ਬਿਊਰੋ ਰਿਪੋਰਟ: ਪੰਜਾਬ ਸਰਕਾਰ ਸੂਬੇ ਵਿੱਚ ਨਵੀਂ ਉਦਯੋਗਿਕ ਨੀਤੀ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ, ਜਿਸ ਵਿੱਚ ਹਰ ਵਰਗ ਦੀ ਭਾਗੀਦਾਰੀ ਯਕੀਨੀ ਬਣਾਈ ਜਾਵੇਗੀ। ਉਦਯੋਗ ਮੰਤਰੀ ਸੰਜੀਵ ਅਰੋੜਾ ਨੇ ਕਿਹਾ ਕਿ 1 ਅਕਤੂਬਰ ਤੱਕ ਲੋਕਾਂ ਤੋਂ ਸੁਝਾਅ ਮੰਗੇ ਜਾ ਰਹੇ ਹਨ। ਪਹਿਲਾਂ 9 ਸਬ-ਕਮੇਟੀਆਂ ਬਣਾਈਆਂ ਗਈਆਂ ਸਨ ਅਤੇ ਹੁਣ 15 ਨਵੀਆਂ ਕਮੇਟੀਆਂ ਬਣਾਈਆਂ ਗਈਆਂ ਹਨ, ਜੋ ਉਦਯੋਗਾਂ ਤੋਂ ਸੁਝਾਅ ਲੈਣਗੀਆਂ ਅਤੇ ਸਰਕਾਰ ਨੂੰ ਰਿਪੋਰਟ ਸੌਂਪਣਗੀਆਂ।
ਜਲਦੀ ਸ਼ੁਰੂ ਹੋਵੇਗਾ ਲੁਧਿਆਣਾ ਹਵਾਈ ਅੱਡਾ
ਲੁਧਿਆਣਾ ਦਾ ਹਲਵਾਰਾ ਹਵਾਈ ਅੱਡਾ ਜਲਦੀ ਸ਼ੁਰੂ ਹੋਵੇਗਾ। ਸਾਡੀ ਟੀਮ ਨੇ ਇਸ ਲਈ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਜੋ ਕਮੀਆਂ ਰਹਿ ਗਈਆਂ ਸਨ, ਉਨ੍ਹਾਂ ਨੂੰ ਪਹਿਲ ਦੇ ਆਧਾਰ ’ਤੇ ਦੂਰ ਕੀਤਾ ਜਾਵੇਗਾ। ਸਰਕਾਰ ਲੋਕਾਂ ਦੀ ਯਾਤਰਾ ਨੂੰ ਆਸਾਨ ਬਣਾਉਣ ਲਈ ਹਰ ਪੱਧਰ ’ਤੇ ਕੰਮ ਕਰ ਰਹੀ ਹੈ।
ਸਰਕਾਰ ਨੇ ਇਨ੍ਹਾਂ ਪੰਦਰਾਂ ਸੈਕਟਰਾਂ ਲਈ ਕਮੇਟੀਆਂ ਬਣਾਈਆਂ ਹਨ-
- ਪ੍ਰਤਾਪ ਅਗਰਵਾਲ (ਆਈਡੀਐਸ ਇਨਫੋਟੈਕ, ਮੁਹਾਲੀ) – ਆਈਟੀ ਸੈਕਟਰ
- ਓਮਕਾਰ ਸਿੰਘ ਪਾਹਵਾ (ਏਵਨ ਸਾਈਕਲ, ਲੁਧਿਆਣਾ) – ਸਾਈਕਲ ਇੰਡਸਟਰੀ
- ਪਰੀਤੋਸ਼ ਗਰਗ (ਹੈਪੀ ਫੋਰਜਿੰਗਜ਼, ਲੁਧਿਆਣਾ) – ਆਟੋ ਅਤੇ ਆਟੋ ਪਾਰਟਸ
- ਇੰਦਰਵੀਰ ਸਿੰਘ (ਈਵੇਜ਼ ਮੋਟਰਜ਼, ਮੁਹਾਲੀ) – ਇਲੈਕਟ੍ਰਿਕ ਵਾਹਨ
- ਆਸ਼ੀਸ਼ ਕੁਮਾਰ (ਵਰਬੀਓ, ਸੰਗਰੂਰ) – ਨਵਿਆਉਣਯੋਗ ਊਰਜਾ
- ਸਚਿਨ ਜੈਨ (ਵਰਧਮਾਨ ਸਟੀਲ, ਲੁਧਿਆਣਾ) – ਸਟੀਲ ਅਤੇ ਰੋਲਿੰਗ ਮਿੱਲਾਂ
- ਅਭੀ ਬਾਂਸਲ (ਐਸੋਚੈਮ ਅਤੇ ਐਮਡੀ ਸਰਸਵਤੀ ਐਗਰੋ ਕੈਮੀਕਲਜ਼, ਐਸਏਐਸ ਨਗਰ) – ਪਲਾਸਟਿਕ ਅਤੇ ਰਸਾਇਣਕ ਉਤਪਾਦ
- ਅਸ਼ਵਿਨੀ ਨਾਇਰ (ਕੈਪਟਨ, ਹਿੰਦ ਟਰਮੀਨਾ, ਲੁਧਿਆਣਾ) – ਲੌਜਿਸਟਿਕਸ ਅਤੇ ਵੇਅਰਹਾਊਸਿੰਗ
- ਦਿਨੇਸ਼ ਔਲਖ (ਸਪੀਡ ਰਿਕਾਰਡ) – ਫਿਲਮ ਅਤੇ ਮੀਡੀਆ
- ਵਰਿੰਦਰ ਗੁਪਤਾ (ਆਈਓਐਲ ਕੈਮੀਕਲਜ਼ ਅਤੇ ਫਾਰਮਾਸਿਊਟੀਕਲਜ਼, ਬਰਨਾਲਾ) – ਫਾਰਮਾ ਅਤੇ ਬਾਇਓਟੈਕ
- ਡਾ. ਜਸਪਾਲ ਸਿੰਘ ਸੰਧੂ (ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ, ਜਲੰਧਰ) – ਯੂਨੀਵਰਸਿਟੀਆਂ ਅਤੇ ਕੋਚਿੰਗ ਸੰਸਥਾਵਾਂ
- ਡਾ. ਬਿਸ਼ਵ ਮੋਹਨ (ਡੀ.ਐਮ.ਸੀ. ਲੁਧਿਆਣਾ) – ਹਸਪਤਾਲ ਅਤੇ ਸਿਹਤ ਸੰਭਾਲ
- ਮਮਤਾ ਭਾਰਦਵਾਜ (ਨਿਊਰੋਨ, ਪੰਜਾਬ ਸਟਾਰਟਅੱਪ ਹੱਬ) – ਸਟਾਰਟਅੱਪ
- ਉਮੰਗ ਜਿੰਦਲ (ਹੋਮ ਲੈਂਡ ਗਰੁੱਪ) – ਰਿਟੇਲ
- ਡਾ. ਕਮਲਜੀਤ ਸਿੰਘ (ਸੈਮੀ ਕੰਡਕਟਰ ਲੈਬਾਰਟਰੀ ਲਿਮਟਿਡ) – ਈ.ਐਸ.ਡੀ.ਐਮ.