ਬੇਂਗਲੁਰੂ : ਦੇਸ਼ ਦੀ ਰੀੜ ਦੀ ਹੱਡੀ ਵੱਜੋਂ ਜਾਣੇ ਜਾਂਦਾ ਕਿਸਾਨ ਅਕਸਰ ਫਸਲ ਵੇਚਣ ਨੂੰ ਲੈ ਕੇ ਧੱਕੇ ਦਾ ਸ਼ਿਕਾਰ ਹੁੰਦਾ ਹੈ। ਅਜਿਹੇ ਹੀ ਇੱਕ ਮਾਮਲੇ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਜੀ ਹਾਂ 415 ਕਿੱਲੋਮੀਟਰ ਦਾ ਸਫਰ ਤੈਅ 205 ਕਿੱਲੋ ਪਿਆਜ਼ ਦਾ ਮੁੱਲ ਸਿਰਫ 8.36 ਰੁਪਏ ਹੀ ਮਿਲਿਆ।
ਹਾਲ ਹੀ ਵਿੱਚ ਗਦਗ ਦੇ ਇੱਕ ਕਿਸਾਨ ਨੇ ਬੈਂਗਲੁਰੂ ਦੇ ਯਸ਼ਵੰਤਪੁਰ ਬਾਜ਼ਾਰ ਵਿੱਚ 205 ਕਿਲੋ ਪਿਆਜ਼ ਵੇਚ ਕੇ 8.36 ਰੁਪਏ ਕਮਾਏ ਹਨ। ਅਦਾਇਗੀ ਦੀ ਰਸੀਦ ਕਿਸਾਨ ਦੁਆਰਾ ਸੋਸ਼ਲ ਮੀਡੀਆ ‘ਤੇ ਪਾਉਣ ਤੋਂ ਬਾਅਦ ਲੋਕਾਂ ਦਾ ਧਿਆਨ ਖਿੱਚਿਆ ਹੈ। ਆਪਣੀ ਤਿਮਾਪੁਰ ਪਿੰਡ ਦੇ ਇੱਕ ਕਿਸਾਨ ਪਵਡੇਪਾ ਹਾਲੀਕੇਰੀ ਹੋਰਨਾਂ ਕਾਸ਼ਤਕਾਰਾਂ ਨੂੰ ਚੇਤਾਵਨੀ ਦਿੱਤੀ ਕਿ ਉਹ ਆਪਣੀਆਂ ਫਸਲਾਂ ਸ਼ਹਿਰ ਵਿੱਚ ਨਾ ਵੇਚਣ ਜਾਣ।
ਬਿੱਲ ਜਮ੍ਹਾਂ ਕਰਾਉਣ ਵਾਲੇ ਥੋਕ ਵਿਕਰੇਤਾ ਦੁਆਰਾ ਪਿਆਜ਼ ਦੀ ਕੀਮਤ 200 ਰੁਪਏ ਪ੍ਰਤੀ ਕੁਇੰਟਲ ਰੱਖੀ ਗਈ ਸੀ। ਹਾਲਾਂਕਿ, ਪੋਰਟਰ ਫੀਸ ਲਈ 24 ਰੁਪਏ ਅਤੇ ਭਾੜੇ ਦੇ 377.64 ਰੁਪਏ ਨੂੰ ਘਟਾਉਣ ਤੋਂ ਬਾਅਦ ਕਿਸਾਨ ਦੇ ਹਿੱਸੇ ਸਿਰਫ 8.36 ਰੁਪਏ ਆਏ।
ਯਸ਼ਵੰਤਪੁਰ ਮੰਡੀ ਵਿੱਚ ਪਿਆਜ਼ ਵੇਚਣ ਲਈ 415 ਕਿੱਲੋਮੀਟਰ ਤੋਂ ਵੱਧ ਦਾ ਸਫ਼ਰ ਤੈਅ ਕਰਨ ਵਾਲੇ 50 ਦੇ ਕਰੀਬ ਗਦਗ ਕਿਸਾਨ ਇਹ ਜਾਣ ਕੇ ਹੈਰਾਨ ਰਹਿ ਗਏ ਕਿ ਕੁਝ ਦਿਨ ਪਹਿਲਾਂ ਹੀ ਪਿਆਜ਼ ਦੀ ਕੀਮਤ 500 ਰੁਪਏ ਤੋਂ ਘੱਟ ਕੇ 200 ਰੁਪਏ ਪ੍ਰਤੀ ਕੁਇੰਟਲ ਰਹਿ ਗਈ ਸੀ।
ਕਿਸਾਨ ਭਾਰੀ ਲਾਗਤਾਂ ਦੇ ਜਵਾਬ ਵਿੱਚ ਪ੍ਰਦਰਸ਼ਨ ਦੀ ਤਿਆਰੀ ਕਰ ਰਹੇ ਹਨ। ਰਾਜ ਸਰਕਾਰ ‘ਤੇ ਘੱਟੋ-ਘੱਟ ਸਮਰਥਨ ਮੁੱਲ ਨਿਰਧਾਰਤ ਕਰਨ ਲਈ ਦਬਾਅ ਬਣਾਉਣ ਦੀ ਤਿਆਰੀ ਵਿੱਚ ਹਨ। ਇਸ ਸਾਲ ਦੇ ਲਗਾਤਾਰ ਮੀਂਹ ਨੇ ਗਦਾਗ ਦੇ ਕਿਸਾਨਾਂ ‘ਤੇ ਪ੍ਰਭਾਵ ਪਾਇਆ ਹੈ। ਜਿਸ ਕਾਰਨ ਪਿਆਜ਼ ਦੀ ਫਸਲ ਦੇ ਆਕਾਰ ਉੱਤੇ ਵੀ ਅਸਰ ਪਿਆ ਹੈ।
ਦੂਜੇ ਪਾਸੇ ਇਹ ਦੱਸਿਆ ਜਾ ਰਿਹਾ ਹੈ ਕਿ ਯਸ਼ਵੰਤਪੁਰ ਨੂੰ ਆਪਣੀ ਉਪਜ ਪ੍ਰਦਾਨ ਕਰਨ ਵਾਲੇ ਤਾਮਿਲਨਾਡੂ ਅਤੇ ਪੁਣੇ ਦੇ ਕਿਸਾਨ ਫਸਲ ਵਧੀਆ ਹੋਣ ਕਾਰਨ ਚੰਗੀ ਅਦਾਇਗੀ ਕੀਤੀ ਜਾਂਦੀ ਹੈ। ਪਰ ਇਸ ਦੇ ਬਾਵਜੂਦ, ਗਦਗ ਕਿਸਾਨਾਂ ਨੇ ਆਪਣੇ ਪਿਆਜ਼ ਦੀ ਕੀਮਤ ਇੰਨੀ ਘੱਟ ਹੋਣ ਦਾ ਅੰਦਾਜ਼ਾ ਨਹੀਂ ਲਗਾਇਆ ਸੀ।
