ਸ਼ਨੀਵਾਰ ਸਵੇਰੇ ਗੁਜਰਾਤ ਦੇ ਸ਼ਿਵਪੁਰੀ ‘ਚ ਰਾਸ਼ਟਰੀ ਰਾਜਮਾਰਗ-46 ‘ਤੇ ਇੱਕ ਟਰੱਕ ਅਤੇ ਟਰੈਵਲਰ ਬੱਸ ਦੀ ਆਹਮੋ-ਸਾਹਮਣੇ ਟੱਕਰ ਵਿੱਚ ਚਾਰ ਲੋਕਾਂ ਦੀ ਮੌਤ ਹੋ ਗਈ ਅਤੇ ਸੱਤ ਗੰਭੀਰ ਜ਼ਖਮੀ ਹੋਏ। ਹਾਦਸਾ ਸਵੇਰੇ 5:30 ਵਜੇ ਵਾਪਰਿਆ ਜਦੋਂ 20 ਸੰਗੀਤਕਾਰਾਂ ਦਾ ਸਮੂਹ, ਜੋ ਕਾਸ਼ੀ ਵਿਸ਼ਵਨਾਥ ਵਿਖੇ ਸ਼ਿਵਕਥਾ ਪ੍ਰੋਗਰਾਮ ਵਿੱਚ ਪ੍ਰਦਰਸ਼ਨ ਕਰਕੇ ਵਾਪਸ ਮੇਹਸਾਣਾ ਅਤੇ ਸੁਰੇਂਦਰਨਗਰ ਜਾ ਰਿਹਾ ਸੀ, ਦਾ ਟਰੈਵਲਰ ਕੰਟਰੋਲ ਤੋਂ ਬਾਹਰ ਹੋ ਗਿਆ।
ਟਰੈਵਲਰ ਡਿਵਾਈਡਰ ‘ਤੇ ਚੜ੍ਹ ਕੇ ਦੂਜੀ ਲੇਨ ਵਿੱਚ ਜਾ ਡਿੱਗਿਆ ਅਤੇ ਟਰੱਕ ਨਾਲ ਟਕਰਾ ਗਿਆ।ਹਾਦਸੇ ਵਿੱਚ ਗਾਇਕ ਹਾਰਦਿਕ ਦਵੇ (40) ਦੀ ਮੌਕੇ ‘ਤੇ ਮੌਤ ਹੋ ਗਈ, ਜਦਕਿ ਰਾਜਾ ਠਾਕੁਰ (28), ਅੰਕਿਤ ਠਾਕੁਰ (22) ਅਤੇ ਰਾਜਪਾਲ ਸੋਲੰਕੀ (60) ਦੀ ਹਸਪਤਾਲ ਵਿੱਚ ਮੌਤ ਹੋਈ। ਸੁਰਵਾਇਆ ਪੁਲਿਸ ਨੇ ਜ਼ਖਮੀਆਂ ਨੂੰ ਜ਼ਿਲ੍ਹਾ ਹਸਪਤਾਲ ਅਤੇ ਮੈਡੀਕਲ ਕਾਲਜ ਭੇਜਿਆ।
ਜ਼ਖਮੀਆਂ ਵਿੱਚ ਰਾਵਲ ਮੋਹਿਤ, ਆਸ਼ੀਸ਼ ਵਿਆਸ, ਮੋਹਾਲਕ, ਨਰਿੰਦਰ ਨਾਇਕ, ਚੇਤਨ ਕੁਮਾਰ, ਰਿਸ਼ੀਕੇਸ਼, ਵਿਪੁਲ, ਅਰਵਿੰਦ, ਅਰਜੁਨ, ਹਰਸ਼ਦ ਗੋਸਵਾਮੀ ਅਤੇ ਟਰੈਵਲਰ ਦਾ ਡਰਾਈਵਰ ਸ਼ਾਮਲ ਹਨ, ਜਿਨ੍ਹਾਂ ਵਿੱਚੋਂ ਸੱਤ ਦੀ ਹਾਲਤ ਨਾਜ਼ੁਕ ਹੈ।
ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਸ਼ੁਰੂਆਤੀ ਅਨੁਮਾਨ ਹੈ ਕਿ ਹਾਦਸਾ ਡਰਾਈਵਰ ਦੇ ਸੌਣ ਕਾਰਨ ਵਾਪਰਿਆ। ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜਿਆ ਗਿਆ ਹੈ ਅਤੇ ਜ਼ਖਮੀਆਂ ਦਾ ਇਲਾਜ ਜਾਰੀ ਹੈ।