ਬਿਉਰੋ ਰਿਪੋਰਟ : ਪਟਿਆਲਾ ਸਥਿਤ ਜੁਲਕਾ ਥਾਣਾ ਇਲਾਕੇ ਵਿੱਚ 55 ਸਾਲ ਦੇ ਵਿਅਕਤੀ ਦਾ ਉਸ ਦੇ ਭਤੀਜਿਆਂ ਵੱਲੋਂ ਕੁੱਟ-ਕੁੱਟ ਕੇ ਕਤਲ ਕਰ ਦਿੱਤਾ ਗਿਆ ਹੈ । ਮ੍ਰਿਤਕ ‘ਤੇ ਡਾਂਗਾਂ ਅਤੇ ਲੋਹੇ ਦੀ ਰਾਡ ਨਾਲ ਹਮਲਾ ਕੀਤਾ ਗਿਆ । ਭਤੀਜਿਆਂ ਨੂੰ ਚਾਚੇ ਦਾ ਟੋਕਨਾ ਪਸੰਦ ਨਹੀਂ ਸੀ । ਚਾਚਾ ਭਤੀਜਿਆਂ ਨੂੰ ਜ਼ਿੰਦਗੀ ਜੀਉਣ ਦਾ ਸਬਕ ਸਿਖਾ ਰਿਹਾ ਸੀ । ਉਹ ਭਤੀਜਿਆਂ ਨੂੰ ਹਜ਼ਮ ਨਹੀਂ ਸੀ । ਜਖ਼ਮੀ ਹਾਲਤ ਵਿੱਚ ਚਾਚੇ ਨੂੰ ਰਜਿੰਦਰਾ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਪਰ ਉੱਥੇ ਉਸ ਦੀ ਮੌਤ ਹੋ ਗਈ ।
ਮ੍ਰਿਤਕ ਦੀ ਪਛਾਣ ਅਮਰ ਸਿੰਘ ਦੇ ਰੂਪ ਵਿੱਚ ਹੋਈ ਹੈ । ਪਰਿਵਾਰ ਦੇ ਬਿਆਨਾਂ ਦੇ ਅਧਾਰ ‘ਤੇ ਚਾਰ ਦੇ ਖਿਲਾਫ ਕੇਸ ਦਰਜ ਕਰ ਲਿਆ ਗਿਆ ਹੈ । ਦੱਸਿਆ ਜਾ ਰਿਹਾ ਕਿ ਮ੍ਰਿਤਕ ਅਮਰ ਸਿੰਘ ਦੇ ਭਤੀਜੇ ਰੋਜ ਬਾਈਕ ਤੇਜ਼ ਚਲਾਉਂਦੇ ਸਨ । ਇਸ ਨੂੰ ਲੈਕੇ ਨੌਜਵਾਨਾਂ ਦੀ ਆਪਸ ਵਿੱਚ ਬਹਿਸ ਹੋਈ ਅਤੇ ਫਿਰ ਝਗੜਾ ਹੋ ਗਿਆ । ਮ੍ਰਿਤਕ ਅਮਰ ਸਿੰਘ ਉਨ੍ਹਾਂ ਨੂੰ ਰੋਕਣ ਗਿਆ ਤਾਂ ਲੋਹੇ ਦੀ ਰਾਡ ਅਤੇ ਡਾਂਗਾਂ ਨਾਲ ਉਸ ‘ਤੇ ਹਮਲਾ ਕਰ ਦਿੱਤਾ । ਹਮਲੇ ਦੇ ਦੌਰਾਨ ਜਖਮੀ ਅਮਰ ਸਿੰਘ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਪਰ ਹਾਲਤ ਗੰਭੀਰ ਹੋਣ ਦੀ ਵਜ੍ਹਾ ਕਰਕੇ ਰਜਿੰਦਰਾ ਹਸਪਤਾਲ ਰੈਫਰ ਕਰ ਦਿੱਤਾ ਜਿੱਥੇ ਉਨ੍ਹਾਂ ਨੇ ਦਮ ਤੋੜ ਦਿੱਤਾ ।
4 ਨੌਜਵਾਨਾਂ ਦੇ ਖਿਲਾਫ ਮਾਮਲਾ ਦਰਜ
ਥਾਣ ਜੁਲਕਾ ਦੇ SHO ਹਰਜਿੰਦਰ ਸਿੰਘ ਢਿੱਲੋ ਨੇ ਕਿਹਾ ਕਿ ਕਤਲ ਕਰਨ ਵਾਲੇ ਨੌਜਵਾਨ ਮ੍ਰਿਤਕ ਦੇ ਭਤੀਜੇ ਹੀ ਲੱਗ ਦੇ ਸਨ । ਬਾਈਕ ਤੇਜ ਚਲਾਉਣ ਬਿਨਾਂ ਕਾਰਨ ਬਾਈਕ ਦੇ ਚੱਕਰ ਕੱਟਣ ਨੂੰ ਲੈਕੇ ਵਿਵਾਦ ਹੋਇਆ ਸੀ । ਜਿਸ ਦੇ ਬਾਅਦ ਮੁਲਜ਼ਮਾਂ ਨੇ ਕਤਲ ਕਰ ਦਿੱਤਾ । ਮੁਲਜ਼ਮ ਨਵਦੀਪ ਸਿੰਘ ਨਵੀ,ਵਾਰਿਸਦੀਪ ਸਿੰਘ,ਬਲਜੀਤ ਸਿੰਘ ਅਤੇ ਸੁਖਦੇਵ ਸਿੰਘ ਦੇ ਖਿਲਾਫ ਕੇਸ ਦਰਜ ਕਰ ਲਿਆ ਗਿਆ ਹੈ ।
