ਬਿਲਾਸਪੁਰ : ਹਿਮਾਚਲ ਪ੍ਰਦੇਸ਼ ਪੁਲਿਸ ਦੇ ਜਵਾਨ ਅਨਿਲ ਸ਼ਰਮਾ ਦੇ ਵਾਰੇ ਨਿਆਰੇ ਹੋ ਗਏ ਹਨ। ਉਸ ਨੇ ਟਵੰਟੀ-ਟਵੰਟੀ ਕ੍ਰਿਕਟ ਵਰਲਡ ਕੱਪ(T-20 World Cup) ‘ਚ ਡਰੀਮ 11 ‘ਤੇ ਇਕ ਕਰੋੜ ਰੁਪਏ ਜਿੱਤੇ ਹਨ। ਹਿਮਾਚਲ ਪੁਲਿਸ ਦਾ ਜਵਾਨ ਅਨਿਲ ਸ਼ਰਮਾ ਬਿਲਾਸਪੁਰ ਦਾ ਰਹਿਣ ਵਾਲਾ ਹੈ। ਉਸ ਨੇ ਬੁੱਧਵਾਰ ਨੂੰ ਇੰਗਲੈਂਡ ਅਤੇ ਆਇਰਲੈਂਡ ਦੇ ਮੈਚ ‘ਤੇ ਪੈਸਾ ਲਗਾਇਆ ਸੀ। ਉਸ ਨੂੰ ਰੈਂਕ ਇੱਕ ਮਿਲਿਆ ਹੈ ਅਤੇ ਇੱਕ ਕਰੋੜ ਰੁਪਏ ਦਾ ਇਨਾਮ ਵੀ ਮਿਲਿਆ ਹੈ।
ਜਾਣਕਾਰੀ ਮੁਤਾਬਕ ਅਨਿਲ ਸ਼ਰਮਾ ਬਿਲਾਸਪੁਰ ‘ਚ ਹਿਮਾਚਲ ਪ੍ਰਦੇਸ਼ ਪੁਲਸ ‘ਚ ਹੈੱਡ ਕਾਂਸਟੇਬਲ ਹੈ। ਡਰੱਗ ਮਾਫੀਆ ਦੀ ਕਮਰ ਤੋੜਨ ਲਈ ਕਾਰਨ ਉਸਨੂੰ ਡੀਜੀਪੀ ਡਿਸਕ ਐਵਾਰਡ ਵੀ ਮਿਲਿਆ ਹੋਇਆ ਹੈ।
ਦਰਅਸਲ ਬੁੱਧਵਾਰ ਨੂੰ ਹੋਏ ਮੈਚ ‘ਚ ਅਨਿਲ ਸ਼ਰਮਾ ਨੇ ਟੀਮ ‘ਚ ਐਂਡਰਿਊ ਬਲਬੀਰਨੀ, ਲਿਆਮ ਲਿਵਿੰਗਸਟੋਨ, ਲੋਰਕਨ ਟਾਕਰ, ਮਾਰਕ ਵੁੱਡ, ਸੈਮ ਕੁਰਾਨ, ਡੇਵਿਡ ਮਲਾਨ, ਕਰਟਿਸ ਕੈਮਪੇਅਰ ਨੂੰ ਜਗ੍ਹਾ ਦਿੱਤੀ ਸੀ। ਲੀਅਮ ਲਿਵਿੰਗਸਟੋਨ ਨੇ ਅਨਿਲ ਲਈ ਸਭ ਤੋਂ ਵੱਧ 144 ਅੰਕ ਹਾਸਲ ਕੀਤੇ।
ਲਿਵਿੰਗਸਟੋਨ ਮੈਚ ਵਿੱਚ ਚਾਰ ਵਿਕਟਾਂ ਇਸ ਤੋਂ ਇਲਾਵਾ ਸੈਮ ਕੁਰਾਨ ਨੇ ਵੀ ਤਿੰਨ ਵਿਕਟਾਂ ਹਾਸਲ ਕੀਤੀਆਂ ਹਨ। ਇਸ ਦੇ ਨਾਲ ਹੀ ਡੇਵਿਡ ਮਲਾਨ ਨੇ ਵੀ 35 ਦੌੜਾਂ ਬਣਾਈਆਂ। ਹਾਲਾਂਕਿ ਉਹ ਟੀਮ ਨੂੰ ਜਿੱਤ ਤੱਕ ਨਹੀਂ ਪਹੁੰਚਾ ਸਕੇ। ਅਨਿਲ ਸ਼ਰਮਾ ਨੇ ਕੁੱਲ 793 ਅੰਕ ਪ੍ਰਾਪਤ ਕੀਤੇ ਅਤੇ ਪਹਿਲੇ ਨੰਬਰ ‘ਤੇ ਆਇਆ।
ਇੰਗਲੈਂਡ ਦੀ ਹਾਰ
ਟੀ-20 ਵਿਸ਼ਵ ਕੱਪ ਦੇ ਇਸ ਮੈਚ ‘ਚ ਇੰਗਲੈਂਡ ਨੂੰ ਮੀਂਹ ਤੋਂ ਪ੍ਰਭਾਵਿਤ ਮੈਚ ‘ਚ 5 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਮੈਚ ਦਾ ਫੈਸਲਾ ਡਕ ਵਰਥ ਲੁਈਸ ਨਿਯਮ ਅਨੁਸਾਰ ਹੋਇਆ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਹਾਲ ਹੀ ਵਿੱਚ ਸ਼ਿਮਲਾ ਦੇ ਚੌਪਾਲ ਦੀ ਇੱਕ ਨੌਜਵਾਨ ਨੇ ਮਹਿਲਾ ਏਸ਼ੀਆ ਕੱਪ ਦੇ ਫਾਈਨਲ ਮੈਚ ਵਿੱਚ 19 ਲੱਖ ਰੁਪਏ ਜਿੱਤੇ ਸਨ। ਉਸ ਨੇ ਹਿਮਾਚਲ ਦੀ ਰੇਣੂਕਾ ਨੂੰ ਕਪਤਾਨ ਬਣਾਇਆ ਸੀ ਅਤੇ ਇਸ ਮੈਚ ਵਿੱਚ ਰੇਣੂਕਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
