ਦੁਨੀਆ ਦਾ ਸਭ ਤੋਂ ਮਹਿੰਗਾ ਫਲ, ਲਗਜ਼ਰੀ ਕਾਰ ਜਿੰਨੀ ਕੀਮਤ

ਚੰਡੀਗੜ੍ਹ : ਗਰਮੀਆਂ ਵਿੱਚ ਬਜ਼ਾਰ ਵਿੱਚ ਕਈ ਤਰ੍ਹਾਂ ਦੇ ਫਲ ਖਾਣ ਨੂੰ ਮਿਲ ਜਾਂਦੇ ਹਨ। ਇਹ ਜਿਆਦਾਤਰ ਫਲ ਤੁਹਾਡੀ ਪਹੁੰਚ ਵਿੱਚ ਹੁੰਦੇ ਹਨ। ਪਰ ਤੁਹਾਨੂੰ ਇੱਕ ਅਜਿਹੇ ਫਲ ਬਾਰੇ ਦੱਸ ਰਹੇ ਹਾਂ ਜਿਸ ਨੂੰ ਖਰੀਦਣ ਲਈ ਮੱਧ ਵਰਗੀ ਪਰਿਵਾਰ ਨੂੰ ਬੈਂਕ ਤੋਂ ਕਰਜ਼ਾ ਚੁੱਕਣਾ ਪੈਂਦਾ ਹੈ।

ਜੀ ਹਾਂ ਅਸੀਂ ਯੂਬਰੀ ਕਿੰਗ ਤਰਬੂਜ(Yubari Melon) ਬਾਰੇ ਗੱਲ ਕਰ ਰਹੇ ਹਾਂ। ਇਹ ਇੱਕ ਅਜਿਹਾ ਫਲ ਹੈ, ਜੋ ਲਗਜ਼ਰੀ ਕਾਰ ਜਾਂ ਸੋਨੇ ਦੇ ਗਹਿਣਿਆਂ ਜਿੰਨਾ ਮਹਿੰਗਾ ਹੈ। ਜਾਪਾਨ ਵਿੱਚ ਵਿਸ਼ੇਸ਼ ਹਾਲਤਾਂ ਵਿੱਚ ਉਗਾਇਆ ਜਾਂਦਾ ਇਹ ਫਲ ਦੁਨੀਆ ਦੇ ਸਭ ਤੋਂ ਮਹਿੰਗੇ ਫਲ(world’s most expensive fruits) ਵਜੋਂ ਜਾਣਿਆ ਜਾਂਦਾ ਹੈ। ਇਨਸਾਈਡਰ ਮੈਗਜ਼ੀਨ ਦੀ ਰਿਪੋਰਟ ਦੇ ਅਨੁਸਾਰ, 2019 ਵਿੱਚ, ਇੱਕ ਯੂਬਰੀ ਖਰਬੂਜ਼ਾ 3.2 ਲੱਖ ਰੁਪਏ ਵਿੱਚ ਵਿਕਿਆ ਸੀ।

ਯੂਬਾਰੀ ਤਰਬੂਜ ਇੰਨਾ ਮਹਿੰਗਾ ਕਿਉਂ ਹੈ?

ਇਹ ਫਲ ਜਾਪਾਨ ਵਿੱਚ ਮਿਲਦਾ ਹੈ ਪਰ ਦੇਸ਼ ਵਿੱਚ ਆਸਾਨੀ ਨਾਲ ਨਹੀਂ ਮਿਲਦਾ। ਇਸ ਦਾ ਰੁੱਖ ਬਹੁਤ ਮਿਹਨਤ ਤੋਂ ਬਾਅਦ ਹੀ ਫਲ ਦਿੰਦਾ ਹੈ। ਇਸ ਦੇ ਫਲ ਦੇਣ ਲਈ ਨਿਯੰਤਰਿਤ ਧੁੱਪ ਦੀ ਲੋੜ ਹੁੰਦੀ ਹੈ, ਇਸਲਈ ਇਸਨੂੰ ਪੌਲੀ ਹਾਊਸ ਵਾਂਗ ਘਰ ਦੇ ਅੰਦਰ ਹੀ ਉਗਾਇਆ ਜਾਂਦਾ ਹੈ। ਭਾਵੇਂ ਇਹ ਜਾਪਾਨ ਵਿੱਚ ਉਗਾਇਆ ਜਾਂਦਾ ਹੈ, ਇਹ ਹਰ ਸਟੋਰ ਵਿੱਚ ਉਪਲਬਧ ਨਹੀਂ ਹੈ। ਇਹ ਫਲ ਅਮੀਰਾਂ ਦੀ ਮੰਗ ‘ਤੇ ਸਪਲਾਈ ਕੀਤਾ ਜਾਂਦਾ ਹੈ। ਇੱਕ ਫਲ ਨੂੰ ਪੱਕਣ ਲਈ 100 ਦਿਨ ਲੱਗਦੇ ਹਨ। ਹਾਲਾਂਕਿ, ਰੁੱਖ ਹਰ 12 ਮਹੀਨਿਆਂ ਵਿੱਚ ਇੱਕ ਵਾਰ ਫਲ ਦਿੰਦੇ ਹੈ।

ਇੱਕ ਫਲ ਦੀ ਕੀਮਤ 15-20 ਲੱਖ ਰੁਪਏ ਹੈ।

ਇਹ ਜਾਣ ਕੇ ਹੈਰਾਨੀ ਹੁੰਦੀ ਹੈ ਕਿ ਇੱਕ ਯੁਬਰੀ ਤਰਬੂਜ ਦੀ ਕੀਮਤ ਭਾਰਤੀ ਰੁਪਏ ਵਿੱਚ 15-20 ਲੱਖ ਰੁਪਏ ਤੱਕ ਪਹੁੰਚ ਸਕਦੀ ਹੈ। ਆਮ ਜਾਣਕਾਰੀ ਅਨੁਸਾਰ ਇਹ ਫਲ 2021 ਵਿੱਚ 18 ਲੱਖ ਰੁਪਏ ਅਤੇ 2022 ਵਿੱਚ 20 ਲੱਖ ਰੁਪਏ ਵਿੱਚ ਵਿਕਿਆ ਸੀ।

ਸੁਆਦ ਅਤੇ ਆਕਾਰ

ਯੂਬਰੀ ਤਰਬੂਜ ਦਾ ਸੁਆਦ ਸ਼ਹਿਦ ਵਰਗਾ ਮਿੱਠਾ ਹੁੰਦਾ ਹੈ ਅਤੇ ਆਕਾਰ ਵਿੱਚ ਗੋਲ ਹੁੰਦਾ ਹੈ। ਇਹ ਫਲ ਉੱਪਰੋਂ ਵੇਲ ਵਾਂਗ ਧਾਰੀਦਾਰ ਹੁੰਦਾ ਅਤੇ ਇਹ ਅੰਦਰੋਂ ਸੰਤਰੀ ਰੰਗ ਦਾ ਹੁੰਦਾ ਹੈ।

ਇਨ੍ਹਾਂ ਚੀਜ਼ਾ ਵਿੱਚ ਵੀ ਹੁੰਦੀ ਵਰਤੋ

ਆਪਣੇ ਮਿੱਠੇ ਸੁਆਦ ਦੇ ਕਾਰਨ, ਯੂਬਰੀ ਖਰਬੂਜੇ ਦੀ ਵਰਤੋਂ ਜੈਲੀ, ਆਈਸਕ੍ਰੀਮ ਅਤੇ ਕੇਕ ਬਣਾਉਣ ਲਈ ਕੀਤੀ ਜਾਂਦੀ ਹੈ। ਜਾਪਾਨ ਦੇ ਲੋਕ ਯੂਬਾਰੀ ਤਰਬੂਜ ਨੂੰ ਆਪਣਾ ਮਾਣ ਸਮਝਦੇ ਹਨ। ਜਾਪਾਨ ਦੇ ਲੋਕ ਇੱਕ ਦੂਜੇ ਨੂੰ ਤੋਹਫ਼ੇ ਵਜੋਂ ਮਹਿੰਗੇ ਫਲ ਦੇਣਾ ਪਸੰਦ ਕਰਦੇ ਹਨ। ਇਸੇ ਲਈ ਯੂਬਰੀ ਤਰਬੂਜ਼ ਮਹਿੰਗੇ ਤੋਹਫ਼ਿਆਂ ਦੀ ਸ਼੍ਰੇਣੀ ਵਿੱਚ ਆਉਂਦੇ ਹਨ। ਲੋਕ ਇਸ ਫਲ ਨੂੰ ਪਵਿੱਤਰ ਰਸਮਾਂ ਦੌਰਾਨ ਇੱਕ ਦੂਜੇ ਨੂੰ ਤੋਹਫ਼ੇ ਵਜੋਂ ਦਿੰਦੇ ਹਨ।