ਬਿਊਰੋ ਰਿਪੋਰਟ (11 ਅਕਤੂਬਰ, 2025): ਇਸ ਹਫ਼ਤੇ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਤੀਬਰ ਵਾਧਾ ਦਰਜ ਕੀਤਾ ਗਿਆ ਹੈ। ਇੰਡੀਆਨ ਬੁਲਿਅਨ ਜੁਐਲਰਜ਼ ਐਸੋਸੀਏਸ਼ਨ (IBJA) ਦੇ ਅਨੁਸਾਰ 10 ਗ੍ਰਾਮ 24 ਕੈਰਟ ਸੋਨੇ ਦੀ ਕੀਮਤ ਹਫ਼ਤੇ ਦੌਰਾਨ ₹4,571 (ਲਗਭਗ 4%) ਵਧੀ ਹੈ। 3 ਅਕਤੂਬਰ ਨੂੰ ਸੋਨਾ ₹1,16,954 ਪ੍ਰਤੀ 10 ਗ੍ਰਾਮ ਸੀ, ਜੋ 10 ਅਕਤੂਬਰ ਤੱਕ ਵਧ ਕੇ ₹1,21,525 ਤੱਕ ਪਹੁੰਚ ਗਿਆ।
ਦੂਜੇ ਪਾਸੇ, ਚਾਂਦੀ ਵਿੱਚ ਇਸ ਹਫ਼ਤੇ ਹੋਰ ਵੱਡੀ ਚੜ੍ਹਤ ਦਰਜ ਕੀਤੀ ਗਈ। 3 ਅਕਤੂਬਰ ਨੂੰ ਚਾਂਦੀ ਦੀ ਕੀਮਤ ₹1,45,610 ਪ੍ਰਤੀ ਕਿਲੋਗ੍ਰਾਮ ਸੀ, ਜੋ ਇੱਕ ਹਫ਼ਤੇ ਵਿੱਚ ₹18,890 (ਲਗਭਗ 12.9%) ਵਧ ਕੇ ₹1,64,500 ਪ੍ਰਤੀ ਕਿਲੋਗ੍ਰਾਮ ਹੋ ਗਈ।
ਇਸ ਸਾਲ ਕਿੰਨਾ ਮਹਿੰਗਾ ਹੋਇਆ ਸੋਨਾ ਤੇ ਚਾਂਦੀ
2025 ਦੀ ਸ਼ੁਰੂਆਤ ਤੋਂ ਅਜੇ ਤੱਕ ਸੋਨਾ ₹45,363 ਪ੍ਰਤੀ 10 ਗ੍ਰਾਮ ਮਹਿੰਗਾ ਹੋ ਚੁੱਕਾ ਹੈ। 31 ਦਸੰਬਰ 2024 ਨੂੰ ਸੋਨੇ ਦੀ ਕੀਮਤ ₹76,162 ਸੀ, ਜਦਕਿ ਹੁਣ ਇਹ ₹1,21,525 ਤੱਕ ਪਹੁੰਚ ਗਈ ਹੈ।
ਚਾਂਦੀ ਦੀ ਕੀਮਤ ਵਿੱਚ ਵੀ ਇਸ ਸਾਲ ਭਰ ਦੌਰਾਨ ₹78,483 ਦਾ ਵਾਧਾ ਹੋਇਆ ਹੈ। 31 ਦਸੰਬਰ 2024 ਨੂੰ ਇੱਕ ਕਿਲੋ ਚਾਂਦੀ ₹86,017 ਦੀ ਸੀ, ਜਦਕਿ ਹੁਣ ਇਹ ₹1,64,500 ਪ੍ਰਤੀ ਕਿਲੋਗ੍ਰਾਮ ਹੋ ਚੁੱਕੀ ਹੈ।
ਬਾਜ਼ਾਰ ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਗਲੋਬਲ ਅਣਿਸ਼ਚਿਤਾਵਾਂ, ਡਾਲਰ ਦੀ ਕਮਜ਼ੋਰੀ ਅਤੇ ਨਿਵੇਸ਼ਕਾਂ ਵੱਲੋਂ ਸੁਰੱਖਿਅਤ ਐਸੇਟਸ ਵੱਲ ਰੁਝਾਨ ਕਾਰਨ ਕੀਮਤਾਂ ਵਿੱਚ ਇਹ ਵਾਧਾ ਦਰਜ ਹੋਇਆ ਹੈ।
