ਪੰਜਾਬ ਦੇ ਚਮਕੌਰ ਸਾਹਿਬ ਤੋਂ ਆਮ ਆਦਮੀ ਪਾਰਟੀ (ਆਪ) ਦੇ ਵਿਧਾਇਕ ਡਾ: ਚਰਨਜੀਤ ਸਿੰਘ ਦੀ ਪਿੰਡ ਦੇ ਨੌਜਵਾਨ ਨਾਲ ਬਹਿਸ ਕਰਨ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਹੁਣ ਬੱਲੂਆਣਾ ਤੋਂ ਵਿਧਾਇਕ ਅਮਨਦੀਪ ਸਿੰਘ ਗੋਲਡੀ ਮੁਸਾਫ਼ਿਰ ਦੀ ਵੀਡੀਓ ਵੀ ਵਾਇਰਲ ਹੋ ਰਹੀ ਹੈ। ਅਬੋਹਰ ਤੋਂ ਵਿਧਾਇਕ ਸੰਦੀਪ ਜਾਖੜ ਨੇ ਖੁਦ ਇਸ ਵੀਡੀਓ ਨੂੰ ਸ਼ੇਅਰ ਕੀਤਾ ਹੈ। ਵੀਡੀਓ ਦੇ ਨਾਲ ਹੀ ਵਿਧਾਇਕ ਜਾਖੜ ਨੇ ਗੋਲਡੀ ਮੁਸਾਫਿਰ ‘ਤੇ ਤੰਜ ਕੱਸਿਆ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਘਟਨਾ ਫਾਜ਼ਿਲਕਾ ਅਧੀਨ ਪੈਂਦੇ ਪਿੰਡ ਭਾਵਵਾਲਾ ਵਿਖੇ ਵਾਪਰੀ। ਅਸਲ ਵਿੱਚ ਇਲਾਕੇ ਵਿੱਚ ਪਾਣੀ ਦੀ ਸਮੱਸਿਆ ਹੈ। ਇਲਾਕੇ ਦੀ ਨਹਿਰ ਪਿਛਲੇ ਕਾਫੀ ਸਮੇਂ ਤੋਂ ਬੰਦ ਪਈ ਹੈ। ਕੱਲ੍ਹ ਵਿਧਾਇਕ ਅਮਨਦੀਪ ਸਿੰਘ ਗੋਲਡੀ ਮੁਸਾਫ਼ਿਰ ਦਾ ਪ੍ਰੋਗਰਾਮ ਕਰਵਾਇਆ ਗਿਆ। ਪਿੰਡ ਦੇ ਕਿਸਾਨ ਨਿਰਮਲ ਸਿੰਘ ਇਸ ਦੌਰਾਨ ਪ੍ਰੋਗਰਾਮ ਵਿੱਚ ਪੁੱਜੇ ਅਤੇ ਨਹਿਰ ਬਾਰੇ ਸਵਾਲ ਪੁੱਛਣ ਲੱਗੇ।
The sheer arrogance of AAP MLA Balluana…In village Bhawwala today, farmer Nirmal Singh ji asked about the long closure of the canal, the MLA said 'Tusi aa jandeo ho har thaan, gand paan'.. they have forgotten so soon as to who put them in this position of power @BhagwantMann pic.twitter.com/sZEt5Nj9fd
— Sandeep Jakhar (ਜਾਖੜ/जाखड़) (@SandeepJakharpb) March 16, 2024
ਵਿਧਾਇਕ ਸੰਦੀਪ ਜਾਖੜ ਨੇ ਕਿਹਾ- ‘ਆਪ’ ਵਿਧਾਇਕ ਬੱਲੂਆਣਾ ਦਾ ਹੰਕਾਰ ਹੈ। ਜਦੋਂ ਕਿਸਾਨ ਨਿਰਮਲ ਸਿੰਘ ਨੇ ਲੰਬੇ ਸਮੇਂ ਤੋਂ ਨਹਿਰ ਬੰਦ ਹੋਣ ਬਾਰੇ ਪੁੱਛਿਆ ਤਾਂ ਵਿਧਾਇਕ ਨੇ ਕਿਹਾ ‘ਤੁਸੀ ਹਰ ਥਾਂ ਗੰਦ ਪਾਉਣ ਆ ਜਾਂਦੇ ਹੋ’ ,ਉਹ ਇੰਨੀ ਜਲਦੀ ਭੁੱਲ ਗਏ ਕਿ ਉਨ੍ਹਾਂ ਨੂੰ ਸੱਤਾ ਦੇ ਇਸ ਅਹੁਦੇ ‘ਤੇ ਕਿਸ ਨੇ ਬਿਠਾਇਆ।
ਪੰਜਾਬ ਦੇ ਚਮਕੌਰ ਸਾਹਿਬ ‘ਚ ਸਥਾਨਕ ਵਿਧਾਇਕ ਡਾ.ਚਰਨਜੀਤ ਸਿੰਘ ਅਤੇ ਉਨ੍ਹਾਂ ਦੀ ਹੀ ਹਲਕੇ ‘ਚ ਲੋਕਾਂ ਵਿਚਾਲੇ ਹੋਏ ਝਗੜੇ ਦੀ ਵੀਡੀਓ ਵਾਇਰਲ ਹੋ ਗਈ ਸੀ।
