ਆਗਰਾ : ਉੱਤਰ ਪ੍ਰਦੇਸ਼(Uttar Pradesh) ਦੇ ਆਗਰਾ ‘ਚ ਮਾਈਨਿੰਗ ਮਾਫੀਆ(mining mafia) ਟੋਲ(toll plaza) ‘ਤੇ ਬਦਮਾਸ਼ੀ ਦਿਖਾਉਂਦੇ ਹੋਏ ਟੋਲ ਪਲਾਜ਼ਾ ਦਾ ਬੈਰੀਅਰ ਤੋੜਦੇ ਹੋਏ ਰੇਤ ਨਾਲ ਭਰੇ ਟਰੈਕਟਰ ਭਜਾ ਲੈ ਗਏ। ਇਸ ਦੌਰਾਨ ਟੋਲ ਕਰਮਚਾਰੀ ਲਾਠੀਆਂ ਨਾਲ ਟਰੈਕਟਰ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੇ ਰਹੇ ਪਰ ਟਰੈਕਟਰ ਦੀ ਰਫ਼ਤਾਰ ਨਹੀਂ ਰੁਕੀ। ਸਾਰੀ ਘਟਨਾ ਦੀ ਸੀਸੀਟੀਵੀ ਫੁਟੇਜ(CCTV footage) ਸੋਸ਼ਲ ਮੀਡੀਆ(social media) ‘ਤੇ ਵਾਇਰਲ ਹੋਈ ਹੈ।
ਇਹ ਸਾਰੀ ਘਟਨਾ ਟੋਲ ਪਲਾਜ਼ਾ ‘ਤੇ ਲੱਗੇ ਸੀਸੀਟੀਵੀ ਕੈਮਰੇ ‘ਚ ਕੈਦ ਹੋ ਗਈ ਹੈ। ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਸਿਰਫ 50 ਸੈਕਿੰਡ ‘ਚ 13 ਟਰੈਕਟਰ ਬੈਰੀਅਰ ਤੋੜਦੇ ਹੋਏ ਨਿਕਲੇ। ਟੋਲ ‘ਤੇ ਮੌਜੂਦ ਮੁਲਾਜ਼ਮਾਂ ਨੇ ਟਰੈਕਟਰ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਕਾਮਯਾਬ ਨਹੀਂ ਹੋ ਸਕੇ। ਪੁਲੀਸ ਨੇ ਇਸ ਮਾਮਲੇ ਵਿੱਚ ਕੇਸ ਦਰਜ ਕਰ ਲਿਆ ਹੈ।
In UP's Agra, tractors laden with sand, most likely belonging to local sand mafia, storm the toll booth and pass through as booth workers try to stop them using sticks. In the 53 sec video, 13 tractors can be seen recklessly speeding through the toll plaza. pic.twitter.com/gOI1ByGpuy
— Piyush Rai (@Benarasiyaa) September 4, 2022
ਉੱਤਰ ਪ੍ਰਦੇਸ਼ ਦੇ ਸਾਬਕਾ ਮੁੱਖਮੰਤਰੀ ਅਤੇ ਸਮਾਜਵਾਦੀ ਪਾਰਟੀ ਦੇ ਨੇਤਾ ਅਖਿਲੇਸ਼ ਯਾਦਵ ਨੇ ਇਸ ਮਾਮਲੇ ਵਿੱਚ ਟਵੀਟ ਕਰਦਿਆਂ ਕਿਹਾ ਕਿ ਇਹ ਹੈ ਭਾਜਪਾ ਅਤੇ ਰੇਤ ਮਾਫੀਆ ਦੇ ਡਬਲ ਇੰਜਣ ਦਾ ਦਬਦਬਾ! ਭਾਜਪਾ ਸਰਕਾਰ ਦੇ ਬੈਰੀਅਰ ਵੀ ਉਨ੍ਹਾਂ ਦੇ ਵਾਂਗ ਦਿਖਾਵੇ ਵਾਲੇ ਹਨ।
ये है भाजपा और रेत माफ़िया के डबल इंजन की दबंगई!
भाजपा सरकार के बैरियर भी उनकी ही तरह दिखावटी हैं। pic.twitter.com/38Gj9C1lf2
— Akhilesh Yadav (@yadavakhilesh) September 4, 2022
ਮੁਲਜ਼ਮਾਂ ਦੀ ਪਛਾਣ ਕਰਨ ਵਿੱਚ ਜੁਟੀ ਪੁਲੀਸ
ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਪੁਲਿਸ ਨੇ ਮਾਮਲੇ ਦਾ ਨੋਟਿਸ ਲੈਂਦਿਆਂ ਮਾਮਲਾ ਦਰਜ ਕਰਕੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪੁਲੀਸ ਸੀਸੀਟੀਵੀ ਫੁਟੇਜ ਦੇ ਆਧਾਰ ’ਤੇ ਮੁਲਜ਼ਮਾਂ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਦੱਸ ਦਈਏ ਕਿ ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ, ਇਸ ਤੋਂ ਪਹਿਲਾਂ ਵੀ ਮਾਈਨਿੰਗ ਮਾਫੀਆ ਦਾ ਡਰ ਦੇਖਣ ਨੂੰ ਮਿਲ ਚੁੱਕਾ ਹੈ।
