ਬਿਊਰੋ ਰਿਪੋਰਟ (11 ਸਤੰਬਰ, 2025): ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਸਮਰਥਕ ਅਤੇ ਰਾਈਟ ਵਿੰਗ ਐਕਟਿਵਿਸਟ ਚਾਰਲੀ ਕਿਰਕ ਦੀ ਵੀਰਵਾਰ ਨੂੰ ਇਕ ਪ੍ਰੋਗਰਾਮ ਦੌਰਾਨ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਇਹ ਘਟਨਾ ਯੂਟਾਹ ਸੂਬੇ ਦੀ ਯੂਟਾਹ ਵੈਲੀ ਯੂਨੀਵਰਸਿਟੀ ਵਿੱਚ ਹੋਈ। ਚਾਰਲੀ ਇੱਥੇ ‘ਦ ਅਮਰੀਕਨ ਕਮਬੈਕ ਟੂਰ’ ਪ੍ਰੋਗਰਾਮ ਵਿੱਚ ਸ਼ਾਮਲ ਸਨ।
ਸੋਸ਼ਲ ਮੀਡੀਆ ’ਤੇ ਵਾਇਰਲ ਵੀਡੀਓ ਵਿੱਚ ਦਿਖ ਰਿਹਾ ਹੈ ਕਿ ਚਾਰਲੀ ਇਕ ਟੈਂਟ ਹੇਠਾਂ ਮਾਈਕ ਫੜ ਕੇ ਬੋਲ ਰਹੇ ਸਨ, ਜਦੋਂ ਅਚਾਨਕ ਗੋਲੀ ਉਨ੍ਹਾਂ ਦੀ ਗਰਦਨ ਦੇ ਨੇੜੇ ਲੱਗਦੀ ਹੈ। ਕਾਫੀ ਖ਼ੂਨ ਵਗਦਾ ਹੈ ਅਤੇ ਉਹ ਜ਼ਮੀਨ ਤੇ’ ਡਿੱਗ ਜਾਂਦੇ ਹਨ।
ਚਾਰਲੀ ਦੀ ਹੱਤਿਆ ’ਤੇ ਟਰੰਪ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ Truth ’ਤੇ ਬਿਆਨ ਦਿੱਤਾ ਕਿ ਸੱਚੇ ਮਹਾਨ ਅਮਰੀਕੀ ਦੇਸ਼ਭਗਤ ਚਾਰਲੀ ਕਿਰਕ ਦੇ ਸਨਮਾਨ ਵਿੱਚ, ਮੈਂ ਸਾਰੇ ਅਮਰੀਕਾ ਵਿੱਚ ਐਤਵਾਰ ਸ਼ਾਮ 6 ਵਜੇ ਤੱਕ ਝੰਡਿਆਂ ਨੂੰ ਅੱਧਾ ਝੁਕਾਉਣ ਦਾ ਹੁਕਮ ਦੇ ਰਿਹਾ ਹਾਂ।
TO MY GREAT FELLOW AMERICANS… pic.twitter.com/oRsrE5TTHr
— Donald J. Trump (@realDonaldTrump) September 11, 2025
ਪੋਲਿਟਿਕਲ ਐਕਟਿਵਿਸਟ ਚਾਰਲੀ “ਟਰ੍ਨਿੰਗ ਪੌਇੰਟ ਯੂਐਸਏ” (TPUSA) ਨਾਮ ਦੀ ਇਕ ਸੰਸਥਾ ਚਲਾਉਂਦੇ ਸਨ, ਜਿਸ ਵਿੱਚ ਉਹ ਸਕੂਲਾਂ ਤੇ ਕਾਲਜਾਂ ਵਿੱਚ ਜਾ ਕੇ ਵਿਦਿਆਰਥੀਆਂ ਨੂੰ ਸਿਆਸਤ ਬਾਰੇ ਜਾਣਕਾਰੀ ਦਿੰਦੇ ਸਨ। ਉਹ ਟਰੰਪ ਦੇ ਕਰਾਰੇ ਸਮਰਥਕ ਮੰਨੇ ਜਾਂਦੇ ਸਨ। ਹਾਲਾਂਕਿ ਅਜੇ ਤੱਕ ਇਹ ਸਾਫ ਨਹੀਂ ਹੋਇਆ ਕਿ ਹਮਲਾਵਰ ਕੌਣ ਸੀ ਅਤੇ ਉਸਨੇ ਇਹ ਕਿਉਂ ਕੀਤਾ।
ਪ੍ਰੋਗਰਾਮ ਵਿੱਚ ਮੌਜੂਦ ਰਿਪੋਰਟਰ ਐਮਾ ਪਿਟਸ ਨੇ ਦੱਸਿਆ ਕਿ ਸਵਾਲ ਸੀ ਕਿ ਕੀ ਉਹ ਜਾਣਦੇ ਹਨ ਕਿ ਪਿਛਲੇ ਕੁਝ ਸਾਲਾਂ ਵਿੱਚ ਕਿੰਨੇ ਟ੍ਰਾਂਸਜੈਂਡਰ ਸ਼ੂਟਰ ਮਾਸ ਸ਼ੂਟਿੰਗ ਵਿੱਚ ਸ਼ਾਮਲ ਸਨ? ਇਸ ਦਾ ਚਾਰਲੀ ਨੇ ਜਵਾਬ ਦਿੱਤਾ। ਫਿਰ ਕਿਸੇ ਹੋਰ ਨੇ ਪੁੱਛਿਆ ਕਿ ਪਿਛਲੇ 10 ਸਾਲਾਂ ਵਿੱਚ ਕਿੰਨੀ ਮਾਸ ਸ਼ੂਟਿੰਗ ਦੀਆਂ ਘਟਨਾਵਾਂ ਹੋਈਆਂ? ਇਸ ਤੋਂ ਤੁਰੰਤ ਬਾਅਦ ਗੋਲ਼ੀ ਚੱਲੀ।
