ਬਿਉਰੋ ਰਿਪੋਰਟ : ਸੁਪਰੀਮ ਕੋਰਟ ਨੇ ਚੰਡੀਗੜ੍ਹ ਦੇ ਮੇਅਰ ਨੂੰ ਲੈਕੇ ਵੱਡਾ ਫੈਸਲਾ ਸੁਣਾਇਆ ਹੈ । ਚੀਫ ਜਸਟਿਸ ਡੀਵਾਈ ਚੰਦਰਚੂੜ ਨੇ ਪੁਰਾਣੇ ਨਤੀਜੇ ਨੂੰ ਰੱਦ ਕਰਦੇ ਹੋਏ ਆਪ ਦੇ ਉਮੀਦਵਾਰ ਕੁਲਦੀਪ ਕੁਮਾਰ ਨੂੰ ਮੇਅਰ ਐਲਾਨਿਆ ਹੈ । ਅਦਾਲਤ ਨੇ ਪਹਿਲਾਂ ਸਾਰੇ ਬੈਲੇਟ ਪੇਪਰ ਚੈੱਕ ਕੀਤੇ ਇਸ ਦੌਰਾਨ ਚੀਫ ਜਸਟਿਸ ਨੇ ਪ੍ਰੀਜ਼ਾਇਡਿੰਗ ਅਫਸਰ ਅਨਿਲ ਮਸੀਹ ਵੱਲੋਂ ਰੱਦ ਕੀਤੇ ਬੈਲੇਟ ਵੋਟ ‘ਤੇ ਸਵਾਲ ਚੁੱਕ ਦੇ ਹੋਏ ਬੈਲੇਟ ਵੋਟ ਨੂੰ ਸਹੀ ਦੱਸਿਆ। ਅਦਾਲਤ ਨੇ ਕਿਹਾ ਰੱਦ ਕੀਤੇ ਗਏ 8 ਵੋਟ ਆਪ ਦੇ ਉਮੀਦਵਾਰ ਦੇ ਹੱਕ ਵਿੱਚ ਪਏ ਹਨ ਇਸ ਲਿਹਾਜ ਨਾਲ 12 ਅਤੇ 8 ਵੋਟਾਂ ਨੂੰ ਮਿਲਾਕੇ ਆਪ ਦਾ ਉਮੀਦਵਾਰ ਜੇਤੂ ਹੈ । ਚੀਫ ਜਸਟਿਸ ਲਗਾਤਾਰ ਦੂਜੇ ਦਿਨ ਪ੍ਰੀਜ਼ਾਇਡਿੰਗ ਅਫਸਰ ਅਨਿਲ ਮਸੀਹ ਤੇ ਸਖਤ ਨਜ਼ਰ ਉਨ੍ਹਾਂ ਮਸੀਸ ਖਿਲਾਫ ਸਖਤ ਟਿਪਣੀਆਂ ਕਰਦੇ ਹੋਏ ਕਿਹਾ ਤੁਸੀਂ ਇਸ ਪੂਰੀ ਪ੍ਰਕਿਆ ਦੇ ਦੋਸ਼ੀ ਹੋ, ਤੁਸੀਂ 3 ਹਫਤੇ ਦੇ ਅੰਦਰ ਜਵਾਬ ਦਿਉ। ਉਧਰ ਜਿੱਤ ਤੋਂ ਬਾਅਦ ਚੰਡੀਗੜ੍ਹ ਆਪ ਅਤੇ ਕਾਂਗਰਸ ਦੇ ਖੇਮੇ ਵਿੱਚ ਜਸ਼ਨ ਮਨਾਇਆ ਜਾ ਰਿਹਾ ਹੈ ਮਿਠਾਇਆ ਵੰਡਿਆਂ ਜਾ ਰਹੀਆਂ ਹਨ।
Thank you SC for saving democracy in these difficult times! #ChandigarhMayorPolls
— Arvind Kejriwal (@ArvindKejriwal) February 20, 2024
ਉਧਰ ਆਪ ਦੀ ਜਿੱਤ ਤੋਂ ਬਾਅਦ ਸਭ ਤੋਂ ਪਹਿਲਾਂ ਪਾਰਟੀ ਸੁਪ੍ਰੀਮੋ ਕੇਜਰੀਵਾਲ ਦਾ ਬਿਆਨ ਸਾਹਮਣੇ ਆਇਆ ਹੈ । ਉਨ੍ਹਾਂ ਨੇ ਆਪਣੇ ਸੋਸ਼ਲ਼ ਮੀਡੀਆ ਐਕਾਉਂਟ ਤੇ ਲਿਖਿਆ ‘ਇਸ ਔਖੇ ਸਮੇਂ ਵਿੱਚ ਲੋਕਤੰਤਰ ਨੂੰ ਬਚਾਉਣ ਲਈ ਸੁਪਰੀਮ ਕੋਰਟ ਦਾ ਧੰਨਵਾਦ ਹੈ । ਇਸ ਦੇ ਨਾਲ ਇੱਕ ਹੋਰ ਟਵੀਟ ਕਰਦੇ ਹੋਏ ਕੇਜਰੀਵਾਲ ਨੇ ਲਿਖਿਆ ਕੁਲਦੀਪ ਕੁਮਾਰ ਇੱਕ ਗਰੀਬ ਘਰ ਦਾ ਮੁੰਡਾ ਹੈ । INDIA ਗਠਜੋੜ ਦੇ ਵੱਲੋਂ ਚੰਡੀਗੜ੍ਹ ਦਾ ਮੇਅਰ ਬਣਨ ਤੇ ਬਹੁਤ ਬਹੁਤ ਵਧਾਈ। ਇਹ ਸਿਰਫ ਲੋਕਤੰਤਰ ਅਤੇ ਸੁਪਰੀਮ ਕੋਰਟ ਦੀ ਵਜ੍ਹਾ ਕਰਕੇ ਸੰਭਵ ਹੋ ਸਕਿਆ ਹੈ । ਸਾਨੂੰ ਆਪਣੇ ਲੋਕਤੰਤਰ ਨੂੰ ਕਿਸੇ ਵੀ ਹਾਲਾਤ ਵਿੱਚ ਬਚਾਉਣਾ ਹੈ।
ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਖੁਸ਼ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਲਿਖਿਆ ਆਖਿਰ ਸਚਾਈ ਦੀ ਜਿੱਤ ਹੋਈ ਸੁਪਰੀਮ ਕੋਰਟ ਵੱਲੋਂ ਸੁਣਾਏ ਗਏ ਫੈਸਲਾ ਦਾ ਅਸੀਂ ਸੁਆਗਤ ਕਰਦੇ ਹਾਂ,ਪ੍ਰੀਜ਼ਾਇ਼ਿਡਿੰਗ ਅਫਸਰ ਵੱਲੋਂ ਖਾਰਜ ਕੀਤੇ ਗਏ 8 ਵੋਟ ਸਹੀ ਠਹਿਰਾਏ ਗਏ । CJI ਨੇ ਕੁਲਦੀਪ ਕੁਮਾਰ ਨੂੰ ਮੇਅਰ ਐਲਾਨਿਆ । ਬੀਜੇਪੀ ਵੱਲੋਂ ਸਰੇਆਮ ਗੁੰਡਾਗਰਦਾ ਦਾ ਉਨ੍ਹਾਂ ਨੂੰ ਮੂੰਹ ਤੋੜ ਜਵਾਬ ਮਿਲ ਗਿਆ । ਲੋਕਤੰਤਰ ਦੀ ਇਸ ਵੱਡੀ ਜਿੱਤ ਤੇ ਚੰਡੀਗੜ੍ਹ ਦੇ ਲੋਕਾਂ ਨੂੰ ਵਧਾਈ ।
ਆਖ਼ਿਰ ਸੱਚਾਈ ਦੀ ਹੋਈ ਜਿੱਤ…
ਸੁਪਰੀਮ ਕੋਰਟ ਵੱਲੋਂ ਚੰਡੀਗੜ੍ਹ ‘ਚ ਮੇਅਰ ਚੋਣਾਂ ਨੂੰ ਲੈ ਕੇ ਸੁਣਾਏ ਫ਼ੈਸਲੇ ਦਾ ਅਸੀਂ ਸਵਾਗਤ ਕਰਦੇ ਹਾਂ… CJI ਨੇ ਪ੍ਰੀਜ਼ਾਇਡਿੰਗ ਅਫ਼ਸਰ ਵੱਲੋਂ ਰੱਦ ਕੀਤੀਆਂ 8 ਵੋਟਾਂ ਨੂੰ ਸਹੀ ਠਹਿਰਾਉਂਦੇ ਹੋਏ ‘ਆਪ’ ਦੇ ਕੁਲਦੀਪ ਕੁਮਾਰ ਨੂੰ ਮੇਅਰ ਐਲਾਨਿਆ…ਬੀਜੇਪੀ ਵੱਲੋਂ ਸ਼ਰੇਆਮ ਕੀਤੀ ਗਈ ਧੱਕੇਸ਼ਾਹੀ ਦਾ ਉਨ੍ਹਾਂ…
— Bhagwant Mann (@BhagwantMann) February 20, 2024
ਉਧਰ ਕਾਂਗਰਸ ਦੇ ਕੌਮੀ ਪ੍ਰਧਾਨ ਮਲਿਕਾ ਅਰਜੁਨ ਖੜਗੇ ਦੇ ਫੈਸਲੇ ਤੇ ਕਿਹਾ ਸੁਪਰੀਮ ਕੋਰਟ ਨੇ BJP ਦੀ ਤਾਨਾਸ਼ਾਹੀ ਦੇ ਹੱਥੋ ਲੋਕਤੰਤਰ ਬਚਾਇਆ ਹੈ । ਜਿੰਨਾਂ ਨੇ ਲੋਕਤੰਤਰ ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ । ਚੰਡੀਗੜ੍ਹ ਦੀ ਮੇਅਰ ਚੋਣ ਵਿੱਚ ਮੋਦੀ ਅਤੇ ਅਮਿਤ ਸ਼ਾਹ ਨੇ ਲੋਕਤੰਤਰ ਨੂੰ ਖਤਮ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ । ਮੈਂ ਸਾਰੇ ਭਾਰਤੀਆਂ ਨੂੰ ਮਿਲ ਕੇ ਸੰਵਿਧਾਨ ਬਚਾਉਣ ਲਈ ਲੜਨ ਦਾ ਸੱਦਾ ਦਿੰਦਾ ਹਾਂ। ਇਹ ਨਾ ਭੁਲਿਆ ਜਾਵੇ ਕਿ ਸਾਡਾ ਲੋਕਤੰਤਰ 2024 ਦੀਆਂ ਲੋਕਸਭਾ ਚੋਣਾਂ ਤੋਂ ਗੁਜ਼ਰ ਰਿਹਾ ਹੈ ।
The Supreme Court has saved Democracy from the fangs of an autocratic BJP, which resorted to dirty election manipulation.
The institutional sabotage in the #ChandigarhMayorPolls is only a tip of the iceberg in Modi-Shah’s devious conspiracy to trample Democracy.
All Indians…
— Mallikarjun Kharge (@kharge) February 20, 2024
ਉਧਰ ਰਾਹੁਲ ਗਾਧੀ ਨੇ ਟਟੀਵ ਕਰਦੇ ਹੋਏ ਕਿਹਾ ਲੋਕਤੰਤਰ ਦੇ ਕਤਲ ਦੀ ਭਾਜਪਾਈ ਸਾਜਿਸ ਵਿੱਚ ਮਸੀਹ ਸਿਰਫ ਮੋਹਰਾ ਹੈ ਪਿਛੇ ਮੋਦੀ ਦਾ ਚਿਹਰਾ ਹੈ ।
लोकतंत्र की हत्या की भाजपाई साजिश में मसीह सिर्फ ‘मोहरा’ है, पीछे मोदी का ‘चेहरा’ है।
— Rahul Gandhi (@RahulGandhi) February 20, 2024
ਉਧਰ ਬੀਜੇਪੀ ਮੇਅਰ ਉਮੀਦਵਾਰ ਦੇ ਵਕੀਲ ਨੇ ਅਦਾਲਤ ਵਿੱਚ ਦਲੀਲ ਦਿੱਤੀ ਸੀ ਕਿ ਜੇਕਰ ਸੁਪਰੀਮ ਕੋਰਟ ਇਸ ਨਤੀਜੇ ਤੇ ਪਹੁੰਚਿਆ ਹੈ ਕਿ ਚੋਣ ਨੂੰ ਰੱਦ ਕਰ ਦਿੱਤਾ ਜਾਵੇ ਤਾਂ ਸੰਵਿਧਾਨ ਦੇ ਮੁਤਾਬਿਕ ਮੁੜ ਤੋਂ ਚੋਣਾਂ ਹੋਣੀਆਂ ਚਾਹੀਦੀਆਂ ਹਨ । ਇਹ ਸਾਰੇ ਲਈ ਠੀਕ ਹੋਵੇਗਾ । ਇਸ ਦੇ ਆਪ ਦੇ ਉਮੀਦਵਾਰ ਨੇ ਕਿਹਾ ਇਹ ਮੁੜ ਤੋਂ ਚੋਣਾਂ ਇਸ ਲਈ ਚਾਹੁੰਦੇ ਹਨ ਤਾਂਕੀ ਫਾਇਦਾ ਚੁੱਕ ਸਕਣ। ਨਵੀ ਚੋਣ ਦੌਰਾਨ ਮਿਲਣ ਵਾਲੇ ਸਮੇਂ ਨਾਲ ਇਹ ਹੋਰ ਲੋਕਾਂ ਨੂੰ ਤੋੜ ਸਕਣ।
ਰਿਟਰਨਿੰਗ ਅਫਸਰ ਅਨਿਲ ਮਸੀਹ ਨੂੰ ਕੱਲ ਅਦਾਲਤ ਨੇ ਪੁੱਛਿਆ ਸੀ ਤੁਸੀਂ ਇੱਥੇ ਉੱਥੇ ਕਿਉਂ ਵੇਖ ਰਹੇ ਸੀ । ਤਾਂ ਮਸੀਹ ਦੇ ਵਕੀਲ ਮੁਕੁਲ ਰੋਹਤਗੀ ਨੇ ਜਵਾਬ ਦਿੱਤਾ ਕਿ ਹੰਗਾਮਾ ਮੱਚ ਰਿਹਾ ਸੀ,ਮਸੀਹ ਇਹ ਹੀ ਚੈੱਕ ਕਰ ਰਹੇ ਸੀ ਕਿ ਕੈਮਰਾ ਕੰਮ ਕਰ ਰਿਹਾ ਹੈ ਜਾਂ ਨਹੀਂ। ਅਜਿਹਾ ਨਹੀਂ ਹੈ ਕਿ ਕੋਈ ਗੁਨਾਹਗਾਰ ਹੀ ਕੈਮਰੇ ਦੇ ਵੱਲ ਵੇਖ ਰਿਹਾ ਹੋਵੇ। ਉਨ੍ਹਾਂ ਨੂੰ ਹਸਤਾਖਰ ਕਰਨ ਦਾ ਅਧਿਕਾਰ ਹੈ । ਪਹਿਲੇ ਬੈਲਟ ਵਿੱਚ ਛੋਟੀ ਬਿੰਦੀ ਹੈ । ਕੁਝ ਬੈਲੇਡ ਉੱਤੋਂ ਜੁੜੇ ਅਤੇ ਮੁੜੇ ਸਨ । ਇਹ ਵੀ ਵੇਖ ਦੇ ਹੋਏ ਮਸੀਹ ਨੇ ਉਨ੍ਹਾਂ ਨੂੰ ਰੱਦ ਕਰਨ ਲਈ ਨਿਸ਼ਾਨ ਲਗਾਏ ਸਨ। ਪੰਜਾਬ ਸਰਕਾਰ ਦੇ ਵਕੀਲ ਨੇ ਕਿਹਾ ਕਿਸੇ ਇੱਕ ਦੀ ਗਲਤੀ ਦਾ ਖਾਮਿਆਜਾ ਦੂਜੇ ਨੂੰ ਨਹੀਂ ਭੁਗਤਨਾ ਚਾਹੀਦਾ ਹੈ । ਮਸੀਹ ਸ਼ੁਰੂ ਤੋਂ ਹੀ ਆਪਣੇ ਆਪ ਨੂੰ ਬਚਾ ਰਿਹਾ ਹੈ । ਸੁਪਰੀਮ ਕੋਰਟ ਦੇ ਸਾਹਮਣੇ ਵੀ ਇਹ ਹੀ ਕੀਤਾ ।
