ਈਰਾਨ ਦੀ ‘ਜ਼ੋਂਬੀ ਐਂਜਲੀਨਾ ਜੋਲੀ’ ਮਹਿਲਾ ਸਹਰ ਤਾਬਰ ਨੂੰ ਜੇਲ੍ਹ ਤੋਂ ਰਿਹਾਅ ਕਰ ਦਿੱਤਾ ਗਿਆ ਹੈ। ਜੇਲ੍ਹ ਤੋਂ ਬਾਹਰ ਨਿਕਲਣ ਤੋਂ ਬਾਅਦ ਉਸ ਨੇ ਆਪਣਾ ਅਸਲ ਚਿਹਰਾ (Iran woman zombie look) ਵੀ ਜਨਤਕ ਕਰ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਉਹ ਹਾਲੀਵੁੱਡ ਅਦਾਕਾਰਾ ਐਂਜਲੀਨਾ ਜੋਲੀ ਦੀਆਂ ਡਰਾਉਣੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਦੀ ਸੀ। ਉਸ ਨੂੰ ਕਥਿਤ ਭ੍ਰਿਸ਼ਟਾਚਾਰ ਅਤੇ ਈਸ਼ਨਿੰਦਾ ਦੇ ਦੋਸ਼ਾਂ ਤਹਿਤ ਗ੍ਰਿਫਤਾਰ ਕੀਤਾ ਗਿਆ ਸੀ।
ਦੱਸ ਦੇਈਏ ਕਿ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਖ਼ਬਰ ਮੁਤਾਬਿਕ ਇਸ ਈਰਾਨੀ ਮਹਿਲਾ ਜ਼ੌਂਬੀ ਲੁੱਕ ਨੂੰ ਹਾਲੀਵੁੱਡ ਦੀ ਮਸ਼ਹੂਰ ਅਭਿਨੇਤਰੀ ਵਰਗਾ ਚਿਹਰਾ ਚਾਹੀਦਾ ਸੀ, ਇਸ ਲਈ ਉਸ ਨੇ ਪਲਾਸਟਿਕ ਸਰਜਰੀ (Iran woman plastic surgery) ਕਰਵਾਈ, ਪਰ ਸਰਜਰੀ ਕਾਰਨ ਚਿਹਰਾ ਖਰਾਬ ਹੋ ਗਿਆ ਅਤੇ ਉਹ ਭੂਤ ਵਾਂਗ ਦਿਖਾਈ ਦੇਣ ਲੱਗੀ। ਪਰ ਹੁਣ ਮਹਿਲਾ ਨੇ ਆਪਣੇ ਚਿਹਰੇ ਨਾਲ ਜੁੜਿਆ ਇੱਕ ਵੱਡਾ ਰਾਜ਼ ਖੁਲਾਸਾ ਕੀਤਾ ਹੈ।
ਫੋਟੋਸ਼ਾਪ ਦਾ ਨਤੀਜਾ ਸੀ ਤਸਵੀਰਾਂ
ਸਹਰ ਤਬਰ ਈਰਾਨ ਦੇ ਇੱਕ ਟੀਵੀ ਚੈਨਲ ‘ਤੇ ਸਭ ਦੇ ਸਾਹਮਣੇ ਨਜ਼ਰ ਆਈ। ਸਾਲ 2019 ਵਿੱਚ, ਉਸ ਨੂੰ ਹਿਜਾਬ ਦਾ ਅਪਮਾਨ ਕਰਨ ਲਈ ਗ੍ਰਿਫਤਾਰ ਕੀਤਾ ਗਿਆ ਸੀ। ਪਹਿਲਾਂ ਲੋਕ ਸੋਚਦੇ ਸਨ ਕਿ ਸਹਰ ਤਾਬਰ ਨੇ ਐਂਜਲੀਨਾ ਜੋਲੀ ਵਰਗਾ ਦਿਖਣ ਲਈ ਪਲਾਸਟਿਕ ਸਰਜਰੀ ਕਰਵਾਈ ਸੀ ਅਤੇ ਇਸ ਕਾਰਨ ਉਹ ਡਰਾਉਣੀ ਲੱਗ ਗਈ ਸੀ। ਹਾਲਾਂਕਿ, ਸਹਰ ਨੇ ਖੁਲਾਸਾ ਕੀਤਾ ਕਿ ਨਤੀਜਾ ਪਲਾਸਟਿਕ ਸਰਜਰੀ ਦਾ ਨਹੀਂ ਬਲਕਿ ਮੇਕਅੱਪ ਅਤੇ ਫੋਟੋਸ਼ਾਪ ਦਾ ਸੀ।
ਸਹਿਰ ਤਬਰ ਦਾ ਅਸਲੀ ਨਾਂ ਫਤਮੇਹ ਖਿਸ਼ਵੰਦ(Fatemeh Khishvand) ਹੈ। ਉਸ ਨੇ ਕਿਹਾ, ਮੈਂ ਹਮੇਸ਼ਾ ਮਸ਼ਹੂਰ ਹੋਣਾ ਚਾਹੁੰਦੀ ਸੀ, ਇਸ ਲਈ ਮੈਂ ਮੇਕਅੱਪ ਦੀ ਆਪਣੀ ਕਲਾ ਦਾ ਇਸਤੇਮਾਲ ਕੀਤਾ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਸੁਰਖੀਆਂ ਬਣਾਉਣ ਲੱਗ ਪਈ। ਉਸ ਨੇ ਪਹਿਲਾਂ ਦਾਅਵਾ ਕੀਤਾ ਸੀ ਕਿ ਉਸ ਨੇ ਐਂਜਲੀਨਾ ਜੋਲੀ ਵਰਗਾ ਦਿਖਣ ਲਈ ਸਰਜਰੀ ਕਰਵਾਈ ਸੀ। ਹਾਲਾਂਕਿ ਹੁਣ ਇਸ ਗੱਲ ਤੋਂ ਪੂਰੀ ਤਰ੍ਹਾਂ ਇਨਕਾਰ ਕਰ ਦਿੱਤਾ ਗਿਆ ਹੈ।
14 ਮਹੀਨਿਆਂ ਬਾਅਦ ਰਿਹਾਅ ਹੋਈ
ਰਿਪੋਰਟਾਂ ਮੁਤਾਬਕ ਪਿਛਲੇ ਦਿਨੀਂ ਜਦੋਂ ਮਹਿਸਾ ਅਮੀਨੀ ਦੀ ਮੌਤ ਹੋਈ ਸੀ ਤਾਂ ਸਹਰ ਦੀ ਰਿਹਾਈ ਦੀ ਮੰਗ ਵੀ ਉੱਠੀ ਸੀ। ਬਹੁਤ ਸਾਰੇ ਕਾਰਕੁਨਾਂ ਨੇ ਉਸਦੀ ਰਿਹਾਈ ਦੀ ਮੰਗ ਕਰਦੇ ਹੋਏ ਕਿਹਾ ਕਿ ਉਹ 19 ਸਾਲ ਦੀ ਸੀ, ਜਦੋਂ ਉਸਦੇ ਇੱਕ ਮਜ਼ਾਕ ਨੂੰ ਗਲਤ ਸਮਝਿਆ ਗਿਆ ਸੀ। ਲੋਕਾਂ ਨੇ ਅਸਲੀ ਐਂਜਲੀਨਾ ਜੋਲੀ ਨੂੰ ਵੀ ਮਦਦ ਲਈ ਬੇਨਤੀ ਕੀਤੀ। ਉਸਦੀ ਮਾਂ ਰੋਂਦੀ ਹੈ ਅਤੇ ਉਸਨੂੰ ਧੀ ਨੂੰ ਛੱਡਣ ਲਈ ਬੇਨਤੀ ਕਰਦੀ। ਹੁਣ ਸਹਰ ਨੂੰ ਦਬਾਅ ‘ਚ ਰਿਹਾਅ ਕਰ ਦਿੱਤਾ ਗਿਆ ਹੈ ਅਤੇ ਹੁਣ ਉਸ ਨੇ ਲੋਕਾਂ ਨੂੰ ਆਪਣਾ ਅਸਲੀ ਚਿਹਰਾ ਦਿਖਾਇਆ ਹੈ ਜੋ ਵਾਇਰਲ ਫੋਟੋਆਂ ਤੋਂ ਬਹੁਤ ਵੱਖਰਾ ਅਤੇ ਖੂਬਸੂਰਤ ਹੈ।
ਸਹਰ ਦੀ ਰਿਹਾਈ ਅਜਿਹੇ ਸਮੇਂ ਵਿੱਚ ਹੋਈ ਹੈ, ਜਦੋਂ ਇੱਕ ਮੁਟਿਆਰ ਮਹਿਸਾ ਅਮੀਨੀ ਦੀ ਮੌਤ ਤੋਂ ਬਾਅਦ ਹਿਜਾਬ ਅੰਦੋਲਨ ਚੱਲ ਰਿਹਾ ਹੈ। ਮਹਿਸਾ ਅਮੀਨੀ ਦੀ ਪੁਲਿਸ ਹਿਰਾਸਤ ਵਿੱਚ ਮੌਤ ਹੋ ਗਈ।