ਚੰਡੀਗੜ੍ਹ : 1 ਨਵੰਬਰ ਨੂੰ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ SYL ਸਮੇਤ ਪੰਜਾਬ ਦੇ ਸਾਰੇ ਮੁੱਦਿਆਂ ‘ਤੇ ਵਿਰੋਧੀ ਪਾਰਟੀਆਂ ਨੂੰ ਡਿਬੇਟ ਦਾ ਸੱਦਾ ਦਿੱਤਾ ਹੋਇਆ ਹੈ। ਇਹ ਬਹਿਸ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਵਿਖੇ ਹੋਣੀ ਹੈ। ਪਹਿਲਾਂ ਇਹ ਬਹਿਸ ਚੰਡੀਗੜ੍ਹ ਦੇ ਟੈਗੋਰ ਥਿਏਟਰ ਵਿੱਚ ਹੋਣ ਦੀ ਸੰਭਾਵਨਾ ਸੀ ਪਰ ਪ੍ਰਸ਼ਾਸਨ ਨੇ ਇਸਦੀ ਇਜਾਜ਼ਤ ਨਹੀਂ ਦਿੱਤੀ।
ਮੁੱਖ ਮੰਤਰੀ ਮਾਨ ਦੇ ਇਸ ਸੱਦੇ ਨੂੰ ਪਹਿਲਾਂ ਤਾਂ ਵੱਖ ਵੱਖ ਸਿਆਸੀ ਲੀਡਰਾਂ ਨੇ ਸਵੀਕਾਰ ਕਰ ਲਿਆ ਪਰ ਬਾਅਦ ਵਿੱਚ ਹੌਲੀ ਹੌਲੀ ਬਹਿਸ ਵਿੱਚ ਹਿੱਸਾ ਲੈਣ ਤੋਂ ਇਨਕਾਰ ਕਰ ਗਏ। ਪੰਜਾਬ ਬੀਜੇਪੀ ਪ੍ਰਧਾਨ ਸੁਨੀਲ ਜਾਖੜ ਤੋਂ ਬਾਅਦ ਕੱਲ੍ਹ ਅਕਾਲੀ ਦਲ ਨੇ ਵੀ ਇਸ ਬਹਿਸ ਦਾ ਬਾਈਕਾਟ ਕਰ ਦਿੱਤਾ।
Given the profound significance of issues at hand, and to ensure that the self-seeking AAP Leadership does not turn prestigious PAU into a theatre of absurd, I propose a 3-member panel including
1.Former MP Dr. Dharamvira Gandhi ji,
2.Former MLA Harvinder Singh Phoolka ji…
— Sunil Jakhar (@sunilkjakhar) October 14, 2023
ਉੱਧਰ ਅੱਜ ਸੁਨੀਲ ਜਾਖੜ ਭਾਵੇਂ ਆਪ ਇਸ ਬਹਿਸ ਵਿੱਚ ਸ਼ਾਮਿਲ ਨਹੀਂ ਹੋ ਰਹੇ ਪਰ ਉਨ੍ਹਾਂ ਨੇ ਸਰਕਾਰ ਅੱਗੇ ਇੱਕ ਸ਼ਰਤ ਰੱਖੀ ਹੈ। ਜਾਖੜ ਨੇ ਟਵੀਟ ਕੀਤਾ ਕਿ ਪੰਜਾਬ ਦੀਆਂ ਉਹ ਤਿੰਨ ਸ਼ਖਸੀਅਤਾਂ ਜੋ ਪੰਜਾਬ ਦੇ ਹਾਲਾਤਾਂ ‘ਤੇ ਬਹੁਤ ਗੰਭੀਰ ਹਨ, ਉਨ੍ਹਾਂ ਨੂੰ ਇਸ ਡਿਬੇਟ ਦਾ ਹਿੱਸਾ ਬਣਾਇਆ ਜਾਵੇ। ਜਾਖੜ ਨੇ ਕਿਹਾ ਕਿ ਇਹ ਯਕੀਨੀ ਬਣਾਇਆ ਜਾਵੇ ਕਿ ਪੰਜਾਬ ਵਿੱਚ ਜੋ ਮੌਜੂਦਾ ਮੁੱਦੇ ਹਨ, ਉਨ੍ਹਾਂ ਉੱਤੇ ਸਾਰਥਕ ਮੰਥਨ ਕੀਤਾ ਜਾਵੇ ਅਤੇ ਆਪ ਪਾਰਟੀ ਪੀਏਯੂ ਦੀ ਸਟੇਜ ਨੂੰ ਥਿਏਟਰ ਵਿੱਚ ਨਾ ਬਦਲ ਦੇਵੇ, ਇਸੇ ਲਈ ਉਨ੍ਹਾਂ ਨੇ ਤਿੰਨ ਨਾਵਾਂ ਦੇ ਪੈਨਲ ਦੀ ਮੰਗ ਕੀਤੀ ਹੈ ਜੋ ਇਸ ਬਹਿਸ ਦੌਰਾਨ ਮੌਜੂਦ ਰਹਿਣ। ਇਨ੍ਹਾਂ ਵਿੱਚ
ਸਾਬਕਾ ਐੱਮਪੀ ਡਾ.ਧਰਮਵੀਰ ਗਾਂਧੀ
ਸਾਬਕਾ ਐੱਮਐੱਲਏ ਹਰਵਿੰਦਰ ਸਿੰਘ ਫੂਲਕਾ
ਸਾਬਕਾ ਐੱਮਐੱਲਏ ਕੰਵਰ ਸੰਧੂ
ਦੇ ਨਾਮ ਸ਼ਾਮਿਲ ਹਨ। ਜਾਖੜ ਨੇ ਕਿਹਾ ਕਿ ਇਹ ਤਿੰਨੇ ਸ਼ਖਸੀਅਤਾਂ ਆਪਣੇ ਚਿੰਤਨ ਲਈ ਜਾਣੀਆਂ ਜਾਂਦੀਆਂ ਹਨ ਅਤੇ ਇਹ ਇਮਾਨਦਾਰ ਸ਼ਖਸੀਅਤਾਂ ਹਨ।
