ਪੰਜਾਬ ‘ਚ ਆਏ ਦਿਨ ਚੋਰੀਆਂ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ। ਲੰਘੀ ਸ਼ਾਮ ਹੀ ਮੋਹਾਲੀ ਦੇ ਡੀਸੀ ਦਫ਼ਤਰ ਦੇ ਨਾਲ ਲੱਗਦੇ ਮੇਜਰ ਟਾਵਰ ਦੇ ਬਾਹਰੋਂ ਇੱਕ ਚੋਰ ਵੱਲੋਂ ਸ਼ਰੇਆਮ Pb08 Dx 3744 ਨੰਬਰ ਮੋਟਰਸਾਇਕਲ ਚੋਰੀ ਕਰ ਲਿਆ ਗਿਆ। ਹੈਰਾਨੀ ਦੀ ਗੱਲ ਹੈ ਕਿ ਡੀਸੀ ਦਫ਼ਤਰ ਦੇ ਨੇੜਿਓਂ ਜੇਕਰ ਮੋਟਰਸਾਈਕਲ ਚੋਰੀ ਹੋ ਸਕਦਾ ਹੈ ਤਾਂ ਫਿਰ ਹੋਰ ਇਲਾਕਿਆਂ ਦਾ ਕੀ ਹਾਲ ਹੋਵੇਗਾ।
ਮੋਟਰਸਾਈਕਲ ਚੋਰੀ ਕਰਦੇ ਦੀ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ. ਚੋਰ ਵੱਲੋਂ ਪਹਿਲਾਂ ਮੋਟਰਸਾਇਕਲ ਦੀ ਰੇਕੀ ਕੀਤੀ ਜਾਂਦੀ ਹੈ ਤੇ ਫਿਰ ਲੌਕ ਤੋੜ ਕੇ ਚੋਰੀ ਕਰਕੇ ਫਰਾਰ ਹੋ ਜਾਂਦਾ ਹੈ। ਮੋਟਰਸਾਈਕਲ ਮਾਲਕ ਪੀੜਤ ਨੌਜਵਾਨ ਅੰਮ੍ਰਿਤਪਾਲ ਸਿੰਘ ਨੇ ਦੱਸਿਆ ਕਿ ਉਹ ਮੇਜਰ ਟਾਵਰ ਦੇ ਬਾਹਰ ਮੋਟਰਸਾਈਕਲ ਖਲਾਰ ਕੇ ਆਪਣੇ ਦਫ਼ਤਰ ਗਿਆ ਤਾਂ ਜਦੋਂ ਸ਼ਾਮ ਨੂੰ ਬਾਹਰ ਆ ਕੇ ਦੇਖਿਆ ਤਾਂ ਉਸ ਦਾ ਮੋਟਰਸਾਈਕਲ ਉੱਥੋਂ ਗਾਇਬ ਸੀ।
ਨੌਜਵਾਨ ਪੱਤਰਕਾਰ ਅੰਮ੍ਰਿਤਪਾਲ ਸਿੰਘ ਨੇ ਦੱਸਿਆ ਕਿ ਜੋ ਕੋਈ ਵੀ ਮੋਟਰਸਾਈਕਲ ਦੀ ਸੂਹ ਦੇਵੇਗਾ ਉਸ ਦੀ ਪਹਿਚਾਣ ਗੁਪਤ ਰੱਖਦਿਆਂ ਉਸ ਨੂੰ ਵਿੱਤੀ ਮਦਦ ਵੀ ਦਿੱਤੀ ਜਾਵੇਗੀ ਤੇ ਉਹ 8054421066 ਤੇ ਸੰਪਰਕ ਜ਼ਰੂਰ ਕਰੇ।
