ਚੰਡੀਗੜ੍ਹ : ਇੱਕ ਫੋਟੋਗ੍ਰਾਫਰ ਦਾ ਇੱਕ ਬਜ਼ੁਰਗ ਸਿੱਖ ਵਿਅਕਤੀ ਨੂੰ ਆਪਣੀਆਂ ਤਸਵੀਰਾਂ ਕਲਿੱਕ ਕਰਨ ਲਈ ਕਹਿਣ ਦਾ ਵੀਡੀਓ ਆਨਲਾਈਨ ਵਾਇਰਲ ਹੋ ਰਿਹਾ ਹੈ। ਬਜ਼ੁਰਗ ਵਿਅਕਤੀ ਦਾ ਇਸ ਗੱਲ ‘ਤੇ ਪ੍ਰਤੀਕਰਮ ਨੇ ਸੋਸ਼ਲ਼ ਮੀਡੀਆ ਦਾ ਦਿਲ ਨੂੰ ਛੂਹ ਲਿਆ ਹੈ। ਇਸ ਮਾਮਲੇ ਦਾ ਵੀਡੀਓ ਕਲਿੱਪ ਇੰਟਰਨੈਟ ‘ਤੇ ਵਾਇਰਲ ਹੋ ਰਿਹਾ ਹੈ।
ਤੁਹਾਨੂੰ ਇਹ ਵੀਡੀਓ ਜ਼ਰੂਰ ਦੇਖਣਾ ਚਾਹੀਦਾ ਹੈ, ਕਿਉਂਕਿ ਅਸੀਂ ਉਮੀਦ ਕਰਦੇ ਹਾਂ ਕਿ ਇਸ ਨੂੰ ਦੇਖਣ ਤੋਂ ਬਾਅਦ ਤੁਹਾਡੇ ਚਿਹਰੇ ‘ਤੇ ਵੀ ਇੱਕ ਪਿਆਰੀ ਮੁਸਕਰਾਹਟ ਆ ਜਾਵੇਗੀ। ਵਾਇਰਲ ਹੋ ਰਹੀ ਇਸ ਵੀਡੀਓ ਨੂੰ ਸੁਤੇਜ ਸਿੰਘ ਪੰਨੂ ਨੇ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਹੈ। ਉਹ ਇੰਸਟਾਗ੍ਰਾਮ ‘ਤੇ ਸਮੱਗਰੀ ਨੂੰ ਸਾਂਝਾ ਕਰਨ ਲਈ ਜਾਣਿਆ ਜਾਂਦਾ ਹੈ, ਜੋ ਅਸਲ ਵਿੱਚ ਤੁਹਾਡੇ ਦਿਲਾਂ ਨੂੰ ਖਿੱਚੇਗਾ। ਇਸ ਵਾਰ ਉਸ ਨੇ ਇਕ ਬਜ਼ੁਰਗ ਸਿੱਖ ਨੂੰ ਪੁੱਛਿਆ ਕਿ ਕੀ ਉਹ ਉਸ ਦੀਆਂ ਤਸਵੀਰਾਂ ਕਲਿੱਕ ਕਰ ਸਕਦਾ ਹੈ। ਬਜ਼ਰੁਗ ਵਿਅਕਤੀ ਨੇ ਖੁਸ਼ੀ ਨਾਲ ਹਾਮੀ ਭਰ ਦਿੱਤੀ ਅਤੇ ਆਪਣਾ ਕੁੜਤਾ ਵੀ ਠੀਕ ਕਰਵਾ ਲਿਆ। ਉਸਨੇ ਫੋਟੋਆਂ ਖਿਚਵਾਈਆਂ ਅਤੇ ਸੁਤੇਜ ਨੂੰ ਇੱਕ ਪ੍ਰਿੰਟ ਲੈਣ ਲਈ ਵੀ ਕਿਹਾ। ਸੁਤੇਜ ਨੇ ਖੁਸ਼ੀ ਨਾਲ ਫੋਟੋ ਕਲਿੱਕ ਕੀਤੀ ਅਤੇ ਉਸ ਨੂੰ ਪ੍ਰਿੰਟ-ਆਊਟ ਦਿੱਤਾ।
ਬਜ਼ੁਰਗ ਨੇ ਕਿਹਾ, “ਮੈਂ ਚਾਹੁੰਦਾ ਹਾਂ ਕਿ ਮੇਰੇ ਬੱਚੇ ਇਹ ਤਸਵੀਰ ਦੇਖਣ ਤਾਂ ਜੋ ਆਉਣ ਵਾਲੀਆਂ ਪੀੜ੍ਹੀਆਂ ਤੱਕ ਉਹ ਮੈਨੂੰ ਯਾਦ ਰੱਖਣ। ਉਹ ਇਸ ਦੀ ਕਦਰ ਕਰਨਗੇ। ਮੇਰਾ ਪਰਿਵਾਰ ਇਸ ਨੂੰ ਸੰਭਾਲ ਕੇ ਰੱਖੇਗਾ।” ਵੀਡੀਓ ਨੂੰ 7 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ ਅਤੇ ਸੁਤੇਜ ਦੇ ਬਹੁਤ ਸਾਰੇ ਫਾਲੋਅਰਜ਼ ਵੱਲੋਂ ਇਸ ਨੂੰ ਕਾਫੀ ਸਕਾਰਾਤਮਕ ਪ੍ਰਤੀਕਿਰਿਆਵਾਂ ਮਿਲੀਆਂ ਹਨ।
ਇਕ ਯੂਜ਼ਰ ਨੇ ਲਿਖਿਆ, “ਇੰਸਟਾਗ੍ਰਾਮ ‘ਤੇ ਮੇਰਾ ਮਨਪਸੰਦ ਅਕਾਊਂਟ! ਆਪਣੀਆਂ ਖੂਬਸੂਰਤ ਤਸਵੀਰਾਂ ਦੇ ਜ਼ਰੀਏ, ਤੁਸੀਂ ਮਨੁੱਖੀ ਯਾਤਰਾ ਦਾ ਇਕ ਖੂਬਸੂਰਤ ਕੈਟਾਲਾਗ ਤਿਆਰ ਕਰ ਰਹੇ ਹੋ। ਹਰ ਝੁਰੜੀ, ਦੰਦ ਰਹਿਤ ਮੁਸਕਰਾਹਟ, ਸਲੇਟੀ ਵਾਲ ਇਕ ਅਨੁਭਵ, ਇਕ ਕਹਾਣੀ ਦੀ ਗੱਲ ਕਰਦੇ ਹਨ।”ਇੱਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ, “ਤੁਹਾਡੀਆਂ ਪੋਸਟਾਂ ਮੈਨੂੰ ਖੁਸ਼ ਕਰਦੀਆਂ ਹਨ, ਧੰਨਵਾਦ। ਇਸੇ ਤਰ੍ਹਾਂ ਪਿਆਰ ਦੀ ਵਰਖਾ ਕਰਦੇ ਰਹੋ।”
