ਬਿਉਰੋ ਰਿਪੋਰਟ : ਬਾਲੀਵੁੱਡ ਅਦਾਕਾਰ ਸੰਨੀ ਦਿਉਲ ਨੂੰ ਗ਼ਦਰ- 2 ਨੇ 18 ਸਾਲ ਬਾਅਦ ਸੁਪਰ ਹਿੱਟ ਫ਼ਿਲਮ ਦਿੱਤੀ । ਐਤਵਾਰ ਨੂੰ ਸੰਨੀ ਦਿਉਲ ਦੇ 56 ਕਰੋੜ ਦੇ ਬੰਗਲੇ ਦੀ ਨਿਲਾਮੀ ਦੇ ਨੋਟਿਸ ਨੇ ਉਨ੍ਹਾਂ ਦੀ ਮਜ਼ੇ ਨੂੰ ਧੁੰਦਲਾ ਕਰ ਦਿੱਤਾ ਸੀ ਪਰ ਹੁਣ ਖ਼ਬਰ ਆ ਰਹੀ ਹੈ ਬੈਂਕ ਆਫ਼ ਬੜੋਦਾ ਨੇ ਨੋਟਿਸ ਨੂੰ ਵਾਪਸ ਲੈ ਲਿਆ ਹੈ । ਬੈਂਕ ਆਫ਼ ਬੜੋਦਾ ਨੇ ਸੋਮਵਾਰ ਨੂੰ ਦੱਸਿਆ ਹੈ ਕਿ ਇਹ ਨੋਟਿਸ ਤਕਨੀਕੀ ਕਾਰਨਾਂ ਦੀ ਵਜ੍ਹਾ ਕਰਕੇ ਵਾਪਸ ਲਿਆ ਗਿਆ ਹੈ ਜਿਸ ‘ਤੇ ਕਾਂਗਰਸ ਦੇ ਸੀਨੀਅਰ ਆਗੂ ਜੈਰਾਮ ਰਮੇਸ਼ ਨੇ ਟਵੀਟ ਕਰਕੇ ਸਵਾਲ ਚੁੱਕੇ ਹਨ ।
ਜੈਰਾਮ ਰਮੇਸ਼ ਨੇ ਟਵੀਟ ਕਰਕੇ ਚੁੱਕੇ ਸਵਾਲ
ਸੋਮਵਾਰ ਸਵੇਰ ਕਾਂਗਰਸ ਆਗੂ ਜੈਰਾਮ ਰਮੇਸ਼ ਨੇ ਟਵੀਟ ਕਰਦੇ ਹੋਏ ਲਿਖਿਆ ‘ਕੱਲ੍ਹ ਦੁਪਹਿਰ ਨੂੰ ਦੇਸ਼ ਨੂੰ ਪਤਾ ਚੱਲਿਆ ਕਿ ਬੈਂਕ ਆਪ ਬੜੋਦਾ ਨੇ ਬੀਜੇਪੀ ਦੇ ਐੱਮ ਪੀ ਸੰਨੀ ਦਿਉਲ ਦਾ ਜੁਹੂ ਸਥਿਤ ਬੰਗਲਾ ਈ-ਨਿਲਾਮੀ ਦੇ ਲਈ ਰੱਖਿਆ ਹੈ ਕਿਉਂਕਿ ਉਨ੍ਹਾਂ ਨੇ ਬੈਂਕ ਦੇ 56 ਕਰੋੜ ਰੁਪਏ ਨਹੀਂ ਦਿੱਤੇ ਹਨ । ਅੱਜ ਸਵੇਰ 24 ਘੰਟੇ ਤੋਂ ਘੱਟ ਸਮੇਂ ਵਿੱਚ ਦੇਸ਼ ਨੂੰ ਪਤਾ ਲੱਗਿਆ ਹੈ ਕਿ ਬੈਂਕ ਆਫ਼ ਬੜੋਦਾ ਨੇ ਤਕਨੀਕੀ ਕਾਰਨਾਂ ਨਾਲ ਨਿਲਾਮੀ ਨੋਟਿਸ ਵਾਪਸ ਲੈ ਲਿਆ ਹੈ । ਹੈਰਾਨੀ ਦੀ ਗੱਲ ਇਹ ਹੈ ਕਿ ਤਕਨੀਕੀ ਕਾਰਨਾਂ ਨੂੰ ਕਿਸੇ ਨੇ ਟ੍ਰਿਗਰ ਕੀਤਾ ?’
Yesterday afternoon the nation got to know that Bank of Baroda had put up the Juhu residence of BJP MP Sunny Deol for e-auction since he has not paid up Rs 56 crore owed to the Bank.
This morning, in less than 24 hours, the nation has got to know that the Bank of Baroda has…
— Jairam Ramesh (@Jairam_Ramesh) August 21, 2023
ਐਤਵਾਰ ਨੂੰ ਪਬਲਿਸ਼ ਹੋਇਆ ਸੀ ਇਹ ਨੋਟਿਸ
ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਪਬਲਿਸ਼ ਹੋਏ ਨੋਟਿਸ ਦੇ ਮੁਤਾਬਿਕ ਸੰਨੀ ਦਿਉਲ ਨੇ 56 ਕਰੋੜ ਦਾ ਲੋਨ ਲਿਆ ਸੀ । ਇਸ ਨੂੰ ਵਾਪਸ ਨਹੀਂ ਦਿੱਤਾ ਗਿਆ । ਲੋਨ ਨਾ ਦੇ ਪਾਉਣ ਦੀ ਵਜ੍ਹਾ ਕਰਕੇ 25 ਸਤੰਬਰ ਨੂੰ ਬੰਗਲੇ ਦੀ ਨਿਲਾਮੀ ਦੀ ਤਰੀਕ ਰੱਖੀ ਗਈ ਹੈ। ਬੈਂਕ ਨੇ ਸੰਨੀ ਦੇ ਲੋਨ ਰਿਕਵਰੀ ਦੇ ਨੋਟਿਸ ਦਾ ਵਿਗਿਆਪਨ ਵੀ ਛਾਪਿਆ ਸੀ । ਇਸ ਵਿੱਚ ਸੰਨੀ ਦਿਉਲ ਦੇ ਗਰੰਟਰ ਉਨ੍ਹਾਂ ਦੇ ਪਿਤਾ ਧਰਮਿੰਦਰ ਸਨ ।
400 ਕਰੋੜ ਕਮਾਉਣ ਵੱਲ ਫ਼ਿਲਮ ਗ਼ਦਰ 2
ਸੰਨੀ ਦੀ ਫ਼ਿਲਮ ਗ਼ਦਰ 2 ਜ਼ਬਰਦਸਤ ਕਮਾਈ ਕਰ ਰਹੀ ਹੈ । ਐਤਵਾਰ ਨੂੰ ਫ਼ਿਲਮ ਨੇ 41 ਕਰੋੜ ਰੁਪਏ ਦਾ ਕਲੈਕਸ਼ਨ ਕੀਤਾ । ਇਸ ਦੇ ਨਾਲ 10 ਦਿਨਾਂ ਦੇ ਅੰਦਰ ਫ਼ਿਲਮ ਨੇ ਕੁੱਲ ਕਮਾਈ 377.20 ਕਰੋੜ ਰੁਪਏ ਹੋ ਗਈ ਹੈ । ਇਹ ਅੰਕੜੇ ਆਪਣੇ ਆਪ ਵਿੱਚ ਇਤਿਹਾਸ ਹਨ । ਤਕਰੀਬਨ 70 ਤੋਂ 80 ਕਰੋੜ ਵਿੱਚ ਬਣੀ ਫ਼ਿਲਮ ਹੁਣ 400 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋਣ ਦੀ ਤਿਆਰੀ ਵਿੱਚ ਹੈ ।
