ਕਾਹਿਰਾ: ਮਿਸਰ(Egypt) ਵਿੱਚ ਹਾਲ ਹੀ ਦੇ ਮਹੀਨਿਆਂ ਵਿੱਚ ਤਿੰਨ ਔਰਤਾਂ ਦੇ ਜਾਨ ਜਾਣ ਵਰਗੀਆਂ ਵੱਡੀਆਂ ਘਟਨਾਵਾਂ ਤੋਂ ਬਾਅਦ ਇੱਕ ਹੋਰ ਹੈਰਾਨ ਕਰਨ ਵਾਲਾ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਵਿਆਹ ਦਾ ਪ੍ਰਸਤਾਵ ਠੁਕਰਾ ਦੇਣ ‘ਤੇ ਇਕ ਵਿਅਕਤੀ ਨੇ 19 ਸਾਲਾ ਵਿਦਿਆਰਥਣ ਦੀ ਜੀਵਨ ਲੀਲਾ ਸਮਪਾਤ ਕਰ ਦਿੱਤੀ। ਵਿਦਿਆਰਥਣ ਦੀ ਪਛਾਣ ਅਮਾਨੀ ਅਬਦੁਲ-ਕਰੀਮ ਅਲ-ਗੱਜਰ ਵਜੋਂ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜਿਸ ਵਿਅਕਤੀ ਨਾਲ ਵਿਦਿਆਰਥਣ ਨੇ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ, ਉਸ ਦਾ ਵਿਵਹਾਰ ਕਾਫੀ ਖਰਾਬ ਸੀ। ਇਸ ਕਾਰਨ ਵਿਦਿਆਰਥਣ ਨੇ ਉਸ ਦੇ ਵਿਆਹ ਦੇ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ।
ਮਿਰਰ ਦੀ ਰਿਪੋਰਟ ਮੁਤਾਬਕ, 19 ਸਾਲਾ ਅਮਾਨੀ ਅਬਦੁਲ-ਕਰੀਮ ਅਲ-ਗੱਜਰ ਦੀ ਸ਼ਨੀਵਾਰ ਨੂੰ ਮੇਨੋਫੀਆ ਗਵਰਨੋਰੇਟ ਦੇ ਤੁਖ ਤਨਬੀਸ਼ਾ ਪਿੰਡ ‘ਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਅਹਿਮਦ ਫਾਤੀ ਅਮੀਰਾ ਨਾਂ ਦੇ 29 ਸਾਲਾ ਵਿਅਕਤੀ ਨੇ ਵਿਆਹ ਦਾ ਪ੍ਰਸਤਾਵ ਠੁਕਰਾ ਦੇਣ ‘ਤੇ ਵਿਦਿਆਰਥਣ ਵੱਲ ਬੰਦੂਕ ਤਾਣ ਦਿੱਤੀ ਅਤੇ ਉਸ ਨੂੰ ਗੋਲੀ ਮਾਰ ਦਿੱਤੀ। ਲੜਕੀ ਨੂੰ ਤੁਰੰਤ ਨੇੜੇ ਦੇ ਹਸਪਤਾਲ ਲਿਜਾਇਆ ਗਿਆ ਪਰ ਉਸ ਦੀ ਮੌਤ ਹੋ ਗਈ। ਇਸ ਘਟਨਾ ਤੋਂ ਬਾਅਦ ਮੌਕੇ ‘ਤੇ ਲੋਕਾਂ ਦੀ ਭਾਰੀ ਭੀੜ ਇਕੱਠੀ ਹੋ ਗਈ ਅਤੇ ਪੁਲਿਸ ਨੇ ਦੋਸ਼ੀਆਂ ਦੀ ਗ੍ਰਿਫਤਾਰੀ ਲਈ ਤਲਾਸ਼ੀ ਮੁਹਿੰਮ ਸ਼ੁਰੂ ਕਰ ਦਿੱਤੀ।
جريمة قتل مروعة لفتاة على يد شاب رفضت الارتباط به في المنوفية حيث شهدت قرية طوخ طنبشا التابعةلمركز #بركة_السبع في #المنوفية مقتل الفتاة #أماني_عبد_الكريم_الجزار 19عام طالبة بكلية التربيةالرياضية رميا بالرصاص على يد المجرم #أحمد_فتحي_عميره 29 عام مؤهل متوسط وهو من نفس القرية pic.twitter.com/Bt2SP2fP1v
— Mo'lem Dagher – المعلم داغر (@officialaziz22) September 4, 2022
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਵੀਡੀਓ ‘ਚ ਕਾਰੇ ਨੂੰ ਅੰਜ਼ਾਮ ਦੇਣ ਵਾਲੇ ਵਿਅਕਤੀ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ, ”ਮੈਂ ਅਹਿਮਦ ਅਮੀਰਾ ਹਾਂ। ਤੁਸੀਂ ਸਾਰੇ ਮੈਨੂੰ ਲੱਭ ਰਹੇ ਹੋ। ਮੈਂ ਅਪਰਾਧੀ ਹਾਂ। ਮੈਂ ਉਸਦੇ ਲਈ ਜੀ ਰਿਹਾ ਸੀ… ਮੈਂ ਤੁਹਾਡਾ [ਅਲ-ਗੱਜਰ] ਬਦਲਾ ਲਵਾਂਗਾ।”
ਮਿਸਰ ਦੇ ਗ੍ਰਹਿ ਮੰਤਰਾਲੇ ਨੇ ਕਿਹਾ ਕਿ ਅਮੀਰਾ ਨੇ “ਉਸੇ ਹਥਿਆਰ ਦੀ ਵਰਤੋਂ ਕਰਕੇ ਖੁਦਕੁਸ਼ੀ ਕੀਤੀ ਹੈ, ਜਿਸਦੀ ਵਰਤੋਂ ਨਾਲ ਉਸ ਨੇ ਵਿਦਿਆਰਥਣ ਦਾ ਕਤਲ ਕੀਤਾ ਸੀ।”
https://twitter.com/APHRODITE_998/status/1566517064642269184?s=20&t=XvPJj5Q2cCmCF0AAj0AmNw
ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਅਲ-ਗੱਜਰ ਨੇ “ਮਾੜੇ ਵਿਵਹਾਰ” ਲਈ ਅਮੀਰਾ ਦੇ ਵਿਆਹ ਦੇ ਪ੍ਰਸਤਾਵ ਨੂੰ ਰੱਦ ਕਰ ਦਿੱਤਾ ਸੀ। ਦਰਅਸਲ ਮਿਸਰ ਨੂੰ ਹਿਲਾ ਕੇ ਰੱਖ ਦੇਣ ਵਾਲੀਆਂ ਕਈ ਔਰਤਾਂ ਨੂੰ ਮਾਰਨ ਦਾ ਇਹ ਸਭ ਤੋਂ ਨਵਾਂ ਮਾਮਲਾ ਹੈ। ਇਸ ਤੋਂ ਪਹਿਲਾਂ 20 ਜੂਨ ਨੂੰ ਨਾਇਰਾ ਅਸ਼ਰਫ ਨਾਂ ਦੀ ਵਿਦਿਆਰਥਣ ਦਾ ਇਕ ਈਰਖਾਲੂ ਸਹਿਪਾਠੀ ਮੁਹੰਮਦ ਅਡੇਲ ਨੇ ਮਾਰ ਦਿੱਤਾ ਸੀ। ਅਡੇਲ ਕਥਿਤ ਤੌਰ ‘ਤੇ ਅਸ਼ਰਫ ਦੀ ਉਸ ਪ੍ਰਤੀ ਨਾਪਸੰਦਗੀ ਤੋਂ ਵੀ ਨਾਰਾਜ਼ ਸੀ।
ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਅਦਾਲਤ ਨੇ ਅਡੇਲ ਨੂੰ ਦੋਸ਼ੀ ਠਹਿਰਾਇਆ ਅਤੇ ਮਿਸਰ ਦੀ ਸੰਸਦ ਨੂੰ ਉਸ ਨੂੰ ਫਾਂਸੀ ਦੇਣ ਅਤੇ ਲਾਈਵ ਟੀਵੀ ‘ਤੇ ਪ੍ਰਸਾਰਿਤ ਕਰਨ ਦੀ ਅਪੀਲ ਕੀਤੀ। ਅਡੇਲ ਦੀ ਟੀਮ ਨੇ ਉਸ ਦੀ ਮੌਤ ਦੀ ਸਜ਼ਾ ਵਿਰੁੱਧ ਅਪੀਲ ਕੀਤੀ ਹੈ।
