ਬਿਉਰੋ ਰਿਪੋਰਟ : ਪਟਿਆਲਾ ਦੇ ਪਾਤੜਾ ਵਿੱਚ 26 ਸਾਲ ਦੇ ਨੌਜਵਾਨ ਦੇ ਕਤਲ ਦੇ ਬਾਅਦ ਮ੍ਰਿਤਕ ਦੇਹ ਖੇਤਾਂ ਵਿੱਚ ਸੁੱਟ ਦਿੱਤੀ । ਸਿਰਫ ਇੰਨਾਂ ਹੀ ਨਹੀਂ ਮ੍ਰਿਤਕ ਦੇਹ ਨੂੰ ਕੁੱਤਿਆਂ ਨੇ ਖਾ ਲਿਆ । ਡੈਡ ਬਾਡੀ ਬਰਾਮਦ ਕਰਨ ਦੇ ਬਾਅਦ ਪੁਲਿਸ ਨੇ ਇਸ ਦੀ ਪਛਾਣ ਦੇ ਬਾਅਦ ਕੇਸ ਦਰਜ ਕਰ ਲਿਆ ਹੈ । ਕਤਲ ਹੋਏ ਨੌਜਵਾਨ ਦਾ ਨਾਂ ਅਨਿਕੇਤ ਦੱਸਿਆ ਜਾ ਰਿਹਾ ਹੈ । ਜੋ ਪਿੰਡ ਡੰਗਰਾਹਾ ਥਾਣਾ ਮਹਸੀ ਜ਼ਿਲ੍ਹਾਂ ਮੋਤੀਹਾਰੀ ਬਿਹਾਰ ਦਾ ਰਹਿਣ ਵਾਲਾ ਹੈ। ਫਿਲਹਾਲ ਪੁਲਿਸ ਨੇ ਅਣਪਛਾਤੇ ਲੋਕਾਂ ਦੇ ਖਿਲਾਫ ਕਤਲ ਦਾ ਮਾਮਲਾ ਦਰਜ ਕਰ ਲਿਆ ਹੈ ।
ਸ਼ਰਾਬ ਦੇ ਠੇਕੇ ‘ਤੇ ਕੰਮ ਕਰਦਾ ਸੀ
ਉਜਵਲ ਕੁਮਾਰ ਨੇ ਦੱਸਿਆ ਕਿ ਉਸ ਦੇ ਚਾਚੇ ਦਾ ਭਰਾ ਸ਼ਰਾਬ ਦੇ ਠੇਕੇ ਵਿੱਚ ਬਤੌਰ ਸੇਲਸਮੈਨ ਕੰਮ ਕਰਦਾ ਸੀ। ਉਸ ਦੀ ਡਿਉਟੀ ਸੰਗਰੂਰ ਕੈਂਚਿਆ ਰੋਡ ਪਾਤੜਾ ਵਿੱਚ ਲਗੀ ਹੋਈ ਸੀ। 18 ਜਨਵਰੀ ਨੂੰ ਦੁਪਹਿਰ 12 ਵਜੇ ਸ਼ਰਾਬ ਦੇ ਠੇਕੇਦਾਰ ਨੇ ਦੱਸਿਆ ਕਿ ਉਸ ਦੇ ਚਾਰੇ ਦੇ ਭਰਾ ਅਨਿਕੇਤ ਦੀ ਡੈਡ ਬਾਡੀ ਸ਼ਰਾਬ ਦੇ ਠੇਕੇ ਦੇ ਪਿੱਛੇ ਖੇਤਾਂ ਵਿੱਚ ਪਈ ਮਿਲੀ ਹੈ । ਜਿਸ ਨੂੰ ਅਵਾਰਾ ਕੁੱਤਿਆਂ ਨੇ ਖਾਦਾ ਹੈ ।
ਅੱਧਾ ਸਰੀਰ ਖਾ ਗਏ ਅਵਾਰਾ ਕੁੱਤੇ
ਅਨਿਕੇਤ ਨੇ ਦੱਸਿਆ ਕਿ ਜਦੋਂ ਉਹ ਘਟਨਾ ਵਾਲੀ ਥਾਂ ‘ਤੇ ਪਹੁੰਚਿਆ ਤਾਂ ਡੈਡ ਬਾਡੀ ਨੂੰ ਅਵਾਰਾ ਕੁੱਤਿਆਂ ਨੇ ਖਾ ਲਿਆ । ਅਵਾਰਾ ਕੁੱਤਿਆਂ ਨੇ ਅਨਿਕੇਤ ਦੀ ਡੈਡ ਬਾਡੀ ਨੂੰ ਸਿਰ,ਗਰਦਨ,ਅੱਖਾਂ ਦੇ ਇਲਾਵਾ ਜਬਾੜੇ ਦਾ ਕੁਝ ਹਿੱਸਾ ਖਾ ਲਿਆ ਸੀ । ਪਾਤੜਾ ਦੇ SHO ਹੈਰੀ ਬੋਪਾਰਾਏ ਨੇ ਕਿਹਾ ਕਿ ਪੁਲਿਸ ਨੇ ਮੌਕੇ ‘ਤੇ ਡੈਡ ਬਾਡੀ ਕਬਜੇ ਵਿੱਚ ਲੈਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।
