Delhi News : ਪਾਸਪੋਰਟ ਇੱਕ ਮਹੱਤਵਪੂਰਨ ਦਸਤਾਵੇਜ਼ ਹੈ, ਜੋ ਵਿਦੇਸ਼ ਮੰਤਰਾਲੇ ਦੇ ਪਾਸਪੋਰਟ ਵਿਭਾਗ ਦੁਆਰਾ ਜਾਰੀ ਕੀਤਾ ਜਾਂਦਾ ਹੈ। ਇਹ ਪਛਾਣ ਦੇ ਨਾਲ-ਨਾਲ ਨਾਗਰਿਕਤਾ ਸਾਬਤ ਕਰਨ ਲਈ ਇੱਕ ਮਹੱਤਵਪੂਰਨ ਦਸਤਾਵੇਜ਼ ਹੈ। ਪਾਸਪੋਰਟ ਤੋਂ ਬਿਨਾਂ ਵਿਦੇਸ਼ ਯਾਤਰਾ ਕਰਨਾ ਸੰਭਵ ਨਹੀਂ ਹੋ ਸਕਦਾ (ਕੁਝ ਦੇਸ਼ਾਂ ਨੂੰ ਛੱਡ ਕੇ)। ਵਿਦੇਸ਼ਾਂ ਵਿੱਚ, ਤੁਹਾਡੀ ਨਾਗਰਿਕਤਾ ਸਿਰਫ਼ ਤੁਹਾਡੇ ਪਾਸਪੋਰਟ ਰਾਹੀਂ ਹੀ ਸਾਬਤ ਹੁੰਦੀ ਹੈ।
ਭਾਰਤ ਸਰਕਾਰ ਨੇ ਪਾਸਪੋਰਟ ਬਣਾਉਣ ਦੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਹੁਣ ਕਿਸੇ ਵੀ ਬਿਨੈਕਾਰ ਲਈ ਜਨਮ ਸਰਟੀਫਿਕੇਟ ਦੇਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਯਾਨੀ, ਜਿਹੜੇ ਲੋਕ 1 ਅਕਤੂਬਰ, 2023 ਤੋਂ ਬਾਅਦ ਪੈਦਾ ਹੋਏ ਹਨ ਅਤੇ ਪਾਸਪੋਰਟ ਬਣਵਾਉਣ ਦੇ ਇੱਛੁਕ ਹਨ, ਉਨ੍ਹਾਂ ਲਈ ਹੁਣ ਆਪਣੀ ਜਨਮ ਮਿਤੀ ਲਈ ਜਨਮ ਸਰਟੀਫਿਕੇਟ ਦੇਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।
ਪਾਸਪੋਰਟ ਦੇ ਨਵੇਂ ਨਿਯਮ:
- ਜਨਮ ਸਰਟੀਫਿਕੇਟ ਲਾਜ਼ਮੀ
- 1 ਅਕਤੂਬਰ 2023 ਤੋਂ ਬਾਅਦ ਪੈਦਾ ਹੋਏ ਹਰੇਕ ਵਿਅਕਤੀ ਲਈ ਪਾਸਪੋਰਟ ਬਣਾਉਣ ਵਾਸਤੇ ਜਨਮ ਸਰਟੀਫਿਕੇਟ ਜਮ੍ਹਾ ਕਰਵਾਉਣਾ ਲਾਜ਼ਮੀ ਹੋ ਗਿਆ ਹੈ।
- 1 ਅਕਤੂਬਰ 2023 ਤੋਂ ਪਹਿਲਾਂ ਪੈਦਾ ਹੋਏ ਵਿਅਕਤੀ ਜਨਮ ਦੀ ਤਸਦੀਕ ਲਈ ਹੇਠ ਲਿਖੇ ਦਸਤਾਵੇਜ਼ ਵੀ ਵਰਤ ਸਕਦੇ ਹਨ:
- 10ਵੀਂ ਦੀ ਮਾਰਕਸ਼ੀਟ ਜਾਂ ਸਰਟੀਫਿਕੇਟ
- ਸਕੂਲ ਲਿਵਿੰਗ ਸਰਟੀਫਿਕੇਟ
- ਪੈਨ ਕਾਰਡ
- ਡਰਾਈਵਿੰਗ ਲਾਇਸੈਂਸ
- ਹੋਰ ਸਰਕਾਰੀ ਆਈਡੀ
- ਪਰ ਹੁਣ ਸਿਰਫ਼ ਜਨਮ ਸਰਟੀਫਿ਼ਕੇਟ ਹੀ ਵਰਤਿਆ ਜਾ ਸਕੇਗਾ
- ਰਿਹਾਇਸ਼ੀ ਪਤਾ ਨਹੀਂ ਹੋਵੇਗਾ ਪ੍ਰਿੰਟ
- ਪਾਸਪੋਰਟ ਦੇ ਆਖਰੀ ਪੰਨੇ ‘ਤੇ ਹੁਣ ਬਿਨੈਕਾਰ ਦਾ ਰਿਹਾਇਸ਼ੀ ਪਤਾ ਨਹੀਂ ਛਾਪਿਆ ਜਾਵੇਗਾ।ਉਸ ਦੀ ਥਾਂ ਸਿਰਫ਼ ਬਾਰਕੋਡ ਛਾਪਿਆ ਜਾਵੇਗਾ
- ਇਮੀਗ੍ਰੇਸ਼ਨ ਅਧਿਕਾਰੀ ਬਾਰਕੋਡ ਸਕੈਨ ਕਰਕੇ ਇਹ ਜਾਣਕਾਰੀ ਪ੍ਰਾਪਤ ਕਰ ਸਕਣਗੇ।
- ਰੰਗ-ਕੋਡਿੰਗ ਪ੍ਰਣਾਲੀ
- ਨਵੇਂ ਨਿਯਮਾਂ ਦੇ ਤਹਿਤ ਹੁਣ ਪਾਸਪੋਰਟ ਤਿੰਨ ਵੱਖ-ਵੱਖ ਰੰਗਾਂ ਵਿੱਚ ਜਾਰੀ ਕੀਤੇ ਜਾਣਗੇ:
- ਚਿੱਟਾ– ਸਰਕਾਰੀ ਅਧਿਕਾਰੀਆਂ ਲਈ
- ਲਾਲ– ਡਿਪਲੋਮੈਟਾਂ (ਕੂਟਨੀਤਿਕ) ਲਈ
- ਨੀਲਾ– ਆਮ ਨਾਗਰਿਕਾਂ ਲਈ
- ਨਵੇਂ ਨਿਯਮਾਂ ਦੇ ਤਹਿਤ ਹੁਣ ਪਾਸਪੋਰਟ ਤਿੰਨ ਵੱਖ-ਵੱਖ ਰੰਗਾਂ ਵਿੱਚ ਜਾਰੀ ਕੀਤੇ ਜਾਣਗੇ:
- ਮਾਪਿਆਂ ਦਾ ਨਾਮ ਹਟਾਉਣਾ
- ਹੁਣ ਪਾਸਪੋਰਟ ਦੇ ਆਖਰੀ ਪੰਨੇ ‘ਤੇ ਮਾਪਿਆਂ ਦਾ ਨਾਮ ਨਹੀਂ ਹੋਵੇਗਾ।
- ਇਹ ਨਿਯਮ ਉਨ੍ਹਾਂ ਬੱਚਿਆਂ ਲਈ ਲਾਭਕਾਰੀ ਹੋਵੇਗਾ, ਜੋ ਸਿੰਗਲ ਪੇਰੈਂਟ ਜਾਂ ਅਲੱਗ-ਥਲੱਗ ਪਰਿਵਾਰਾਂ ਵਿੱਚ ਰਹਿੰਦੇ ਹਨ।
- ਪਾਸਪੋਰਟ ਸੇਵਾ ਕੇਂਦਰਾਂ ਦਾ ਵਿਸਥਾਰ
- ਭਾਰਤ ਸਰਕਾਰ ਨੇ ਪਾਸਪੋਰਟ ਸੇਵਾ ਕੇਂਦਰਾਂ ਦੀ ਗਿਣਤੀ 442 ਤੋਂ ਵਧਾ ਕੇ 600 ਕਰਨ ਦਾ ਐਲਾਨ ਕੀਤਾ ਹੈ।
- ਇਸ ਨਾਲ ਪਾਸਪੋਰਟ ਬਣਾਉਣ ਦੀ ਪ੍ਰਕਿਰਿਆ ਹੋਰ ਤੇਜ਼ ਅਤੇ ਆਸਾਨ ਹੋ ਜਾਵੇਗੀ।
ਇਨ੍ਹਾਂ ਤਬਦੀਲੀਆਂ ਨਾਲ ਪਾਸਪੋਰਟ ਬਣਾਉਣ ਦੀ ਪ੍ਰਕਿਰਿਆ ਵਿੱਚ ਵਾਧੂ ਸੁਰੱਖਿਆ ਅਤੇ ਪਾਰਦਰਸ਼ੀਤਾ ਆਵੇਗੀ।
