ਗੁਰਦਾਸਪੁਰ : ਪਾਕਿਸਤਾਨੀ ਤਸਕਰ ਭਾਰਤ ਵਿੱਚ ਲਗਾਤਾਰ ਆਪਣੇ ਨਾਪਾਕ ਮਨਸੂਬਿਆਂ ਨੂੰ ਅੰਜਾਮ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਬੁੱਧਵਾਰ-ਵੀਰਵਾਰ ਦੀ ਦਰਮਿਆਨੀ ਰਾਤ ਨੂੰ ਇੱਕ ਪਾਕਿਸਤਾਨੀ ਡਰੋਨ ਭਾਰਤੀ ਸਰਹੱਦ ਵਿੱਚ ਦਾਖਲ ਹੋਇਆ। ਸੀਮਾ ਸੁਰੱਖਿਆ ਬਲ (ਬੀਐਸਐਫ) ਦੇ ਚੌਕਸ ਜਵਾਨਾਂ ਨੇ ਗੋਲੀਬਾਰੀ ਕਰਕੇ ਇਸ ਨੂੰ ਭਜਾ ਦਿੱਤਾ।
ਜਾਣਕਾਰੀ ਅਨੁਸਾਰ ਭਾਰਤ-ਪਾਕਿਸਤਾਨ ਸਰਹੱਦ ’ਤੇ ਬੀਓਪੀ ਭਰਿਆਲ ਨੇੜੇ ਅੱਜ ਤੜਕਸਾਰ 2 ਵਜੇ ਪਾਕਿਸਤਾਨ ਵਾਲੇ ਪਾਸੇ ਤੋਂ 3-4 ਸੈਕਿੰਡ ਲਈ ਗੂੰਜ ਸੁਣਾਈ ਦਿੱਤੀ ਤਾਂ ਡਿਊਟੀ ’ਤੇ ਮੌਜੂਦ ਬੀਐੱਸਐੱਫ ਦੀ ਜਵਾਨ ਪ੍ਰਜਵਲੀ ਨੇ ਡਰੋਨ ਦਾ ਸ਼ੱਕ ਮਹਿਸੂਸ ਹੁੰਦਿਆਂ ਉੱਚ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ।
Punjab | A Pakistani drone was seen at the Bhariyal post of BSF. The drone kept flying inside the Indian border for 5 minutes, during which 3 rounds of firing were done by BSF and an Ilu bomb was also fired, after which the drone flew back to Pakistan: BSF pic.twitter.com/lH6fQWsAJM
— ANI (@ANI) April 20, 2023
ਸਵਾ ਦੋ ਵਜੇ ਦੇ ਕਰੀਬ ਉੱਚ ਅਧਿਕਾਰੀ ਮੌਕੇ ’ਤੇ ਪਹੁੰਚ ਗਏ। ਦੋ ਵੱਜ ਕੇ 45 ਮਿੰਟ ’ਤੇ ਪਾਕਿਸਤਾਨ ਵਾਲੇ ਪਾਸਿਓਂ ਆਏ ਇਸ ਡਰੋਨ ਦੀ ਗੂੰਜ ਦੁਬਾਰਾ ਸੁਣਾਈ ਦਿੱਤੀ। ਇਸ ’ਤੇ ਭਾਰਤੀ ਜਵਾਨਾਂ ਵੱਲੋਂ 3 ਗੋਲੀਆਂ ਚਲਾਈਆਂ ਗਈਆਂ ਅਤੇ ਈਲੂ ਫਾਇਰ ਵੀ ਕੀਤਾ ਗਿਆ। ਇਹ ਡਰੋਨ ਭਾਰਤੀ ਇਲਾਕੇ ਵਿੱਚ ਪੰਜ ਮਿੰਟ ਰਿਹਾ। ਕਰੀਬ 2 ਵੱਜ ਕੇ 50 ਮਿੰਟ ’ਤੇ ਇਹ ਡਰੋਨ ਵਾਪਸ ਪਾਕਿਸਤਾਨ ਵਾਲੇ ਪਾਸੇ ਪਰਤ ਗਿਆ। ਜਿਸ ਤੋਂ ਬਾਦ ਭਾਰਤੀ ਫੌਜ ਅਤੇ ਪੰਜਾਬ ਪੁਲਿਸ ਵੱਲੋਂ ਸਾਂਝਾ ਸਰਚ ਆਪ੍ਰੇਸ਼ਨ ਕੀਤਾ ਗਿਆ। ਪੁਲਿਸ ਅਤੇ ਫੌਜ ਨੇ ਕਿਸਾਨ ਦੀ ਪੱਕੀ ਫਸਲ ਵਿੱਚ ਵੜ ਕੇ ਤਲਾਸ਼ੀ ਮੁਹਿੰਮ ਸ਼ੁਰੂ ਕੀਤੀ।
ਭਾਰਤ ਵਾਲੇ ਪਾਸੇ ਇਸ ਦੀ ਲੋਕੇਸ਼ਨ ਅਤੇ ਉਚਾਈ ਦਾ ਪਤਾ ਨਾ ਲੱਗਣ ਕਾਰਨ ਦੁਬਾਰਾ ਕੋਈ ਫਾਇਰ ਨਹੀਂ ਕੀਤਾ ਗਿਆ। ਇਸ ਜਗ੍ਹਾ ਤੋਂ ਪਾਕਿਸਤਾਨ ਦੀ ਪੋਸਟ ਹਾਕਮ ਸਈਦ ਕਾਫ਼ੀ ਨਜ਼ਦੀਕ ਹੈ। ਦੱਸ ਦੇਈਏ ਕਿ ਪਾਕਿਸਤਾਨੀ ਸਮੱਗਲਰ ਹੁਣ ਹਥਿਆਰਾਂ ਅਤੇ ਨਸ਼ੀਲੇ ਪਦਾਰਥਾਂ ਦੀ ਸਪਲਾਈ ਲਈ ਡਰੋਨ ਦਾ ਸਹਾਰਾ ਲੈ ਰਹੇ ਹਨ। ਪਾਕਿਸਤਾਨੀ ਡਰੋਨ ਹਰ ਰੋਜ਼ ਸਰਹੱਦ ‘ਤੇ ਦੇਖੇ ਜਾ ਰਹੇ ਹਨ। ਕਈ ਵਾਰ ਇਨ੍ਹਾਂ ਡਰੋਨਾਂ ਨੂੰ ਗੋਲੀ ਮਾਰ ਦਿੱਤੀ ਜਾਂਦੀ ਹੈ, ਅਤੇ ਕਈ ਵਾਰ ਇਹ ਵਾਪਸ ਆਉਂਦੇ ਹਨ।
ਇਨ੍ਹਾਂ ਡਰੋਨਾਂ ਰਾਹੀਂ ਹਥਿਆਰ ਅਤੇ ਗਾਂਜਾ-ਹੈਰੋਇਨ ਦੀ ਤਸਕਰੀ ਕੀਤੀ ਜਾਂਦੀ ਹੈ।
ਪਿਛਲੇ ਲਗਾਤਾਰ ਦੋ ਦਿਨਾਂ ਵਿੱਚ ਬੀਐਸਐਫ ਜਵਾਨਾਂ ਵੱਲੋਂ ਭਾਰਤੀ ਸਰਹੱਦ ਵਿੱਚ ਹੈਰੋਇਨ ਦੀ ਖੇਪ ਵੀ ਜ਼ਬਤ ਕੀਤੀ ਗਈ ਸੀ। ਲਗਾਤਾਰ ਨਾਕਾਮ ਰਹਿਣ ਦੇ ਬਾਵਜੂਦ ਪਾਕਿ ਤਸਕਰ ਆਪਣੇ ਨਾਪਾਕ ਮਨਸੂਬਿਆਂ ਨੂੰ ਅੰਜਾਮ ਦੇਣ ਵਿੱਚ ਲੱਗੇ ਹੋਏ ਹਨ
