ਰਿਕਾਰਡ 75,000 ਰੁਪਏ ਪ੍ਰਤੀ ਤੋਲਾ ਕੀਮਤ ’ਤੇ ਪਹੁੰਚਣ ਤੋਂ ਬਾਅਦ ਹੁਣ ਸੋਨੇ ਦੀ ਕੀਮਤ ਹਰ ਦਿਨ ਡਿੱਗ ਰਹੀ ਹੈ। ਪਿਛਲੇ ਚਾਰ ਦਿਨਾਂ ਤੋਂ ਸੋਨਾ ਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਦੇਖੀ ਗਈ ਹੈ। ਸੋਨਾ 74,367 ਰੁਪਏ ਤੋਂ ਡਿੱਗ ਕੇ 71,500 ਰੁਪਏ ’ਤੇ ਆ ਗਿਆ ਹੈ। ਸੋਨੇ ਦੀ ਕੀਮਤ ’ਚ ਇਹ ਗਿਰਾਵਟ ਮਲਟੀ ਕਮੋਡਿਟੀ ਐਕਸਚੇਂਜ (MCX) ’ਤੇ ਦੇਖਣ ਨੂੰ ਮਿਲੀ ਹੈ।
ਚਾਂਦੀ ਨੇ 20 ਮਈ, 2024 ਨੂੰ ਆਪਣਾ ਆਲ ਟਾਈਮ ਉੱਚ ਪੱਧਰ ਬਣਾਇਆ ਸੀ। ਇਸ ਦਿਨ ਚਾਂਦੀ ਦੀ ਕੀਮਤ 95,267 ਰੁਪਏ ਪ੍ਰਤੀ ਕਿਲੋਗ੍ਰਾਮ ’ਤੇ ਪਹੁੰਚ ਗਈ ਸੀ, ਪਰ ਉਦੋਂ ਤੋਂ ਇਸ ਦੀ ਕੀਮਤ ਹਰ ਰੋਜ਼ ਘਟਦੀ ਜਾ ਰਹੀ ਹੈ। ਹਾਲਾਂਕਿ ਅੱਜ ਇਸ ਦੀ ਕੀਮਤ ਵਿੱਚ 600 ਰੁਪਏ ਪ੍ਰਤੀ ਕਿੱਲੋ ਦਾ ਵਾਧਾ ਹੋਇਆ ਹੈ। ਪਰ ਪਿਛਲੇ ਚਾਰ ਦਿਨਾਂ ਵਿੱਚ ਚਾਂਦੀ 4,222 ਰੁਪਏ ਸਸਤੀ ਹੋਈ ਹੈ।
MCX ‘ਤੇ 5 ਜੂਨ ਦੇ ਫਿਊਚਰਜ਼ ਲਈ ਸੋਨਾ 71,526 ਰੁਪਏ ਪ੍ਰਤੀ 10 ਗ੍ਰਾਮ ‘ਤੇ ਕਾਰੋਬਾਰ ਕਰ ਰਿਹਾ ਹੈ। ਇਸ ਦੀ ਕੀਮਤ ‘ਚ 51 ਰੁਪਏ ਪ੍ਰਤੀ 10 ਗ੍ਰਾਮ ਦੀ ਕਮੀ ਆਈ ਹੈ। ਜਦਕਿ 20 ਮਈ ਨੂੰ ਸੋਨੇ ਦੀ ਕੀਮਤ 74,367 ਰੁਪਏ ਪ੍ਰਤੀ 10 ਗ੍ਰਾਮ ਸੀ, ਜੋ ਘੱਟ ਕੇ 71,526 ਰੁਪਏ ‘ਤੇ ਆ ਗਈ ਹੈ। ਅਜਿਹੇ ‘ਚ ਚਾਰ ਦਿਨਾਂ ‘ਚ ਸੋਨਾ 2,841 ਰੁਪਏ ਪ੍ਰਤੀ 10 ਗ੍ਰਾਮ ਸਸਤਾ ਹੋ ਗਿਆ ਹੈ।
ਬੀਤੇ ਕੱਲ੍ਹ ਵੀਰਵਾਰ ਨੂੰ ਸੋਨੇ-ਚਾਂਦੀ ਦੀਆਂ ਕੀਮਤਾਂ ‘ਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ। 22 ਮਈ ਨੂੰ ਸੋਨੇ ਦੀ ਕੀਮਤ 73,046 ਰੁਪਏ ਪ੍ਰਤੀ 10 ਗ੍ਰਾਮ ਸੀ, ਜੋ 23 ਮਈ ਯਾਨੀ ਕੱਲ੍ਹ 71,577 ਰੁਪਏ ਪ੍ਰਤੀ 10 ਗ੍ਰਾਮ ‘ਤੇ ਆ ਗਈ। ਅਜਿਹੇ ਵਿੱਚ ਕੱਲ੍ਹ ਸੋਨੇ ਦੀ ਕੀਮਤ ਵਿੱਚ 1469 ਰੁਪਏ ਦੀ ਗਿਰਾਵਟ ਦਰਜ ਕੀਤੀ ਗਈ ਸੀ।
ਦੂਜੇ ਪਾਸੇ ਜੇਕਰ ਚਾਂਦੀ ਦੀ ਗੱਲ ਕਰੀਏ ਤਾਂ 22 ਮਈ ਨੂੰ ਚਾਂਦੀ 93,013 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ ਅਤੇ 23 ਮਈ ਨੂੰ 90,437 ਰੁਪਏ ਪ੍ਰਤੀ ਕਿਲੋਗ੍ਰਾਮ ‘ਤੇ ਆ ਗਈ। ਅਜਿਹੇ ‘ਚ ਕੱਲ ਚਾਂਦੀ ਦੀ ਕੀਮਤ ‘ਚ 2576 ਰੁਪਏ ਦੀ ਗਿਰਾਵਟ ਦਰਜ ਕੀਤੀ ਗਈ ਸੀ।
ਅੱਜ, 24 ਮਈ, 2024 ਨੂੰ ਭਾਰਤੀ ਸਰਾਫਾ ਬਾਜ਼ਾਰ ਵਿੱਚ ਸੋਨਾ ਅਤੇ ਚਾਂਦੀ ਹੋਰ ਸਸਤੇ ਹੋ ਗਏ ਹਨ। ਸੋਨੇ ਦੀ ਕੀਮਤ 71 ਹਜ਼ਾਰ ਰੁਪਏ ਪ੍ਰਤੀ 10 ਗ੍ਰਾਮ ਹੈ, ਜਦਕਿ ਚਾਂਦੀ ਦੀ ਕੀਮਤ 89 ਹਜ਼ਾਰ ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ। ਰਾਸ਼ਟਰੀ ਪੱਧਰ ‘ਤੇ 999 ਸ਼ੁੱਧਤਾ ਵਾਲੇ 24 ਕੈਰੇਟ ਸੋਨੇ ਦੇ 10 ਗ੍ਰਾਮ ਦੀ ਕੀਮਤ 71,952 ਰੁਪਏ ਹੈ। ਜਦੋਂ ਕਿ 999 ਸ਼ੁੱਧ ਚਾਂਦੀ ਦੀ ਕੀਮਤ 89,697 ਰੁਪਏ ਹੈ।
