ਯੂਕਰੇਨ ਨੇ ਦਾਅਵਾ ਕੀਤਾ ਕਿ ਉਸਨੇ ਰੂਸ ਵਿੱਚ ਕਈ ਟਿਕਾਣਿਆਂ ‘ਤੇ ਹਮਲਾ ਕੀਤਾ ਹੈ ਅਤੇ ਇਹ ਯੁੱਧ ਤੋਂ ਬਾਅਦ “ਸਭ ਤੋਂ ਵੱਡਾ” ਹਮਲਾ ਸੀ। ਯੂਕਰੇਨੀ ਹਥਿਆਰਬੰਦ ਬਲਾਂ ਦੇ ਅਨੁਸਾਰ, ਕਈ ਖੇਤਰਾਂ ਵਿੱਚ ਗੋਲਾ ਬਾਰੂਦ ਡਿਪੂਆਂ ਅਤੇ ਰਸਾਇਣਕ ਪਲਾਂਟਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਇਨ੍ਹਾਂ ਵਿੱਚੋਂ ਕੁਝ ਸਰਹੱਦ ਤੋਂ ਸੈਂਕੜੇ ਕਿਲੋਮੀਟਰ ਦੂਰ ਸਨ।
ਯੂਕਰੇਨ ਦੀ ਖੁਫੀਆ ਏਜੰਸੀ ਨੇ ਬੀਬੀਸੀ ਨੂੰ ਦੱਸਿਆ ਕਿ ਇਹ ਹਮਲਾ ਰੂਸੀ ਸਮਰੱਥਾਵਾਂ ਲਈ ਇੱਕ “ਦਰਦਨਾਕ ਝਟਕਾ” ਸੀ ਪਰ ਰੂਸ ਨੇ ਕਿਹਾ ਕਿ ਉਸਨੇ ਯੂਕਰੇਨ ਦੁਆਰਾ ਦਾਗੀਆਂ ਗਈਆਂ ATACMS ਮਿਜ਼ਾਈਲਾਂ ਅਤੇ ਸਟੋਰਮ ਸ਼ੈਡੋ ਕਰੂਜ਼ ਮਿਜ਼ਾਈਲਾਂ ਨੂੰ ਡੇਗ ਦਿੱਤਾ ਹੈ।
ਰੂਸ ਨੇ ਇਹ ਵੀ ਕਿਹਾ ਹੈ ਕਿ ਉਹ ਇਸ ਹਮਲੇ ਦਾ ਜਵਾਬ ਦੇਵੇਗਾ। ਯੂਕਰੇਨ ਹਮਲੇ ਕਾਰਨ ਦੱਖਣ-ਪੱਛਮੀ ਰੂਸੀ ਸ਼ਹਿਰ ਸਾਰਾਤੋਵ ਵਿੱਚ ਸਕੂਲ ਬੰਦ ਕਰ ਦਿੱਤੇ ਗਏ ਸਨ।
