ਬਿਊਰੋ ਰਿਪੋਰਟ : ਕਾਂਗਰਸ ਦੇ ਸੀਨੀਅਰ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਨੇ ਪੰਜਾਬ ਦੇ ਰਾਜਪਾਲ ਨੂੰ ਆਪ ਰਾਜਸਭਾ ਐੱਮਪੀ ਰਾਘਵ ਚੱਢਾ ਦੀ ਸ਼ਿਕਾਇਤ ਕੀਤੀ ਹੈ । ਉਨ੍ਹਾਂ ਨੇ ਇਲਜ਼ਾਮ ਲਗਾਇਆ ਕਿ ਰਾਘਵ ਚੱਢਾ ਦੇ ਸੈਕਟਰ 50 ਦੇ ਹਾਊਸ ਨੰਬਰ 2 ਵਾਲੇ ਸਰਕਾਰੀ ਘਰ ਨੂੰ ਜਾਣ ਦੇ ਲਈ ਲੇਕ ਰੋਡ ਤੋਂ ਗੈਰ ਕਾਨੂੰਨੀ ਤਰੀਕੇ ਨਾਲ ਰਸਤੇ ਦੀ ਉਸਾਰੀ ਕੀਤੀ ਜਾ ਰਹੀ ਹੈ। ਖਹਿਰਾ ਨੇ ਤਸਵੀਰਾਂ ਜਾਰੀ ਕਰਦੇ ਹੋਏ ਇਲਜ਼ਾਮ ਲਗਾਇਆ ਹੈ ਇਹ ਚੰਡੀਗੜ੍ਹ ਦੇ ਮਾਸਟਰ ਪਲਾਨ ਦਾ ਉਲੰਘਣਾ ਹੈ । ਉਨ੍ਹਾਂ ਨੇ ਕਿਹਾ ਜਾਣ ਬੁੱਝ ਕੇ ਵੀਐਂਡ ਸ਼ਨਿੱਚਰਵਾਰ ਨੂੰ ਰਾਹ ਦੀ ਉਸਾਰੀ ਦੇ ਲਈ ਚੁਣਿਆ ਗਿਆ ਹੈ ਤਾਂਕੀ ਕੋਈ ਕਾਨੂੰਨੀ ਅਰਚਨ ਨਾ ਆਵੇ। ਕਾਂਗਰਸ ਦੇ ਵਿਧਾਇਕ ਸੁਖਪਾਲ ਖਹਿਰਾ ਨੇ ਦਾਅਵਾ ਕੀਤਾ ਹੈ ਕਿ ਇਲਾਕੇ ਦੇ ਲੋਕ ਵੀ ਇਸ ਗੈਰ ਕਾਨੂੰਨੀ ਉਸਾਰੀ ਤੋਂ ਪਰੇਸ਼ਾਨ ਹਨ ਅਤੇ ਉਨ੍ਹਾਂ ਨੇ ਇਹ ਮਾਮਲਾ ਚੁੱਕਣ ਦੀ ਅਪੀਲ ਕੀਤੀ ਸੀ ।
ਸੀਨੀਅਰ ਕਾਂਗਰਸੀ ਵਿਧਾਇਕ ਖਹਿਰਾ ਨੇ ਰਾਜਪਾਲ ਨੂੰ ਅਪੀਲ ਕੀਤੀ ਹੈ ਕਿ ਉਹ ਫੌਰਨ ਇਸ ਦਾ ਨੋਟਿਸ ਲੈਣ ਅਤੇ ਚੰਡੀਗੜ੍ਹ ਦੇ ਡਿਪਟੀ ਕਮਿਸ਼ਨਰ ਨੂੰ ਨਿਰਦੇਸ਼ ਦੇਕੇ ਇਸ ਸੜਕ ਦੀ ਉਸਾਰੀ ਰੁਕਵਾਉਣ ਜਿਸ ਨਾਲ ਚੰਡੀਗੜ੍ਹ ਦੇ ਮਾਸਟਰ ਪਲਾਨ ਦੇ ਨਾਲ ਲੋਕਾਂ ਨੂੰ ਪਰੇਸ਼ਾਨੀ ਹੋ ਰਹੀ ਹੈ । ਚਿੱਠੀ ਤੋਂ ਬਾਅਦ ਸੁਖਬਾਲ ਖਹਿਰਾ ਨੇ ਟਵੀਟ ਵੀ ਕੀਤਾ ਹੈ ।
I urge Guv Pb & Dc Chandigarh to immediately stop illegal passage being created to official residence of @raghav_chadha in sector-2 trashing d green belt as per master plan! This will destroy d originality of city beautiful just to please d ego of so called Aam Aadmi! @INCIndia pic.twitter.com/Rbu1fzMQqj
— Sukhpal Singh Khaira (@SukhpalKhaira) December 17, 2022
ਸੁਖਪਾਲ ਖਹਿਰਾ ਨੇ ਟਵੀਟ ਵਿੱਚ ਲਿਖਿਆ ਹੈ ਕਿ ‘ਮੈਂ ਪੰਜਾਬ ਦੇ ਰਾਜਪਾਲ,ਚੰਡੀਗੜ੍ਹ ਦੇ ਡੀਸੀ ਨੂੰ ਅਪੀਲ ਕਰਦਾ ਹਾਂ ਕਿ ਗੈਰ ਕਾਨੂੰਨੀ ਤਰੀਕੇ ਨਾਲ ਰਾਘਵ ਚੱਢਾ ਦੇ ਸਰਕਾਰੀ ਮਕਾਨ ਨੂੰ ਜੋੜਨ ਦੇ ਲਈ ਜਿਹੜਾ ਰਸਤਾ ਬਣਾਇਆ ਜਾ ਰਿਹਾ ਹੈ ਉਸ ਨਾਲ ਸ਼ਹਿਰ ਦੀ ਗ੍ਰੀਨ ਬੈਲਟ ਨੂੰ ਨੁਕਸਾਨ ਹੋ ਰਿਹਾ ਹੈ ਜੋ ਕਿ ਮਾਸਟਰ ਪਲਾਨ ਦੀ ਉਲੰਘਣਾ ਹੈ। ਇਹ ਸ਼ਹਿਰ ਦੇ ਪੁਰਾਣੇ ਢਾਂਚੇ ਨੂੰ ਨੁਕਸਾਨ ਪਹੁੰਚਾਏਗਾ ਸਿਰਫ਼ ਝੂਠੇ ਆਮ ਆਦਮੀ ਦੇ ਘਮੰਡ ਨੂੰ ਸੰਤੁਸ਼ਟ ਕਰਨ ਲਈ’
