰਕ ਸਿੱਖਿਆ ਅਧਿਆਪਕਾਂ ਦੀ ਜ਼ਰੂਰਤ ਹੈ।SGPC ਦੇ ਸਿੱਖਿਆ ਡਾਇਰੈਕਟੋਰੇਟ ਨੇ 2025-26 ਸੈਸ਼ਨ ਲਈ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ। TGT/PGT ਲਈ 55-60% ਅੰਕ ਅਤੇ ਪ੍ਰਾਇਮਰੀ ਅਧਿਆਪਕਾਂ ਲਈ 50% ਅੰਕ ਲਾਜ਼ਮੀ ਹਨ। CTET/PSTET ਪਾਸ ਉਮੀਦਵਾਰਾਂ ਨੂੰ ਪਹਿਲ ਦਿੱਤੀ ਜਾਵੇਗੀ। ਚੋਣ ਪ੍ਰਕਿਰਿਆ ਵਿੱਚ MCQ-ਅਧਾਰਤ ਲਿਖਤੀ ਪ੍ਰੀਖਿਆ, ਆਮ ਗਿਆਨ, ਵਿਸ਼ਾ ਗਿਆਨ ਅਤੇ ਅਧਿਆਪਨ ਯੋਗਤਾ ਸ਼ਾਮਲ ਹੋਣਗੇ। ਵਧੇਰੇ ਜਾਣਕਾਰੀ www.desgpc.org ‘ਤੇ ਉਪਲਬਧ ਹੈ।
