ਬਿਉਰੋ ਰਿਪੋਰਟ: ਆਮ ਆਦਮੀ ਪਾਰਟੀ (ਆਪ) ਦੀ ਰਾਜ ਸਭਾ ਮੈਂਬਰ ਸਵਾਤੀ ਮਾਲੀਵਾਲ ਨੇ ਪਾਰਟੀ ਮੁਖੀ ਅਰਵਿੰਦ ਕੇਜਰੀਵਾਲ ’ਤੇ ਤਿੱਖਾ ਹਮਲਾ ਕੀਤਾ ਹੈ। ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਨੇ ਵੀਰਵਾਰ ਨੂੰ ਵਿਧਾਨ ਸਭਾ ਵਿੱਚ ਆਪਣੇ ਅਤੇ ਆਪਣੀ ਪਾਰਟੀ ਦੇ ਨੇਤਾਵਾਂ ਨੂੰ ਝੂਠੇ ਕੇਸਾਂ ਵਿੱਚ ਜੇਲ੍ਹ ਭੇਜਣ ਬਾਰੇ ਗੱਲ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ ਬਿਭਵ ਕੁਮਾਰ ਦਾ ਨਾਂ ਵੀ ਲਿਆ, ਜਿਸ ’ਤੇ ਸਵਾਤੀ ਮਾਲੀਵਾਲ ’ਤੇ CM ਹਾਊਸ ਵਿੱਚ ਹਮਲਾ ਕਰਨ ਦਾ ਇਲਜ਼ਾਮ ਹੈ। ਵਿਭਵ ਕੁਮਾਰ ਫਿਲਹਾਲ ਜ਼ਮਾਨਤ ’ਤੇ ਬਾਹਰ ਹਨ।
ਦਰਅਸਲ ਵਿਧਾਨ ਸਭਾ ਵਿੱਚ ਅੱਜ ਜਦੋਂ ਕੇਜਰੀਵਾਲ ਨੇ ਜੇਲ੍ਹ ਜਾਣ ਵਾਲੇ ਪਾਰਟੀ ਦੇ 5 ਵੱਡੇ ਨੇਤਾਵਾਂ ਦੀ ਸੂਚੀ ’ਚ ਬਿਭਵ ਦਾ ਨਾਂ ਲਿਆ ਤਾਂ ਇਸ ’ਤੇ ਸਵਾਤੀ ਮਾਲੀਵਾਲ ਭੜਕ ਉੱਠੀ। ਕੇਜਰੀਵਾਲ ’ਤੇ ਪਹਿਲੀ ਵਾਰ ਅਜਿਹਾ ਹਮਲਾ ਕਰਦੇ ਹੋਏ ਮਾਲੀਵਾਲ ਨੇ ਕਿਹਾ, “ਬੇਸ਼ਰਮੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ, ਅਰਵਿੰਦ ਕੇਜਰੀਵਾਲ ਜੀ, ਜਿਸ ਗੁੰਡੇ ਨੇ ਮੈਨੂੰ ਤੁਹਾਡੀ ਮੌਜੂਦਗੀ ’ਚ ਤੁਹਾਡੀ ਰਿਹਾਇਸ਼ ’ਤੇ ਮਾਰਿਆ, ਜਦੋਂ ਉਹ ਜੇਲ੍ਹ ’ਚ ਸੀ, ਤੁਸੀਂ ਦੇਸ਼ ਦੇ ਸਭ ਤੋਂ ਮਹਿੰਗੇ ਵਕੀਲਾਂ ਦੀ ਫੌਜ ਉਸ ਨੂੰ ਬਚਾਉਣ ਲਈ ਖੜੀ ਕਰ ਦਿੱਤੀ। ਮੇਰੇ ਖ਼ਿਲਾਫ਼ PC ਤੇ PC ਕਰਵਾਈ। ਅੱਜ ਜਦੋਂ ਉਹ ਸ਼ਰਤੀਆ ਜ਼ਮਾਨਤ ’ਤੇ ਬਾਹਰ ਆਇਆ ਹੈ ਤਾਂ ਉਹ ਉਸ ਨੂੰ ਪਾਰਟੀ ਦਾ ਸਭ ਤੋਂ ਵੱਡਾ ਆਗੂ ਦੱਸ ਰਹੇ ਹਨ ਅਤੇ ਕਹਿ ਰਹੇ ਹਨ ਕਿ ਉਸ ਨੂੰ ਝੂਠੇ ਕੇਸ ਵਿੱਚ ਜੇਲ੍ਹ ’ਚ ਪਾਇਆ ਗਿਆ ਹੈ।”
ਮਾਲੀਵਾਲ ਨੇ ਅੱਗੇ ਕਿਹਾ, “ਸੁਪਰੀਮ ਕੋਰਟ ਨੇ ਵੀ ਪੁੱਛਿਆ ਕਿ ਅਜਿਹੇ ਗੁੰਡਿਆਂ ਨੂੰ ਆਪਣੇ ਘਰ ਵਿੱਚ ਕੌਣ ਰੱਖਦਾ ਹੈ। ਇਨ੍ਹਾਂ ਦੇ ਇਹ ਵਾਕਾਂ ਨਾਲ ਬਿਭਵ ਵਰਗੇ ਹੌਂਸਲੇ ਬੁਲੰਦ ਨਹੀਂ ਹੋਣਗੇ ਤਾਂ ਹੋਰ ਕੀ ਹੋਵੇਗਾ? ਸੰਦੇਸ਼ ਸਪੱਸ਼ਟ ਹੈ – ਭਾਵੇਂ ਤੁਸੀਂ ਦੁਬਾਰਾ ਹਮਲਾ ਕਰਦੇ ਹੋ, ਅਸੀਂ ਤੁਹਾਨੂੰ ਬਚਾ ਲਵਾਂਗੇ। ਹਰ ਵਿਅਕਤੀ ਜੋ ਤੁਹਾਡੇ ਹਰ ਗ਼ਲਤ ਕੰਮ ’ਚ ਸਹਿਯੋਗੀ ਹੈ, ਵੱਡਾ ਆਗੂ ਨਹੀਂ ਹੁੰਦਾ।”
ਮਾਲੀਵਾਲ ਨੇ ਅੱਗੇ ਕਿਹਾ, “ਵਾਹ ਸਰ ਵਾਹ ਸਰ ਕਹਿਣ ਵਾਲੇ ਲੋਕਾਂ ਨੂੰ ਨੇੜੇ ਰੱਖਣ ਦਾ ਸ਼ੌਕ ਹੈ ਇਸ ਕਾਰਨ ਦੁਨੀਆਂ ਧੁੰਦਲੀ ਨਜ਼ਰ ਆਉਣ ਲੱਗੀ ਹੈ। ਹਰ ਦੂਜੇ ਦਿਨ ਤੁਸੀਂ ਆਪਣੀ ਤੁਲਨਾ ਮਰਿਯਾਦਾ ਪੁਰਸ਼ੋਤਮ ਰਾਮ ਨਾਲ ਕਰਾਉਂਦੇ ਹੋ!” ਮਾਲੀਵਾਲ ਨੇ ਕਿਹਾ ਕਿ ਅਜਿਹਾ ਹੰਕਾਰ ਠੀਕ ਨਹੀਂ ਹੈ, ਜੋ ਆਪਣੀ ਪਾਰਟੀ ਦੀ ਮਹਿਲਾ ਸੰਸਦ ਮੈਂਬਰ ਲਈ ਸਟੈਂਡ ਨਹੀਂ ਲੈ ਸਕਦਾ, ਉਹ ਦਿੱਲੀ ਦੀਆਂ ਔਰਤਾਂ ਲਈ ਕੀ ਸਟੈਂਡ ਲਵੇਗਾ?
बेशर्मी की सारी हदें पार कर दी। @ArvindKejriwal जी, जिस गुंडे ने मुझे आपके निवास पर आपकी मौजूदगी में मारा, जब तक वो जेल में था, आपने देश के सबसे महँगे वकीलों की फौज उसे बचाने के लिए खड़ी करी, मेरे ख़िलाफ़ PC पे PC करवाई।
आज जब वो शर्तिया बेल पर बाहर है, उसे पार्टी का सबसे बड़े… pic.twitter.com/Rr8o9nPDnE
— Swati Maliwal (@SwatiJaiHind) September 26, 2024
ਦੱਸ ਦੇਈਏ ਸਵਾਤੀ ਮਾਲੀਵਾਲ ਨੇ ਕੇਜਰੀਵਾਲ ਦੇ ਪੀਏ ਬਿਭਵ ਕੁਮਾਰ ’ਤੇ ਕੁੱਟਮਾਰ ਦਾ ਇਲਜ਼ਾਮ ਲਗਾਇਆ ਹੈ। ਮਾਲੀਵਾਲ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਅਨੁਸਾਰ 13 ਮਈ ਨੂੰ ਬਿਭਵ ਕੁਮਾਰ ਨੇ ਕੇਜਰੀਵਾਲ ਦੇ ਘਰ ਉਸ ਨੂੰ ਲੱਤਾਂ ਮਾਰੀਆਂ ਸਨ। ਇਸ ਦੌਰਾਨ ਉਸ ਦੇ ਕੱਪੜੇ ਵੀ ਅਸਤ-ਵਿਅਸਤ ਹੋ ਗਏ ਸਨ। 18 ਮਈ ਨੂੰ ਦਿੱਲੀ ਪੁਲਿਸ ਨੇ ਬਿਭਵ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਹਾਲ ਹੀ ’ਚ ਉਹ ਜ਼ਮਾਨਤ ’ਤੇ ਬਾਹਰ ਆਏ ਹਨ। ਇਸ ਘਟਨਾ ਤੋਂ ਬਾਅਦ ਸਵਾਤੀ ਮਾਲੀਵਾਲ ਨੇ ਆਪਣੀ ਹੀ ਪਾਰਟੀ ਖਿਲਾਫ ਮੋਰਚਾ ਖੋਲ੍ਹ ਦਿੱਤਾ। ਹਾਲਾਂਕਿ, ਉਸਨੇ ਕੇਜਰੀਵਾਲ ਖਿਲਾਫ ਤਿੱਖੇ ਸ਼ਬਦਾਂ ਦੀ ਵਰਤੋਂ ਕਰਨ ਤੋਂ ਬਚਾਅ ਕੀਤਾ, ਪਰ ਇਹ ਪਹਿਲੀ ਵਾਰ ਉਸ ਨੇ ਇਸ ਤਰ੍ਹਾਂ ਦਾ ਤਿੱਖਾ ਬਿਆਨ ਦਿੱਤਾ ਹੈ।
