ਦਿੱਲੀ : ਅਦਾਕਾਰਾ ਅਤੇ ਕੌਮੀ ਮਹਿਲਾ ਕਮਿਸ਼ਨ (ਐੱਨਸੀਡਬਲਿਊ) ਦੀ ਮੈਂਬਰ ਖੁਸ਼ਬੂ ਸੁੰਦਰ ( Actress Khushboo Sunder ) ਨੇ ਇੱਕ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ ਕਿ ਅੱਠ ਸਾਲ ਦੀ ਉਮਰ ਵਿੱਚ ਉਸ ਦੇ ਪਿਤਾ ਵੱਲੋਂ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ ਗਿਆ ਸੀ। ਉਸ ਨੇ ਇਸ ਸਮੇਂ ਨੂੰ ਸਭ ਤੋਂ ਔਖਾ ਵੇਲਾ ਦੱਸਿਆ। ਜੈਪੁਰ ਵਿੱਚ ਕਰਵਾਏ ਗਏ ‘ਵੀ ਦਿ ਵੂਮੈਨ’ ਸਮਾਗਮ ਦੌਰਾਨ ਅਦਾਕਾਰਾ ਅਤੇ ਸਿਆਸਤਦਾਨ ਨੇ ਦੱਸਿਆ ਕਿ ਜਦੋਂ ਉਹ 15 ਸਾਲ ਦੀ ਹੋਈ ਤਾਂ ਉਸ ਨੇ ਆਪਣੇ ਪਿਤਾ ਵਿਰੁੱਧ ਬਗਾਵਤ ਕਰਨੀ ਸ਼ੁਰੂ ਕਰ ਦਿੱਤੀ। ਇਸ ਮਗਰੋਂ ਉਸ ਦੇ ਪਿਤਾ ਨੇ ਪਰਿਵਾਰ ਛੱਡ ਦਿੱਤਾ।
ਉਸ ਨੇ ਕਿਹਾ ਕਿ ਜਦੋਂ ਕਿਸੇ ਬੱਚੇ ਨਾਲ ਦੁਰਵਿਹਾਰ ਕੀਤਾ ਜਾਂਦਾ ਹੈ ਇਸ ਦੇ ਜ਼ਖ਼ਮ ਸਾਰੀ ਜ਼ਿੰਦਗੀ ਨਹੀਂ ਭਰਦੇ। ਉਸ ਨੇ ਦੱਸਿਆ ਕਿ ਉਸ ਦੀ ਮਾਤਾ ਨੇ ਵੀ ਕਾਫੀ ਦੁੱਖ ਹੰਢਾਏ। ਉਸ ਦੇ ਪਿਤਾ ਨੂੰ ਲੱਗਦਾ ਸੀ ਕਿ ਆਪਣੀ ਧੀ ਅਤੇ ਪਤਨੀ ਦੀ ਕੁੱਟਮਾਰ ਕਰਨਾ ਉਸ ਦਾ ਜਨਮਸਿੱਧ ਅਧਿਕਾਰ ਹੈ।
ਖੁਸ਼ਬੂ ਸੁੰਦਰ ਅਕਸਰ ਸੁਰਖੀਆਂ ‘ਚ ਰਹਿੰਦੀ
ਜਾਣਕਾਰੀ ਅਨੁਸਾਰ ਅਦਾਕਾਰਾ ਤੋਂ ਰਾਜਨੇਤਾ ਤੱਕ ਦਾ ਸਫਰ ਤੈਅ ਕਰ ਚੁੱਕੀ ਖੁਸ਼ਬੂ ਸੁੰਦਰ ਅਕਸਰ ਸੁਰਖੀਆਂ ‘ਚ ਰਹਿੰਦੀ ਹੈ। ਖੁਸ਼ਬੂ ਹਾਲ ਹੀ ਵਿੱਚ ਰਾਸ਼ਟਰੀ ਮਹਿਲਾ ਕਮਿਸ਼ਨ ਦੀ ਮੈਂਬਰ ਬਣੀ ਸੀ। ਜਿਸ ਤੋਂ ਬਾਅਦ ਇੱਕ ਇੰਟਰਵਿਊ ਦੌਰਾਨ ਅਦਾਕਾਰਾ ਨੇ ਖੁਲਾਸਾ ਕੀਤਾ ਕਿ ਜਦੋਂ ਉਹ ਮਹਿਜ਼ ਅੱਠ ਸਾਲ ਦੀ ਸੀ ਤਾਂ ਉਸਦੇ ਪਿਤਾ ਨੇ ਉਸਦਾ ਜਿਨਸੀ ਸ਼ੋਸ਼ਣ ਕੀਤਾ ਸੀ। ਅਦਾਕਾਰਾ ਦੇ ਇਸ ਖੁਲਾਸੇ ਤੋਂ ਬਾਅਦ ਹਰ ਕੋਈ ਹੈਰਾਨ ਹੈ। ਖੁਸ਼ਬੂ ਨੇ ਕਿਹਾ, ਉਹ ਮਹਿਸੂਸ ਕਰਦੀ ਹੈ ਕਿ ਜਦੋਂ ਇੱਕ ਬੱਚੇ ਨਾਲ ਦੁਰਵਿਵਹਾਰ ਹੁੰਦਾ ਹੈ, ਤਾਂ ਇਹ ਬੱਚੇ ਨੂੰ ਸਾਰੀ ਉਮਰ ਲਈ ਡਰਾ ਦਿੰਦਾ ਹੈ ਅਤੇ ਇਹ ਲੜਕੀ ਜਾਂ ਲੜਕੇ ਬਾਰੇ ਨਹੀਂ ਹੈ।
https://twitter.com/tehseenp/status/1632743635598061568?s=20
ਖੁਸ਼ਬੂ ਸੁੰਦਰ ਦੱਸਿਆ ਕਿ ਇੱਕ ਆਦਮੀ ਜੋ ਸਿਰਫ ਇਹ ਸੋਚਦਾ ਸੀ ਕਿ ਉਸਦੀ ਪਤਨੀ ਅਤੇ ਬੱਚਿਆਂ ਨੂੰ ਕੁੱਟਣਾ ਅਤੇ ਉਸਦੀ ਇਕਲੌਤੀ ਧੀ ਦਾ ਜਿਨਸੀ ਸ਼ੋਸ਼ਣ ਕਰਨਾ ਉਸਦਾ ਜਨਮ ਸਿੱਧ ਅਧਿਕਾਰ ਹੈ। ਅਭਿਨੇਤਰੀ ਕਿਹਾ, “ਮੇਰੇ ਨਾਲ ਉਦੋਂ ਦੁਰਵਿਵਹਾਰ ਕੀਤਾ ਗਿਆ ਜਦੋਂ ਮੈਂ ਸਿਰਫ ਅੱਠ ਸਾਲ ਦੀ ਸੀ, ਜਦੋਂ ਕਿ ਜਦੋਂ ਮੈਂ ਸਿਰਫ 15 ਸਾਲ ਦੀ ਸੀ ਤਾਂ ਮੇਰੇ ਪਿਤਾ ਵਿਰੁੱਧ ਬੋਲਣ ਦੀ ਹਿੰਮਤ ਨਹੀਂ ਸੀ। ਉਸ ਨੇ ਕਿਹਾ, ਮੇਰੀ ਮਾਂ ਨੇ ਵੀ ਉਹ ਮਾਹੌਲ ਦੇਖਿਆ ਹੈ।
Takes immense courage to open up about one's abuse as a child, especially when it involves a family member. Kudos to @khushsundar for opening up about this. https://t.co/hzTK2GRt3p
— Ismat Ara (@IsmatAraa) March 6, 2023
ਆਪਣੇ ਬਚਪਨ ਦੇ ਬੁਰੇ ਦਿਨਾਂ ਨੂੰ ਯਾਦ ਕਰਦੇ ਹੋਏ ਖੁਸ਼ਬੂ ਸੁੰਦਰ ਨੇ ਕਿਹਾ, ਜਦੋਂ ਮੈਂ 16 ਸਾਲ ਦੀ ਸੀ ਤਾਂ ਮੇਰੇ ਪਿਤਾ ਨੇ ਮੈਨੂੰ ਛੱਡ ਦਿੱਤਾ ਸੀ। ਫਿਰ ਇਹ ਵੀ ਨਹੀਂ ਸੀ ਪਤਾ ਕਿ ਖਾਣਾ ਕਿੱਥੋਂ ਜਾਣਾ ਪਰ ਉਸ ਨੇ ਬੜੀ ਹਿੰਮਤ ਨਾਲ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕੀਤਾ। ਦੱਸ ਦੇਈਏ ਕਿ ਖੁਸ਼ਬੂ ਸੁੰਦਰ ਨੇ ਆਪਣਾ ਬਾਲੀਵੁੱਡ ਡੈਬਿਊ ‘ਦ ਬਰਨਿੰਗ ਟਰੇਨ’ ਨਾਲ ਕੀਤਾ ਸੀ ਅਤੇ ਸਾਲ 2010 ‘ਚ ਉਨ੍ਹਾਂ ਨੇ ਰਾਜਨੀਤੀ ‘ਚ ਆਈ ਸੀ।
