ਬਿਉਰੋ ਰਿਪੋਰਟ – ਪੰਜਾਬ ਵਿੱਚ ਡੇਢ ਮਹੀਨੇ ਤੱਕ ਚੱਲੀ ਕਣਕ ਦੀ ਖਰੀਦ ਪੂਰੀ ਹੋ ਗਈ ਹੈ। ਇਸ ਵਾਰ 7 ਲੱਖ 24 ਹਜ਼ਾਰ 405 ਕਿਸਾਨ ਫਸਲ ਲੈਕੇ ਮੰਡੀਆਂ ਵਿੱਚ ਪਹੁੰਚੇ ਸਨ। ਇਸ ਦੌਰਾਨ 130 ਲੱਖ 3 ਹਜ਼ਾਰ MP ਕਣਕ ਮੰਡੀਆਂ ਵਿੱਚ ਪਹੁੰਚੀ ਹੈ। 119 ਲੱਖ 23 ਹਜ਼ਾਰ 600 ਮੀਟਰਿਕ ਟਨ ਸਰਕਾਰੀ ਏਜੰਸੀਆਂ ਨੇ ਖਰੀਦ ਕੀਤੀ ਹੈ। 10 ਲੱਖ 79 ਹਜ਼ਾਰ ਮੀਟਰਿਕ ਟਨ ਪ੍ਰਾਈਵੇਟ ਪਲੇਅਰ ਨੇ ਖਰੀਦ ਕੀਤੀ ਹੈ। ਪੰਜਾਬ ਦੇ ਫੂਡ ਸਪਲਾਈ ਮੰਤਰੀ ਲਾਲ ਚੰਦ ਕਤਾਰੂਚਕ ਨੇ ਦੱਸਿਆ ਕਿ 28 ਹਜ਼ਾਰ 500 ਕਰੋੜ ਰੁਪਏ ਦੀ ਅਦਾਇਗੀ ਕੀਤੀ ਗਈ। ਇਹ ਭੁਗਤਾਨ ਸਿੱਧਾ ਕਿਸਾਨਾਂ ਦੇ ਖਾਤਿਆਂ ਵਿੱਚ ਪਹੁੰਚਿਆ ਹੈ।
ਮੰਤਰੀ ਕਟਾਰੂਚੱਕ ਨੇ ਕਿਹਾ ਕਿ ਹੁਣ ਤੱਕ ਜਿੰਨੀ ਵੀ ਕਣਕ ਦੀ ਖਰੀਦ ਕੀਤੀ गई ਹੈ,ਉਨ੍ਹਾਂ ਵਿੱਚੋਂ 104 ਲੱਖ 51 ਹਜ਼ਾਰ ਮੀਟ੍ਰਿਕ ਟਨ ਦੀ ਲਿਫਟਿੰਗ ਕੀਤੀ ਜਾ ਰਹੀ ਹੈ। ਰੋਜ਼ਾਨਾ ਢਾਈ ਲੱਖ ਦੀ ਲਿਫਟਿੰਗ ਚੱਲ ਰਹੀ ਹੈ। 6 ਤੋਂ 7 ਦਿਨਾਂ ਵਿੱਚ ਪੂਰੀ ਲਿਫਟਿੰਗ ਕਰ ਲਈ ਜਾਵੇਗੀ। 30 ਲੱਖ ਮੀਟ੍ਰਿਕ ਟਨ ਦੀ ਸਟੋਰੇਜ ਸੂਬੇ ਨੇ ਕੀਤੀ ਹੈ, 57 ਹਜ਼ਾਰ ਮੀਟ੍ਰਿਕ ਟਨ ਕਣਕ ਦੀ ਸਟੋਰੇਜ ਮਿਲਾਂ ਜਾਂ ਹੋਰ ਥਾਵਾਂ ‘ਤੇ ਕੀਤੀ ਗਿਆ ਹੈ। FCI ਨੇ 10 ਲੱਖ 50 ਹਜ਼ਾਰ ਮੀਟ੍ਰਿਕ ਟਨ ਦੀ ਸਟੋਰੇਜ ਕੀਤੀ ਹੈ। FCI ਦੇ ਸਟੋਰੇਜ ਪੁਆਇੰਟ 18.27 ‘ਤੇ ਖਰੀਦਣ ਤੋਂ ਬਾਅਦ ਲਿਫਟਿੰਗ ਹੋਈ ਹੈ।
