ਬਿਉਰੋ ਰਿਪੋਰਟ – ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਪੰਜਾਬ ਸਰਕਾਰ ਤੇ ਗਿੱਦੜਬਾਹਾ ਹਲਕੇ ਦੇ 12 ਤੋਂ 13 ਹਜ਼ਾਰ ਲੋਕਾਂ ਦੇ ਕੋਠੇ ਕੈਂਸਲ ਕਰਨ ਦਾ ਇਲਜਾਮ ਲਗਾਇਆ ਹੈ। ਰਾਜਾ ਵੜਿੰਗ ਨੇ ਕਿਹਾ ਕਿ ਜੋ ਅਸੀਂ ਕੋਠੇ ਲਿਖ ਕੇ ਦਿੱਤੇ ਸਨ ਉਹ ਝਾੜੂ ਦੀ ਸਰਕਾਰ ਨੇ ਕੈਂਸਲ ਕਰ ਦਿੱਤੇ ਹਨ, ਅਸੀਂ ਕੋਠੇ ਲਿਖਣ ਸਮੇਂ ਕਿਸੇ ਦੀ ਵੀ ਪਾਰਟੀ ਨਹੀਂ ਦੇਖੀ ਇਸ ਕਰਕੇ ਇਕ ਪਾਸੇ ਪੂਰੇ ਪੰਜਾਬ ਦੇ 14 ਹਜ਼ਾਰ ਕੋਠੇ ਸੀ ਤੇ ਇਕੱਲੇ ਗਿੱਦੜਬਾਹੇ ਦੇ 14 ਹਜ਼ਾਰ ਸੀ। ਪਰ ਪੰਜਾਬ ਸਰਕਾਰ ਨੇ ਗਿੱਦੜਬਾਹਾ ਦੇ ਸਾਰੇ ਕੋਠੇ ਕੈਂਸਲ ਕਰ ਦਿੱਤੇ ਹਨ। ਜਿਨ੍ਹਾਂ ਲੋਕਾਂ ਨੇ ਆਪ ਦਾ ਵਿਧਾਇਕ ਗਿੱਦੜਬਾਹਾ ‘ਚ ਭਾਰੀ ਵੋਟਾਂ ਪਾ ਕੇ ਬਣਾਇਆ ਸੀ ਉਨ੍ਹਾਂ ਦੇ ਵੀ ਕੋਠੇ ਰੱਦ ਕਰ ਦਿੱਤੇ ਹਨ। ਇਹ ਹੁਣ ਕੇਵਲ ਆਪਣੇ ਚੰਦ ਕੋ ਬੰਦਿਆਂ ਦੇ ਕੋਠੇ ਲਿਖ ਰਹੇ ਹਨ। ਵੜਿੰਗ ਨੇ ਕਿਹਾ ਕਿ ਉਹ ਪੰਜਾਬ ਸਰਕਾਰ ਦੀ ਇਸ ਕਾਰਵਾਈ ਨੂੰ ਰੁਕਵਾਉਣ ਲਈ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦਾ ਰੁੱਖ ਕਰਨਗੇ। ਦੱਸ ਦੇਈਏ ਕਿ ਪਿੰਡਾਂ ਵਿਚ ਕੋਠੇ ਉਹ ਘਰ ਹੁੰਦੇ ਹਨ ਜੋ ਸਰਕਾਰ ਲੋੜਵੰਦ ਲੋਕਾਂ ਨੂੰ ਦਿੰਦੀ ਹੈ।
ਗਿੱਦੜਬਾਹਾ ਵਿਖੇ ਗਰੀਬ ਪਰਿਵਾਰਾਂ ਦੇ ਕੋਠੇ ਕੈਂਸਲ ਕਰਕੇ @AAPPunjab ਨੇ ਆਪਣੇ ਜਨ ਵਿਰੋਧੀ ਹੋਣ ਦਾ ਸਬੂਤ ਦੇ ਦਿੱਤਾ ਹੈ। ਅਸੀਂ ਗਿੱਦੜਬਾਹਾ ਵਿਖੇ 14000 ਕੋਠੇ ਅਲਾਟ ਕਰਵਾਏ ਸੀ ਜੋ ਇਹਨਾਂ ਦੇ ਅਹਿਲਕਾਰਾਂ ਨੇ ਕੈਂਸਲ ਕਰਵਾ ਦਿੱਤੇ ਹਨ। ਮੈਂ ਇਸ ਮਾਮਲੇ ਵਿੱਚ ਮਾਣਯੋਗ ਹਾਈਕੋਰਟ ਵਿੱਚ ਪਹੁੰਚ ਕਰਨ ਜਾ ਰਿਹਾ ਹਾਂ ਤੇ ਗਰੀਬਾਂ ਦਾ ਹੱਕ ਕਦੇ ਵੀ ਮਰਨ… pic.twitter.com/U1CbziHr0A
— Amarinder Singh Raja Warring (@RajaBrar_INC) March 5, 2025
ਇਹ ਵੀ ਪੜ੍ਹੋ – ਪੁਲਿਸ ‘ਤੇ ਗੋਲੀਬਾਰੀ ਕਰਨ ਵਾਲੇ ਵਿਅਕਤੀ ਦੇ ਘਰ ‘ਤੇ ਚਲਾਇਆ ਬੁਲਡੋਜ਼ਰ
