ਬਿਊਰੋ ਰਿਪੋਰਟ : ਸਿੱਕਮ ਦੇ ਜੇਮਾ ਵਿੱਚ ਸ਼ੁੱਕਰਵਾਰ ਨੂੰ ਫੌਜ ਦਾ ਟਰੱਕ ਖਾਈ ਵਿੱਚ ਡਿੱਗ ਗਿਆ ਜਿਸ ਨਾਲ 16 ਜਵਾਨਾਂ ਦੀ ਮੌਤ ਹੋਈ ਹੈ ਜਦਿਕ 4 ਜ਼ਖਮੀ ਹੋਏ ਹਨ । ਫੌਜ ਵੱਲੋਂ ਜਾਰੀ ਬਿਆਨ ਵਿੱਚ ਦੱਸਿਆ ਗਿਆ ਹੈ ਕਿ ਦੁਰਘਟਨਾ ਉਸ ਵੇਲੇ ਹੋਈ ਜਦੋਂ ਫੌਜ ਦਾ ਟਰੱਕ ਇੱਕ ਤਿੱਖੇ ਮੋੜ ‘ਤੇ ਫਿਸਲ ਗਿਆ ਅਤੇ ਸਿੱਧਾ ਖਾਈ ਵਿੱਚ ਜਾਕੇ ਡਿੱਗਿਆ । ਟਰੱਕ ਦੇ ਨਾਲ ਫੌਜ ਦੀਆਂ 2 ਹੋਰ ਗੱਡੀਆਂ ਵੀ ਸਨ। ਤਿੰਨੋ ਗੱਡੀਆਂ ਸਵੇਰ ਵੇਲੇ ਚਟਨ ਤੋਂ ਨਿਕਲੀਆਂ ਸਨ ਅਤੇ ਜੋ ਥੰਗੂ ਵੱਲ ਜਾ ਰਹੀਆਂ ਸਨ । ਘਟਨਾ ਦੇ ਬਾਅਦ ਫੌਜ ਨੇ ਐਮਰਜੈਂਸੀ ਰਾਹਤ ਲਈ 4 ਜ਼ਖ਼ਮੀ ਜਵਾਨਾ ਨੂੰ ਲੈਣ ਦੇ ਲਈ ਹੈਲੀਕਾਪਟਰ ਭੇਜਿਆ ਹੈ। ਲਾਸ਼ਾਂ ਨੂੰ ਹੈਲੀਕਾਪਟਰ ਦੇ ਜ਼ਰੀਏ ਕੱਢਿਆ ਜਾ ਰਿਹਾ ਹੈ ।
ਘਟਨਾ ਨੂੰ ਲੈਕੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਦੁੱਖ ਜਤਾਇਆ ਹੈ ਅਤੇ ਜ਼ਖ਼ਮੀਆਂ ਦੇ ਜਲਦ ਠੀਕ ਹੋਣ ਦੀ ਉਮੀਦ ਜਤਾਈ ਹੈ । ਪੀਐੱਮ ਵੱਲੋਂ ਦੁਰਘਟਨਾ ਵਿੱਚ ਜਾਨ ਗਵਾਉਣ ਵਾਲੇ ਜਵਾਨਾਂ ਨੂੰ ਪ੍ਰਧਾਨ ਮੰਤਰੀ ਰਾਹ ਕੋਸ਼ ਤੋਂ 2-2 ਲੱਖ ਅਤੇ ਜ਼ਖਮੀਆਂ ਨੂੰ 50-50 ਹਜ਼ਾਰ ਰਾਹਤ ਵਜੋ ਦੇਣ ਦਾ ਐਲਾਨ ਕੀਤਾ ਹੈ । ਉਧਰ ਰੱਖਿਆ ਮੰਤਰੀ ਨੇ ਵੀ ਇਸ ਪੂਰੀ ਘਟਨਾ ‘ਤੇ ਦੁੱਖ ਜ਼ਾਹਿਰ ਕੀਤਾ ਹੈ । ਇਸ ਤੋਂ ਪਹਿਲਾਂ ਵੀ ਇੱਥੇ ਹਾਦਸੇ ਹੋ ਚੁੱਕੇ ਹਨ ।
22 ਨਵੰਬਰ ਨੂੰ ਸਿੱਕਮ ਵਿੱਚ ਟ੍ਰੇਨਿੰਗ ਐਕਸਰਸਾਈਜ਼ ਦੌਰਾਨ ਪੈਰਾਸ਼ੂਟ ਨਾ ਖੁੱਲਣ ਦੀ ਵਜ੍ਹਾ ਕਰਕੇ ਸਪੈਸ਼ਲ ਫੋਰਸ ਦੀ ਯੂਨਿਟ ਦੇ ਅਸਿਸਟੈਂਡ ਲੀਡਰ ਦੀ ਮੌਤ ਹੋ ਗਈ ਸੀ । ਹਾਦਸੇ ਦੇ ਦੌਰਾਨ ਉਹ ਭਾਰਤ ਚੀਨ ਸਰਹੱਦ ‘ਤੇ ਪ੍ਰੈਕਟਿਸ ਕਰ ਰਹੇ ਸਨ । ਸਿੱਕਮ ਦੇ ਨਾਮਚੀ ਜ਼ਿਲ੍ਹੇ ਦੇ ਰਾਵੰਗਲਾ ਦੇ ਰਹਿਣ ਵਾਲੇ 40 ਸਾਲ ਦੇ ਲਧਯਾਨ 22 ਸਾਲਾ ਦੇ ਤਜ਼ੁਰਬੇਕਾਰ ਪੈਰਾਸ਼ੂਟਰ ਜੰਪਰ ਦੇ ਨਾਲ ਸਨ । ਉਹ 8 ਸਾਲ ਤੋਂ ਵਿਕਾਸ ਰੈਜੀਮੈਂਟ ਨਾਲ ਜੁੜੇ ਹੋਏ ਸਨ । ਇਸ ਤੋਂ ਪਹਿਲਾਂ 24 ਜੂਨ ਨੂੰ ਫਸਟ ਬਟਾਲੀਅਨ ਸਿੱਕਮ ਸਕਾਉਡ ਦੇ 2 ਜਵਾਨਾਂ ਨੂੰ ਸਿੱਕਮ ਦੇ ਜੁਲੁਕ ਵਿੱਚ ਸੜਕ ਹਾਦਸੇ ਕਾਰਨ ਜਾਨ ਗਵਾਉਣੀ ਪਈ ਸੀ । ਜਵਾਨਾਂ ਦੇ ਨਾਂ ਲਾਂਸ ਨਾਇਕ ਮਨੋਜ ਛੇਤਰੀ ਅਤੇ ਨਾਇਬ ਸੂਬੇਦਾਰ ਸੋਮ ਬਹਾਦੁਰ ਸੁਬਾ ਸੀ
ਦੋਵੇ ਜਵਾਨ ਜੁਲੁਕ ਵਿੱਚ ਕੰਮ ਕਰ ਰਹੇ ਮਜ਼ਦੂਰਾਂ ਨੂੰ ਲੈਕੇ ਜਾ ਰਹੇ ਸਨ । ਧੁੰਦ ਦੀ ਵਜ੍ਹਾ ਕਰਕੇ ਗੱਡੀ 300 ਫੁੱਟੇ ਹੇਠਾਂ ਡਿੱਗ ਗਈ ਸੀ ।
