ਨਾਈਜੀਰੀਆ ਇੱਕ ਵਾਰ ਫਿਰ ਆਤਮਘਾਤੀ ਹਮਲਿਆਂ ਨਾਲ ਹਿੱਲ ਗਿਆ ਹੈ। ਉੱਤਰ-ਪੂਰਬੀ ਨਾਈਜੀਰੀਆ ‘ਚ ਲੜੀਵਾਰ ਆਤਮਘਾਤੀ ਹਮਲਿਆਂ ‘ਚ ਘੱਟੋ-ਘੱਟ 18 ਲੋਕ ਮਾਰੇ ਗਏ ਹਨ ਅਤੇ 19 ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਏ ਹਨ।
ਐਮਰਜੈਂਸੀ ਸੇਵਾਵਾਂ ਨੇ ਸ਼ਨੀਵਾਰ ਨੂੰ ਇਸ ਘਟਨਾ ਦੀ ਜਾਣਕਾਰੀ ਦਿੱਤੀ। ਗਵੋਜ਼ਾ ਸ਼ਹਿਰ ਵਿਚ ਹੋਏ ਤਿੰਨ ਧਮਾਕਿਆਂ ਵਿਚੋਂ ਇਕ ਵਿੱਚ, ਇਕ ਹਮਲਾਵਰ ਔਰਤ ਨੇ ਇੱਕ ਬੱਚੇ ਨੂੰ ਪਿੱਠ ‘ਤੇ ਬੰਨ੍ਹ ਕੇ ਇਕ ਵਿਆਹ ਸਮਾਰੋਹ ਦੇ ਵਿਚਕਾਰ ਵਿਸਫੋਟਕਾਂ ਨਾਲ ਧਮਾਕਾ ਕੀਤਾ।
ਦੂਜਾ ਹਮਲਾ ਕੈਮਰੂਨ ਦੇ ਇਕ ਸਰਹੱਦੀ ਸ਼ਹਿਰ ਦੇ ਇੱਕ ਹਸਪਤਾਲ ਵਿੱਚ ਹੋਇਆ। ਤੀਜਾ ਹਮਲਾ ਵਿਆਹ ਦੇ ਹਮਲੇ ਵਿੱਚ ਮਾਰੇ ਗਏ ਲੋਕਾਂ ਦੀਆਂ ਅੰਤਿਮ ਰਸਮਾਂ ਦੌਰਾਨ ਹੋਇਆ। ਬੋਰਨੀਓ ਸਟੇਟ ਐਮਰਜੈਂਸੀ ਮੈਨੇਜਮੈਂਟ ਏਜੰਸੀ ਮੁਤਾਬਕ ਹਮਲਿਆਂ ਵਿਚ 18 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 42 ਜ਼ਖ਼ਮੀ ਹੋਏ ਹਨ। ਮਰਨ ਵਾਲਿਆਂ ਵਿਚ ਬੱਚੇ, ਮਰਦ, ਔਰਤਾਂ ਅਤੇ ਗਰਭਵਤੀ ਔਰਤਾਂ ਵੀ ਸ਼ਾਮਲ ਸਨ। 42 ਜ਼ਖ਼ਮੀਆਂ ‘ਚੋਂ 19 ਗੰਭੀਰ ਰੂਪ ‘ਚ ਜ਼ਖ਼ਮੀ ਹਨ ਅਤੇ ਉਨ੍ਹਾਂ ਨੂੰ ਮੈਦੁਗੁਰੀ ਲਿਜਾਇਆ ਗਿਆ ਹੈ, ਜਦਕਿ 23 ਹੋਰ ਲੋਕਾਂ ਨੂੰ ਬਾਹਰ ਕੱਢਣ ਦਾ ਇੰਤਜ਼ਾਰ ਕਰ ਰਹੇ ਹਨ।
ਦੇਸ਼ ਦੇ ਸੁਰੱਖਿਆ ਬਲ ਅਤੇ ਐਮਰਜੈਂਸੀ ਸੇਵਾ ਦਲ ਨੇ ਮੌਕੇ ‘ਤੇ ਪਹੁੰਚ ਕੇ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ। ਹਮਲਾ ਕਿਸ ਨੇ ਕੀਤਾ, ਇਸ ਦੀ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ ਹੈ। ਫਿਲਹਾਲ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।