ਦਿੱਲੀ : ਜ਼ਿੰਦਗੀ ਬਾਰੇ ਤਾਂ ਅਸੀਂ ਸਾਰੇ ਜਾਣਦੇ ਹਾਂ, ਪਰ ਜਦੋਂ ਮੌਤ ਸਾਹਮਣੇ ਆ ਜਾਂਦੀ ਹੈ, ਤਾਂ ਮਨੁੱਖ ਆਪਣੇ ਮਨ ਵਿਚ ਕੀ ਸੋਚਦਾ ਹੋਵੇਗਾ? ਕਈ ਲੋਕ ਇਹ ਗੱਲਾਂ ਕਹਿਣ ਦੇ ਸਮਰੱਥ ਹੁੰਦੇ ਹਨ, ਜਦੋਂ ਕਿ ਕਈ ਲੋਕ ਇਸ ਨੂੰ ਦਿਲ ਵਿੱਚ ਦਬਾ ਕੇ ਦੁਨੀਆਂ ਨੂੰ ਅਲਵਿਦਾ ਕਹਿ ਜਾਂਦੇ ਹਨ। ਅੱਜ ਅਸੀਂ 5 ਅਜਿਹੇ ਪਛਤਾਵੇ ਬਾਰੇ ਦੱਸਾਂਗੇ, ਜੋ ਮੌਤ ਦੇ ਸਮੇਂ ਲੋਕਾਂ ਨੂੰ ਹੁੰਦੇ ਹਨ।
30 ਸਾਲਾ ਨਰਸ ਹੈਡਲੀ ਵਲਾਹੋ ਨੇ ਅਜਿਹੇ ਗੁਪਤ ਪਛਤਾਵੇ ਬਾਰੇ ਗੱਲ ਕੀਤੀ ਹੈ, ਜੋ ਆਖਰੀ ਸਮੇਂ ‘ਤੇ ਲੋਕਾਂ ਨੂੰ ਪਰੇਸ਼ਾਨ ਕਰਨ ਲੱਗਦੇ ਹਨ। ਉਹ ਖੁਦ ਆਪਣੇ ਘਰ ਰਹਿ ਕੇ ਮੌਤ ਦੇ ਮੂੰਹ ‘ਤੇ ਖੜ੍ਹੇ ਲੋਕਾਂ ਦੀ ਦੇਖ-ਭਾਲ ਕਰਦੀ ਹੈ, ਅਜਿਹੇ ‘ਚ ਜ਼ਿਆਦਾਤਰ ਮਰੀਜ਼ਾਂ ਨੇ ਉਸ ਨੂੰ ਮਰਨ ਤੋਂ ਬਾਅਦ ਪਛਤਾਵਾ ਕਰਨ ਬਾਰੇ ਦੱਸਿਆ।
1. ਹੈਡਲੀ ਮੁਤਾਬਕ ਉਸ ਨੂੰ ਇਕ ਮਰੀਜ਼ ਨੇ ਕਿਹਾ ਸੀ ਕਿ ਤੁਸੀਂ ਇਸ ਦੁਨੀਆ ਤੋਂ ਕੁਝ ਨਹੀਂ ਲੈ ਸਕਦੇ। ਦਿਖਾਈ ਦੇਣ ਵਾਲੀਆਂ ਚੀਜ਼ਾਂ ਕੁਝ ਵੀ ਨਹੀਂ ਹਨ ਕਿਉਂਕਿ ਜਦੋਂ ਤੁਸੀਂ ਚਲੇ ਜਾਂਦੇ ਹੋ ਤਾਂ ਤੁਸੀਂ ਉਨ੍ਹਾਂ ਨੂੰ ਪਿੱਛੇ ਛੱਡ ਦਿੰਦੇ ਹੋ। ਅਜਿਹੇ ‘ਚ ਇਸ ‘ਤੇ ਜ਼ਿਆਦਾ ਸਮਾਂ ਬਰਬਾਦ ਕਰਨ ਦੀ ਲੋੜ ਨਹੀਂ ਸੀ।
2. ਕੁਝ ਹੋਰ ਮਰੀਜਾਂ ਨੇ ਮਰਨ ਵੇਲੇ ਕਿਹਾ ਕਿ ਸਹੀ ਸਮੇਂ ਦੀ ਉਡੀਕ ਨਹੀਂ ਕਰਨੀ ਚਾਹੀਦੀ। ਜੋ ਵੀ ਮਨ ਵਿੱਚ ਹੈ, ਤੁਰੰਤ ਸ਼ੁਰੂ ਕਰ ਦੇਣਾ ਚਾਹੀਦਾ ਹੈ। ਕਿਸੇ ਨੂੰ ਕਿਸੇ ਕੰਮ ਲਈ 50 ਜਾਂ 60 ਸਾਲ ਦੀ ਉਮਰ ਤੱਕ ਇੰਤਜ਼ਾਰ ਨਹੀਂ ਕਰਨਾ ਚਾਹੀਦਾ ਅਤੇ ਤੁਰੰਤ ਕਰਨਾ ਚਾਹੀਦਾ ਹੈ।
3. ਇਕ ਹੋਰ ਮਰਨ ਵਾਲੇ ਆਦਮੀ ਨੇ ਮੰਨਿਆ ਕਿ ਉਸ ਨੂੰ ਲੋਕਾਂ ਨੂੰ ਇਹ ਨਾ ਦੱਸਣ ਦਾ ਅਫ਼ਸੋਸ ਹੈ ਕਿ ਉਹ ਉਨ੍ਹਾਂ ਨੂੰ ਕਿੰਨਾ ਪਿਆਰ ਕਰਦਾ ਹੈ। ਅਜਿਹਾ ਕੋਈ ਵੀ ਮੌਕਾ ਨਹੀਂ ਗੁਆਉਣਾ ਚਾਹੀਦਾ ਜਦੋਂ ਤੁਸੀਂ ਉਨ੍ਹਾਂ ਲੋਕਾਂ ਨੂੰ ਦੱਸ ਸਕਦੇ ਹੋ ਕਿ ਉਹ ਤੁਹਾਡੇ ਲਈ ਕਿੰਨਾ ਮਾਅਨੇ ਰੱਖਦੇ ਹਨ।
4. ਆਮ ਤੌਰ ‘ਤੇ ਜ਼ਿੰਦਗੀ ਦੀ ਕਾਹਲੀ ਵਿਚ ਲੋਕ ਆਪਣੇ ਕੰਮ ਵਿਚ ਰੁੱਝੇ ਰਹਿੰਦੇ ਹਨ ਅਤੇ ਅਚਾਨਕ ਮੌਤ ਉਨ੍ਹਾਂ ਦੇ ਸਾਹਮਣੇ ਦਿਖਾਈ ਦੇਣ ਲੱਗ ਪੈਂਦੀ ਹੈ। ਅਜਿਹੀ ਸਥਿਤੀ ਵਿੱਚ ਵਿਅਕਤੀ ਨੂੰ ਕੰਮ ਵਿੱਚ ਘੱਟ ਅਤੇ ਪਰਿਵਾਰ ਨਾਲ ਵੱਧ ਸਮਾਂ ਬਿਤਾਉਣਾ ਚਾਹੀਦਾ ਹੈ ਤਾਂ ਜੋ ਮੌਤ ਦੇ ਸਮੇਂ ਕੋਈ ਪਛਤਾਵਾ ਨਾ ਹੋਵੇ। ਕਈ ਮਰੀਜਾਂ ਨੇ ਮੌਤ ਦੇ ਸਮੇਂ ਮਹਿਸੂਸ ਕੀਤਾ ਕਿ ਉਹਨਾਂ ਦੀ ਜ਼ਿੰਦਗੀ ਕੰਮ ਕਰਦਿਆਂ ਹੀ ਗੁਜ਼ਰ ਗਈ।
5. ਲੋਕਾਂ ਨੂੰ ਇੱਕ ਹੋਰ ਮਹੱਤਵਪੂਰਨ ਪਛਤਾਵਾ ਇਹ ਹੈ ਕਿ ਉਹਨਾਂ ਨੇ ਆਪਣੀ ਸਾਰੀ ਉਮਰ ਦੂਜਿਆਂ ਲਈ ਕੰਮ ਕੀਤਾ ਹੈ ਨਾ ਕਿ ਆਪਣੇ ਲਈ ਨਗੀਂ। ਇਹ ਗੱਲ ਉਸ ਨੇ ਮਰਨ ਵਾਲੀ ਔਰਤ ਤੋਂ ਸੁਣੀ ਸੀ। ਉਸ ਨੂੰ ਅਫ਼ਸੋਸ ਹੈ ਕਿ ਉਹ ਹਮੇਸ਼ਾ ਦੂਜਿਆਂ ਬਾਰੇ ਸੋਚਦੀ ਸੀ ਅਤੇ ਕਦੇ ਵੀ ਆਪਣੇ ਮਨ ਬਾਰੇ ਨਹੀਂ ਸੋਚਿਆ।
