ਬਿਉਰੋ ਰਿਪੋਰਟ: ਅਰਬ ਸਾਗਰ ਵਿੱਚ 48 ਸਾਲ ਬਾਅਦ ਅਗਸਤ ’ਚ ਚੱਕਰਵਾਤੀ ਤੂਫ਼ਾਨ ਆਉਣ ਦੀ ਸੰਭਾਵਨਾ ਹੈ। ਮੌਸਮ ਵਿਭਾਗ ਨੇ ਸ਼ੁੱਕਰਵਾਰ ਸਵੇਰੇ ਦੱਸਿਆ ਕਿ ਇਹ ਤੂਫਾਨ 12 ਘੰਟਿਆਂ ’ਚ ਗੁਜਰਾਤ ਦੇ ਨੇੜੇ ਦੇਖਿਆ ਜਾ ਸਕਦਾ ਹੈ।
ਤੂਫ਼ਾਨ ਦਾ ਸਭ ਤੋਂ ਵੱਧ ਅਸਰ ਗੁਜਰਾਤ ਦੇ ਕੱਛ ’ਚ ਦੇਖਣ ਨੂੰ ਮਿਲੇਗਾ। ਇੱਥੇ 65 ਤੋਂ 75 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲਣਗੀਆਂ। ਤੂਫ਼ਾਨ ਕਾਰਨ ਰਾਜਕੋਟ, ਜਾਮਨਗਰ, ਪੋਰਬੰਦਰ, ਜੂਨਾਗੜ੍ਹ, ਦਵਾਰਕਾ ’ਚ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ।
DD over Kachchh and adjoining areas of Saurashtra, NE Arabian Sea & Pak moved westwards over Kachchh coast and adjoining areas of Pak & NE Arabian Sea near lat 23.5°N & long 68.2°E, 160 km west of Bhuj (Gujarat), 70 km WNW of Naliya (Gujarat) and 190 km ESE of Karachi (Pakistan)
— India Meteorological Department (@Indiametdept) August 30, 2024
ਕੱਛ ਅਤੇ ਰਾਜਕੋਟ ਵਿੱਚ ਸਕੂਲ ਬੰਦ ਕਰ ਦਿੱਤੇ ਗਏ ਹਨ। ਕੱਛ ਵਿੱਚ ਕੱਚੇ ਘਰਾਂ ਵਿੱਚ ਰਹਿਣ ਵਾਲੇ ਲੋਕਾਂ ਨੂੰ ਆਪਣੇ ਘਰ ਖ਼ਾਲੀ ਕਰਨ ਦੇ ਹੁਕਮ ਦਿੱਤੇ ਗਏ ਹਨ। ਕਲੈਕਟਰ ਨੇ ਕਿਹਾ ਹੈ ਕਿ ਲੋੜ ਪੈਣ ’ਤੇ ਹੀ ਘਰੋਂ ਬਾਹਰ ਨਿਕਲਣਾ ਚਾਹੀਦਾ ਹੈ।
— India Meteorological Department (@Indiametdept) August 30, 2024
ਗੁਜਰਾਤ ਵਿੱਚ ਪਿਛਲੇ ਇੱਕ ਹਫ਼ਤੇ ਤੋਂ ਲਗਾਤਾਰ ਹੋ ਰਹੀ ਬਾਰਸ਼ ਕਾਰਨ ਹੜ੍ਹ ਦੀ ਸਥਿਤੀ ਬਣੀ ਹੋਈ ਹੈ। ਇੱਥੇ 4 ਦਿਨਾਂ ਵਿੱਚ 32 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ। NDRF-SDRF ਤੋਂ ਬਾਅਦ ਫੌਜ ਨੂੰ ਵੀ ਤਾਇਨਾਤ ਕੀਤਾ ਗਿਆ ਹੈ।
ਅਗਸਤ ਵਿੱਚ 80 ਸਾਲਾਂ ਵਿੱਚ ਸਿਰਫ 3 ਵਾਰ ਆਇਆ ਤੂਫ਼ਾਨ
ਮੌਸਮ ਵਿਭਾਗ ਨੇ ਕਿਹਾ ਹੈ ਕਿ ਬਹੁਤ ਘੱਟ ਮਾਮਲਿਆਂ ਵਿੱਚ, ਅਗਸਤ ਵਿੱਚ ਅਰਬ ਸਾਗਰ ਵਿੱਚ ਚੱਕਰਵਾਤੀ ਤੂਫ਼ਾਨ ਦੇਖਿਆ ਜਾਂਦਾ ਹੈ। ਅਗਸਤ ਵਿੱਚ ਅਰਬ ਸਾਗਰ ਤੋਂ ਹੁਣ ਤੱਕ ਸਿਰਫ਼ ਤਿੰਨ ਤੂਫ਼ਾਨ ਹੀ ਨਿਕਲੇ ਹਨ। ਪਹਿਲਾ 1944 ਵਿੱਚ, ਦੂਜਾ 1964 ਵਿੱਚ ਅਤੇ ਤੀਜਾ 1976 ਵਿੱਚ ਆਇਆ ਸੀ। ਇਹ ਤਿੰਨੇ ਤੂਫ਼ਾਨ ਤਟ ’ਤੇ ਪਹੁੰਚਦਿਆਂ ਹੀ ਕਮਜ਼ੋਰ ਹੋ ਗਏ ਸਨ। ਹਾਲਾਂਕਿ 132 ਸਾਲਾਂ ’ਚ ਅਗਸਤ ਮਹੀਨੇ ’ਚ ਬੰਗਾਲ ਦੀ ਖਾੜੀ ’ਚ 28 ਤੂਫਾਨ ਆ ਚੁੱਕੇ ਹਨ।