ਬਿਊਰੋ ਰਿਪੋਰਟ (ਪਟਿਆਲਾ, 28 ਨਵੰਬਰ 2025): ਪਟਿਆਲਾ ਵਿਖੇ ਸ਼ਾਂਤਮਈ ਪ੍ਰਦਰਸ਼ਨ ਕਰ ਰਹੇ ਰੋਡਵੇਜ਼ ਕਰਮਚਾਰੀਆਂ ’ਤੇ ਪੰਜਾਬ ਪੁਲਿਸ ਵੱਲੋਂ ਬੇਰਹਿਮੀ ਨਾਲ ਲਾਠੀਚਾਰਜ ਕੀਤਾ ਗਿਆ। ਇਸ ਸਬੰਧੀ ਫਗਵਾੜਾ ਤੋਂ ਵਿਧਾਇਕ ਅਤੇ ਜ਼ਿਲ੍ਹਾ ਕਪੂਰਥਲਾ ਕਾਂਗਰਸ ਕਮੇਟੀ ਦੇ ਪ੍ਰਧਾਨ, ਬਲਵਿੰਦਰ ਸਿੰਘ ਧਾਲੀਵਾਲ ਨੇ ਇਸ ਘਟਨਾ ਦੀ ਸਖ਼ਤ ਸ਼ਬਦਾਂ ਵਿੱਚ ਨਿੰਦਾ ਕੀਤੀ ਹੈ।
ਧਾਲੀਵਾਲ ਨੇ ਆਪਣੇ ਇੱਕ ਟਵੀਟ ਵਿੱਚ ਕਿਹਾ, “ਪਟਿਆਲਾ ਵਿੱਚ ਹੱਕਾਂ ਦੀ ਘੋਰ ਉਲੰਘਣਾ! ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਕਥਿਤ ਸਿੱਧੇ ਹੁਕਮਾਂ ’ਤੇ ਸ਼ਾਂਤਮਈ ਰੋਡਵੇਜ਼ ਕਰਮਚਾਰੀਆਂ ’ਤੇ ਕੀਤੇ ਗਏ ਬੇਰਹਿਮੀ ਵਾਲੇ ਲਾਠੀਚਾਰਜ ਦੀ ਮੈਂ ਸਖ਼ਤ ਨਿੰਦਾ ਕਰਦਾ ਹਾਂ।”
ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਇਸ ਘਟਨਾ ਦੌਰਾਨ ਸਿੱਖ ਕਰਮਚਾਰੀਆਂ ਦੀ ‘ਦਸਤਾਰ’ ਦੀ ਬੇਅਦਬੀ ਇੱਕ ਬਹੁਤ ਹੀ ਗੰਭੀਰ ਅਤੇ ਅਸਵੀਕਾਰਨਯੋਗ ਅਪਰਾਧ ਹੈ।
Appalling violation of rights in Patiala!
I strongly condemn the brutal lathi-charge on peaceful Roadways employees, allegedly ordered directly by CM @BhagwantMann.
The reported desecration of the 'Dastar' of Sikh employees is a deeply grave and unacceptable offense. Immediate… pic.twitter.com/AF5GoiOt7E— Balwinder Singh Dhaliwal (@ias_bsdhaliwal) November 28, 2025
ਵਿਧਾਇਕ ਧਾਲੀਵਾਲ ਨੇ ਮੁਲਜ਼ਮ ਪੁਲਿਸ ਕਰਮਚਾਰੀਆਂ ਖ਼ਿਲਾਫ਼ ਤੁਰੰਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਨੇ ਸਰਕਾਰ ਨੂੰ ਸਵਾਲ ਕੀਤਾ ਕਿ “ਸਰਕਾਰ ਪੰਜਾਬ ਦੇ ਹਰ ਵਰਗ ਨੂੰ ਦੁਖੀ ਅਤੇ ਸੜਕਾਂ ’ਤੇ ਆਉਣ ਲਈ ਮਜਬੂਰ ਕਰਨ ਵਾਲੇ ਮੂਲ ਮੁੱਦਿਆਂ ਨੂੰ ਕਦੋਂ ਹੱਲ ਕਰੇਗੀ?”
