“ਇਨਕਲਾਬੀਆਂ ਦੀ ਸਰਕਾਰ ਦੇ ਇੱਕ ਮੰਤਰੀ ਨੇ ਆਪਣੇ ਭਰਾ ਦੇ ਸਹੁਰੇ ਤੇ ਮਾਸੀ ਦੀ ਕੁੜੀ ਨੂੰ ਦਿੱਤੀ ਨੌਕਰੀ”

‘ਦ ਖ਼ਾਲਸ ਬਿਊਰੋ : ਭੁਲੱਥ ਤੋਂ ਕਾਂਗਰਸੀ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਉੱਤੇ ਮੁੜ ਧਾਵਾ ਬੋਲਦਿਆਂ ਗੰਭੀਰ ਦੋਸ਼ ਲਾਏ ਹਨ। ਉਨ੍ਹਾਂ ਨੇ ਆਪਣੇ ਟਵਿੱਟਰ ਹੈਂਡਲ ਤੋਂ ਇੱਕ ਅਖਬਾਰ ਦੀ ਖ਼ਬਰ ਸਾਂਝੀ ਕਰਦਿਆਂ ਕਥਿਤ ਤੌਰ ਉੱਤੇ ਦਾਅਵਾ ਕੀਤਾ ਹੈ ਕਿ ਮਾਨ ਸਰਕਾਰ ਦੇ ਇਕ ਮੰਤਰੀ ਨੇ ਆਪਣੇ ਰਿਸ਼ਤੇਦਾਰਾਂ ਨੂੰ ਨੌਕਰੀ ਦੇ ਦਿੱਤੀ ਹੈ।

ਖਹਿਰਾ ਨੇ ਟਵੀਟ ਕਰਕੇ ਲਿਖਿਆ ਹੈ, ”ਪੰਜਾਬ ਦੇ ਨੌਜਵਾਨਾਂ ਨੂੰ ਪਤਾ ਨਹੀਂ ਨੌਕਰੀ ਮਿਲਣੀ ਹੈ ਜਾਂ ਨਹੀਂ ਮਿਲਣੀ ਪਰ ਭਗਵੰਤ ਮਾਨ ਦੇ ਇਕ ਮੰਤਰੀ ਸਾਬ੍ਹ ਨੇ ਆਪਣੇ ਭਰਾ ਦੇ ਸਹੁਰੇ ਨੂੰ ਅਤੇ ਆਪਣੀ ਮਾਸੀ ਦੀ ਬੇਟੀ ਨੂੰ ਨੌਕਰੀ ਜ਼ਰੂਰ ਦੇ ਦਿੱਤੀ ਹੈ! ਹੁਣ ਵੇਖਣਾ ਇਹ ਹੋਵੇਗਾ ਕਿ ਕੀ ਇਹਨਾਂ ਇਨਕਲਾਬੀਆਂ ਦੇ ਬਦਲਾਓ ਦਾ ਮਤਲਬ ਖੁਦ ਨੂੰ ਲਾਹਾ ਦੇਣਾ ਸੀ ਜਾਂ ਪੰਜਾਬ ਨੂੰ? ”