ਮੁੰਬਈ ਦੀ ਤੇਜ਼ ਰਫ਼ਤਾਰ ਜ਼ਿੰਦਗੀ ਵਿੱਚ ਇੱਕ ਅਜਿਹੀ ਘਟਨਾ ਨੇ ਹਿੰਮਤ ਅਤੇ ਮਨੁੱਖਤਾ ਦੀ ਨਵੀਂ ਮਿਸਾਲ ਪੇਸ਼ ਕੀਤੀ ਹੈ। ਦੇਰ ਰਾਤ ਨੂੰ ਗੋਰੇਗਾਓਂ ਤੋਂ ਮੁੰਬਈ ਜਾਂਦੀ ਲੋਕਲ ਟ੍ਰੇਨ ਵਿੱਚ ਇੱਕ ਗਰਭਵਤੀ ਔਰਤ ਨੂੰ ਅਚਾਨਕ ਤੀਬਰ ਜਣੇਪੇ ਦੇ ਦਰਦ ਸ਼ੁਰੂ ਹੋ ਗਏ। ਅਸਹਿ ਦਰਦ ਕਾਰਨ ਉਹ ਚੀਕਣ ਲੱਗੀ। ਉਸੇ ਡੱਬੇ ਵਿੱਚ ਯਾਤਰਾ ਕਰ ਰਿਹਾ ਨੌਜਵਾਨ ਵਿਕਾਸ ਬੇਦਰੇ ਨੇ ਤੁਰੰਤ ਹਿੰਮਤ ਵਿਖਾਈ। ਉਸ ਨੇ ਐਮਰਜੈਂਸੀ ਚੇਨ ਖਿੱਚ ਕੇ ਟ੍ਰੇਨ ਨੂੰ ਰਾਮ ਮੰਦਰ ਸਟੇਸ਼ਨ ‘ਤੇ ਰੋਕ ਦਿੱਤਾ।
ਪਰ ਉੱਥੇ ਕੋਈ ਡਾਕਟਰੀ ਸਹੂਲਤ ਨਹੀਂ ਸੀ। ਨੇੜੇ ਨਾ ਡਾਕਟਰ ਮੌਜੂਦ ਸਨ ਅਤੇ ਨਾ ਹੀ ਐਂਬੂਲੈਂਸ। ਔਰਤ ਦੀ ਬੇਹੱਦ ਪਰੇਸ਼ਾਨੀ ਵੇਖ ਵਿਕਾਸ ਨੇ ਆਪਣੀ ਜਾਣ-ਪਛਾਣ ਵਾਲੀ ਡਾਕਟਰ ਦੇਵਿਕਾ ਦੇਸ਼ਮੁਖ ਨੂੰ ਫ਼ੋਨ ਕੀਤਾ ਅਤੇ ਪੂਰੀ ਸਥਿਤੀ ਦੱਸੀ। ਡਾਕਟਰ ਨੇ ਵੀਡੀਓ ਕਾਲ ਰਾਹੀਂ ਡਿਲੀਵਰੀ ਦੀ ਪੂਰੀ ਪ੍ਰਕਿਰਿਆ ਕਦਮ-ਦਰ-ਕਦਮ ਸਮਝਾਈ।
माझ्या मतदारसंघातील सुपे (ता.कर्जत) येथील विकास बेंद्रे या तरुणाने कोणताही अनुभव नसताना एका अडलेल्या गर्भवती महिलेची सुखरुप प्रसूती करून तिची वेदनेतून सुटका केली. मुंबईत लोकलने प्रवास करत असताना राम मंदिर रेल्वे स्टेशन वर एक महिला प्रसूती वेदनेनं विव्हळत असल्याचं त्याला दिसलं.… pic.twitter.com/o2OMHEHLA0
— Rohit Pawar (@RRPSpeaks) October 16, 2025
ਵਿਕਾਸ ਕੋਲ ਕੋਈ ਤਜਰਬਾ ਨਹੀਂ ਸੀ, ਫਿਰ ਵੀ ਉਸ ਨੇ ਡਾਕਟਰ ਦੀਆਂ ਹਦਾਇਤਾਂ ਮੁਤਾਬਕ ਕੰਮ ਕੀਤਾ। ਡਾ. ਦੇਵਿਕਾ ਨੇ ਉਸ ਨੂੰ ਨੇੜਲੀ ਦੁਕਾਨ ਤੋਂ ਚਾਕੂ ਅਤੇ ਲਾਈਟਰ ਲਿਆਉਣ ਲਈ ਕਿਹਾ। ਫਿਰ ਲਾਈਟਰ ਨਾਲ ਚਾਕੂ ਗਰਮ ਕਰਕੇ ਨਾੜੂ ਕੱਟਣ ਦੀ ਵਿਧੀ ਦੱਸੀ। ਵਿਕਾਸ ਨੇ ਬਿਨਾਂ ਡਰੇ ਹੋਏ ਸਾਰੀਆਂ ਹਦਾਇਤਾਂ ਪਾਲੀਆਂ ਅਤੇ ਐਮਰਜੈਂਸੀ ਡਿਲੀਵਰੀ ਸਫਲਤਾ ਨਾਲ ਪੂਰੀ ਕੀਤੀ। ਅਸੰਭਵ ਨੂੰ ਸੰਭਵ ਬਣਾ ਦਿੱਤਾ ਗਿਆ।
ਡਾ. ਦੇਵਿਕਾ ਨੇ ਕਿਹਾ ਕਿ ਜੇ ਹਸਪਤਾਲ ਨਾ ਹੋਵੇ ਤਾਂ ਇਹੀ ਕਰਨਾ ਪੈਂਦਾ ਹੈ। ਵਿਕਾਸ ਨੇ ਧੀਰਜ ਅਤੇ ਸੰਵੇਦਨਸ਼ੀਲਤਾ ਨਾਲ ਔਰਤ ਦੀ ਮਦਦ ਕੀਤੀ। ਉਹ ਡਰ ਗਿਆ ਸੀ, ਪਰ ਡਾਕਟਰ ਨੇ ਉਸ ਨੂੰ ਉਤਸ਼ਾਹਿਤ ਕੀਤਾ, “ਜੈ ਸ਼੍ਰੀ ਰਾਮ ਕਹੋ ਅਤੇ ਕਰੋ।” ਉਸ ਨੇ ਵੀ ਐਸੇ ਹੀ ਕੀਤਾ। ਡਿਲੀਵਰੀ ਤੋਂ ਬਾਅਦ ਮਾਂ ਅਤੇ ਨਵਜੰਮਾ ਬੱਚਾ ਦੋਵੇਂ ਸਿਹਤਮੰਦ ਹਨ। ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਡਾ. ਨੇ ਵਿਕਾਸ ਦੀ ਹਿੰਮਤ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਇੱਕ ਪੁਰਸ਼ ਹੋਣ ਬਾਵਜੂਦ ਉਸ ਨੇ ਔਰਤ ਦੇ ਦਰਦ ਨੂੰ ਡੂੰਘਾਈ ਨਾਲ ਸਮਝਿਆ ਅਤੇ ਮਦਦ ਕੀਤੀ। ਇਹ ਘਟਨਾ ਮੁੰਬਈ ਦੀ ਲੋਕਲ ਟ੍ਰੇਨਾਂ ਵਿੱਚ ਆਮ ਹੋਣ ਵਾਲੀਆਂ ਮੁਸ਼ਕਲਾਂ ਵਿੱਚ ਵੀ ਮਨੁੱਖੀ ਭਾਵਨਾਵਾਂ ਦੀ ਜਿੱਤ ਦਰਸਾਉਂਦੀ ਹੈ।
