ਅੰਮ੍ਰਿਤਸਰ-ਦਿੱਲੀ ਸਿਕਸਲੇਨ ਹਾਈਵੇਅ ’ਤੇ ਨਿੱਜੀ ਵਾਹਨਾਂ ਰਾਹੀਂ ਸਫ਼ਰ ਕਰਨਾ ਅੱਜ ਮਹਿੰਗਾ ਹੋ ਗਿਆ ਹੈ। ਅੰਮ੍ਰਿਤਸਰ-ਦਿੱਲੀ ਨੈਸ਼ਨਲ ਹਾਈਵੇਅ ‘ਤੇ ਸਥਿਤ ਦੋ ਟੋਲ ਪਲਾਜ਼ਿਆਂ, ਲੁਧਿਆਣਾ ਦੇ ਲਾਡੋਵਾਲ ਅਤੇ ਹਰਿਆਣਾ ਦੇ ਕਰਨਾਲ (ਬਸਤਾੜਾ) ‘ਤੇ ਅੱਜ ਤੋਂ ਟੈਕਸ ਦਰਾਂ ਵਧਾ ਦਿੱਤੀਆਂ ਗਈਆਂ ਹਨ। ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (NHAI) ਨੇ ਲਾਡੋਵਾਲ (ਲੁਧਿਆਣਾ) ਦੇ ਟੋਲ ਦਰਾਂ ਵਿੱਚ 15 ਰੁਪਏ ਅਤੇ ਬਸਤਾੜਾ (ਕਰਨਾਲ) ਦੇ ਟੋਲ ਦਰਾਂ ਵਿੱਚ 10 ਰੁਪਏ ਦਾ ਵਾਧਾ ਕੀਤਾ ਹੈ।
ਅੱਜ ਤੋਂ ਲਾਡੋਵਾਲ ਟੋਲ ‘ਤੇ ਕਾਰ-ਜੀਪ ਲਈ ਸਿੰਗਲ ਸਫ਼ਰ ਲਈ 165 ਰੁਪਏ ਵਸੂਲੇ ਜਾਣਗੇ। 24 ਘੰਟਿਆਂ ਵਿੱਚ ਇੱਕ ਤੋਂ ਵੱਧ ਯਾਤਰਾਵਾਂ ਲਈ, 245 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ ਜਦੋਂ ਕਿ ਮਹੀਨਾਵਾਰ ਪਾਸ 4930 ਰੁਪਏ ਵਿੱਚ ਬਣੇਗਾ। ਇਸੇ ਤਰ੍ਹਾਂ ਹਲਕੇ ਵਪਾਰਕ ਵਾਹਨਾਂ ਲਈ ਇਸ ਟੋਲ ‘ਤੇ ਸਿੰਗਲ ਟ੍ਰਿਪ 285 ਰੁਪਏ ਅਤੇ 24 ਘੰਟਿਆਂ ‘ਚ ਕਈ ਟ੍ਰਿਪ 430 ਰੁਪਏ ਹੋਣਗੇ। ਇਸ ਸ਼੍ਰੇਣੀ ਦੇ ਵਾਹਨਾਂ ਲਈ ਮਹੀਨਾਵਾਰ ਪਾਸ ਫੀਸ 8625 ਰੁਪਏ ਹੋਵੇਗੀ।
ਲਾਡੋਵਾਲ ਟੋਲ ‘ਤੇ, ਟਰੱਕਾਂ ਅਤੇ ਬੱਸਾਂ ਨੂੰ ਇੱਕ ਵਾਰੀ ਯਾਤਰਾ ਲਈ 575 ਰੁਪਏ, 24 ਘੰਟਿਆਂ ਦੇ ਅੰਦਰ ਇੱਕ ਤੋਂ ਵੱਧ ਯਾਤਰਾ ਲਈ 860 ਰੁਪਏ ਅਤੇ 17245 ਰੁਪਏ ਮਹੀਨਾਵਾਰ ਪਾਸ ਫੀਸ ਅਦਾ ਕਰਨੀ ਪਵੇਗੀ। ਇਸੇ ਤਰ੍ਹਾਂ, ਡਬਲ ਐਕਸਲ ਟਰੱਕਾਂ ਲਈ, ਸਿੰਗਲ ਟ੍ਰਿਪ ਲਈ 925 ਰੁਪਏ ਅਤੇ 24 ਘੰਟਿਆਂ ਵਿੱਚ ਕਈ ਟਰਿੱਪਾਂ ਲਈ 1385 ਰੁਪਏ ਚਾਰਜ ਕੀਤੇ ਜਾਣਗੇ। ਜਦੋਂ ਕਿ ਇਸ ਵਰਗ ਦੇ ਵਾਹਨਾਂ ਦਾ ਮਹੀਨਾਵਾਰ ਪਾਸ 27720 ਰੁਪਏ ਦਾ ਹੋਵੇਗਾ।
ਹਰਿਆਣਾ ‘ਚ ਦਿੱਲੀ ਹਾਈਵੇਅ ‘ਤੇ ਕਰਨਾਲ ਦੇ ਬਸਤਾੜਾ ‘ਚ ਕਾਰ-ਜੀਪ ਲਈ ਸਿੰਗਲ ਟ੍ਰਿਪ ਦੇ ਨਵੇਂ ਰੇਟ ਅੱਜ ਤੋਂ 155 ਰੁਪਏ ਹੋਣਗੇ। ਇਨ੍ਹਾਂ ਵਾਹਨਾਂ ਨੂੰ 24 ਘੰਟਿਆਂ ਵਿੱਚ ਇੱਕ ਤੋਂ ਵੱਧ ਯਾਤਰਾਵਾਂ ਲਈ 235 ਰੁਪਏ ਅਤੇ ਮਾਸਿਕ ਪਾਸ ਲਈ 4710 ਰੁਪਏ ਦੇਣੇ ਹੋਣਗੇ। ਹਲਕੇ ਵਪਾਰਕ ਵਾਹਨ ਨੂੰ ਸਿੰਗਲ ਟ੍ਰਿਪ ਲਈ 275 ਰੁਪਏ, 24 ਘੰਟੇ ਦੀ ਮਲਟੀਪਲ ਟ੍ਰਿਪ ਲਈ 475 ਰੁਪਏ ਅਤੇ ਬਸਤਾਡਾ ਵਿਖੇ ਮਾਸਿਕ ਪਾਸ ਲਈ 8240 ਰੁਪਏ ਦੇਣੇ ਹੋਣਗੇ।
ਟਰੱਕਾਂ ਅਤੇ ਬੱਸਾਂ ਦੇ ਨਵੇਂ ਰੇਟ 24 ਘੰਟਿਆਂ ਵਿੱਚ ਸਿੰਗਲ ਟ੍ਰਿਪ ਲਈ 550 ਰੁਪਏ ਅਤੇ ਇੱਕ ਤੋਂ ਵੱਧ ਟਰਿੱਪ ਲਈ 825 ਰੁਪਏ ਤੈਅ ਕੀਤੇ ਗਏ ਹਨ। ਇਨ੍ਹਾਂ ਵਾਹਨਾਂ ਦਾ ਮਹੀਨਾਵਾਰ ਪਾਸ 16,485 ਰੁਪਏ ਵਿੱਚ ਬਣਾਇਆ ਜਾ ਸਕਦਾ ਹੈ। ਡਬਲ ਐਕਸਲ ਟਰੱਕਾਂ ਲਈ ਸਿੰਗਲ ਟ੍ਰਿਪ 885 ਰੁਪਏ, ਮਲਟੀਪਲ ਟ੍ਰਿਪ 1325 ਰੁਪਏ ਅਤੇ ਮਾਸਿਕ ਪਾਸ 26490 ਰੁਪਏ ਵਿੱਚ ਹੋਵੇਗਾ।
ਘੱਗਰ ਨਦੀ ‘ਤੇ ਦੇਵੀ ਨਗਰ ਅੰਬਾਲਾ ਵਿਖੇ ਬਣੇ ਟੋਲ ਪਲਾਜ਼ਾ ਦੇ ਰੇਟ ਵੀ ਅੱਜ ਤੋਂ ਸੋਧੇ ਗਏ ਹਨ। ਇੱਥੇ ਕਾਰ-ਜੀਪ ਲਈ ਸਿੰਗਲ ਟ੍ਰਿਪ ਲਈ 95 ਰੁਪਏ, 24 ਘੰਟੇ ਦੀ ਮਲਟੀਪਲ ਯਾਤਰਾ ਲਈ 140 ਰੁਪਏ ਅਤੇ ਮਾਸਿਕ ਪਾਸ ਲਈ 2825 ਰੁਪਏ ਦੇਣੇ ਪੈਂਦੇ ਹਨ। ਹਲਕੇ ਵਪਾਰਕ ਵਾਹਨ ਲਈ 165 ਰੁਪਏ, 24 ਘੰਟਿਆਂ ਵਿੱਚ ਕਈ ਯਾਤਰਾਵਾਂ ਲਈ 245 ਰੁਪਏ ਅਤੇ ਮਹੀਨਾਵਾਰ ਪਾਸ ਲਈ 4945 ਰੁਪਏ ਦੇਣੇ ਹੋਣਗੇ।
ਟਰੱਕਾਂ ਅਤੇ ਬੱਸਾਂ ਲਈ ਸਿੰਗਲ ਟ੍ਰਿਪ ਲਈ 330 ਰੁਪਏ, 24 ਘੰਟੇ ਦੀ ਮਲਟੀਪਲ ਟ੍ਰਿਪ ਲਈ 495 ਰੁਪਏ, ਮਾਸਿਕ ਪਾਸ ਲਈ 9890 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ। ਡਬਲ ਐਕਸਲ ਟਰੱਕਾਂ ਨੂੰ 24 ਘੰਟਿਆਂ ਵਿੱਚ ਇੱਕ ਵਾਰੀ ਯਾਤਰਾ ਲਈ 530 ਰੁਪਏ ਅਤੇ ਇੱਕ ਤੋਂ ਵੱਧ ਯਾਤਰਾ ਲਈ 795 ਰੁਪਏ ਦੇਣੇ ਪੈਣਗੇ। ਇਨ੍ਹਾਂ ਵਾਹਨਾਂ ਲਈ ਮਹੀਨਾਵਾਰ ਪਾਸ ਫੀਸ 15,895 ਰੁਪਏ ਹੋਵੇਗੀ।
