ਬਿਉਰੋ ਰਿਪੋਰਟ -ਸੁਪਰੀਮ ਕੋਰਟ (Supream court) ਤੋਂ ਸੌਦਾ ਸਾਧ (Ram Rahim) ਨੂੰ ਵੱਡਾ ਝਟਕਾ ਲੱਗਿਆ ਹੈ । ਦੇਸ਼ ਦੀ ਸੁਪਰੀਮ ਅਦਾਲਤ ਨੇ ਹਾਈਕੋਰਟ (Punjab Haryana High Court) ਵੱਲੋਂ ਬੇਅਦਬੀ ਦੇ ਤਿੰਨ ਕੋਸਾਂ ‘ਤੇ ਰਾਮ ਰਹੀਮ ਖਿਲਾਫ ਲਗਾਈ ਗਈ ਰੋਕ ਨੂੰ ਹਟਾ ਦਿੱਤਾ ਹੈ ਅਤੇ ਰਾਮ ਰਹੀਮ ਨੂੰ ਨੋਟਿਸ ਜਾਰੀ ਕਰਕੇ 4 ਹਫਤਿਆਂ ਵਿੱਚ ਜਵਾਬ ਮੰਗਿਆ ਹੈ । ਪੰਜਾਬ ਸਰਕਾਰ ਨੇ ਸੁਪਰੀਮ ਕੋਰਟ ਦੀ ਡਬਲ ਬੈਂਚ BR ਗਵਈ ਅਤੇ KV ਵਿਸ਼ਵਨਾਥਨ ਦੀ ਬੈਂਚ ਦੇ ਸਾਹਮਣੇ ਪਟੀਸ਼ਨ ਫਾਈਲ ਕੀਤੀ ਸੀ ।
ਸੁਪਰੀਮ ਕੋਰਟ ਇਸੇ ਸਾਲ ਹਾਈਕੋਰਟ ਵੱਲੋਂ ਸੌਦਾ ਸਾਧ ਖਿਲਾਫ ਕੇਸ ਚਲਾਉਣ ਨੂੰ ਲਗਾਈ ਰੋਕ ਖਿਲਾਫ ਸੁਣਵਾਈ ਕਰ ਰਹੀ ਸੀ । ਪਿਛਲੇ ਸਾਲ ਫਰਵਰੀ ਵਿੱਚ ਸੁਪਰੀਮ ਕੋਰਟ ਨੇ ਡੇਰਾ ਮੁਖੀ ਅਤੇ ਉਸ ਦੇ ਪੈਰੋਕਾਰਾਂ ਖਿਲਾਫ ਚੱਲ ਰਹੇ ਬੇਅਦਬੀ ਦੇ ਕੇਸ ਫਰੀਦਕੋਟ ਤੋਂ ਚੰਡੀਗੜ੍ਹ ਟਰਾਂਸਪਰ ਕਰ ਦਿੱਤੇ ਸਨ । ਦੇਸ਼ ਦੀ ਸਭ ਤੋਂ ਵੱਡੀ ਅਦਾਲਤ ਦਾ ਇਹ ਫੈਸਲਾ ਡੇਰੇ ਦੇ ਪੈਰੋਕਾਰ ਅਤੇ ਬੇਅਦਬੀ ਦੇ ਮੁਲਜ਼ਮ ਪ੍ਰਦੀਪ ਕਟਾਰੀਆ ਦੇ ਕਤਲ ਤੋਂ ਬਾਅਦ ਆਇਆ ਸੀ । ਜਿਸ ਤੋਂ ਬਾਅਦ ਮੁਲਜ਼ਮਾਂ ਨੇ ਹਾਈਕੋਰਟ ਤੋਂ ਇਸ ਮਾਮਲੇ ਵਿੱਚ ਰੋਕ ਲਗਾਉਣ ਦੀ ਮੰਗ ਕੀਤੀ ਸੀ ।
ਸੌਦਾ ਸਾਧ ਨੇ ਦਸੰਬਰ 2021 ਵਿੱਚ ਪੰਜਾਬ ਹਰਿਆਣਾ ਹਾਈਕੋਰਟ ਵਿੱਚ ਮੰਗ ਕੀਤੀ ਸੀ ਕਿ 2015 ਵਿੱਚ ਦਰਜ ਬੇਅਦਬੀ ਦੇ ਤਿੰਨਾਂ ਕੇਸਾਂ ਦੀ ਜਾਂਚ ਸੀਬੀਆਈ ਵੱਲੋਂ (CBI) ਕਰਵਾਈ ਜਾਵੇ ।
ਪੰਜਾਬ ਸਰਕਾਰ ਵੱਲੋਂ ਸੁਪਰੀਮ ਕੋਰਟ ਵਿੱਚ ਐਡਵੋਕੇਟ ਜਨਰਲ ਗੁਰਮਿੰਦਰ ਸਿੰਘ,ਐਡਵੋਕੇਟ ਵਿਵੇਕ ਜੈਨ ਅਤੇ ਰਜਤ ਭਾਰਦ੍ਵਾਜ ਪੇਸ਼ ਹੋਏ । ਜਦਕਿ ਸੌਦਾ ਸਾਧ ਵੱਲੋਂ ਸੋਨੀਆ ਮਾਥੁਰ ਨੇ ਜ਼ਿਰਾ ਕੀਤੀ ।
