Gurugram news : ਗੁਰੂਗ੍ਰਾਮ ਤੋਂ ਕਾਂਝਵਾਲਾ ਵਰਗਾ ਮਾਮਲਾ ਸਾਹਮਣੇ ਆਇਆ ਹੈ। ਦੱਸ ਦੇਈਏ ਕਿ ਸੈਕਟਰ 62 ਵਿੱਚ ਇੱਕ ਤੇਜ਼ ਰਫ਼ਤਾਰ ਕਾਰ ਨੇ ਇੱਕ ਬਾਈਕ ਨੂੰ ਟੱਕਰ ਮਾਰ ਦਿੱਤੀ। ਬਾਈਕ ਕਾਰ ਦੇ ਹੇਠਾਂ ਫਸ ਗਈ ਅਤੇ ਡਰਾਈਵਰ ਇਸ ਨੂੰ 4 ਕਿਲੋਮੀਟਰ ਤੱਕ ਘੜੀਸਦਾ ਲੈ ਗਿਆ। ਮੀਡੀਆ ਰਿਪੋਰਟਾਂ ਮੁਤਾਬਕ ਕਾਰ ਦੇ ਡਰਾਈਵਰ ਨੇ ਸ਼ਰਾਬ ਪੀਤੀ ਹੋਈ ਸੀ। ਜਿਸ ਦਾ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਕਾਰ ਬਾਈਕ ਦੇ ਹੇਠਾਂ ਖਿਸਕ ਰਹੀ ਹੈ ਅਤੇ ਉਸ ‘ਚੋਂ ਚੰਗਿਆੜੀਆਂ ਨਿਕਲ ਰਹੀਆਂ ਹਨ।
ਦੱਸਿਆ ਜਾ ਰਿਹਾ ਹੈ ਕਿ ਗੁਰੂਗ੍ਰਾਮ ਦੇ ਸੈਕਟਰ 62 ‘ਚ ਤੇਜ਼ ਰਫਤਾਰ ਕਾਰ ਨਾਲ ਟਕਰਾਉਣ ਤੋਂ ਬਾਅਦ ਬਾਈਕ ਬੇਕਾਬੂ ਹੋ ਗਈ। ਟੱਕਰ ਤੋਂ ਬਾਅਦ ਦੋਵੇਂ ਬਾਈਕ ਸਵਾਰ ਸਾਈਡ ‘ਤੇ ਡਿੱਗ ਗਏ, ਜਿਸ ਕਾਰਨ ਉਨ੍ਹਾਂ ਦੀ ਜਾਨ ਬਚ ਗਈ। ਬਾਈਕ ਫੱਸਣ ਤੋਂ ਬਾਅਦ ਕਾਰ ਸਵਾਰ ਕਾਰ ਭਜਾਉਂਦੇ ਰਹੇ। ਇਸ ਦੌਰਾਨ ਬਾਈਕ ਸੜਕ ‘ਤੇ ਰਗੜਦੀ ਰਹੀ ਅਤੇ ਇਸ ‘ਚੋਂ ਚੰਗਿਆੜੀਆਂ ਨਿਕਲਦੀਆਂ ਰਹੀਆਂ।
Gurugram – Car dragged bike for 4 kms.
Bike rider collided with two youths in Sector 62 #Gurugram #Accident #India#viral #viralvideo pic.twitter.com/UL62UlwECp— Chaudhary Parvez (@ChaudharyParvez) February 2, 2023
ਕਾਰ ਨੂੰ ਬਾਈਕ ਨੂੰ ਹੇਠਾਂ ਖਿੱਚਦਾ ਦੇਖ ਲੋਕਾਂ ਨੇ ਕਾਰ ਚਾਲਕ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਕਾਰ ਚਲਾ ਰਹੇ ਵਿਅਕਤੀ ਨੇ ਕਾਰ ਨਹੀਂ ਰੋਕੀ ਅਤੇ ਭਜਾਉਂਦਾ ਰਿਹਾ। ਕੁਝ ਲੋਕ ਉਸ ਦਾ ਪਿੱਛਾ ਕਰਦੇ ਸਨ। ਹਾਲਾਂਕਿ ਉਹ ਪਰਵਾਹ ਕੀਤੇ ਬਿਨਾਂ ਕਾਰ ਚਲਾ ਰਿਹਾ ਸੀ। ਪੁਲੀਸ ਨੇ ਮੁਲਜ਼ਮ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਪਰ ਹੁਣ ਮੁਲਜ਼ਮ ਫਰਾਰ ਹੈ।
ਕੀ ਹੈ ਕਾਂਝਵਾਲਾ ਮਾਮਲਾ?
ਦਿੱਲੀ ਦੇ ਕਾਂਝਵਾਲਾ ਵਿੱਚ ਇੱਕ ਲੜਕੀ ਨੂੰ 13 ਕਿਲੋਮੀਟਰ ਤੱਕ ਘੜੀਸ ਕੇ ਲੈ ਜਾਣ ਦੇ ਮਾਮਲੇ ਨੇ ਰਾਜਧਾਨੀ ਨੂੰ ਹੀ ਨਹੀਂ ਸਗੋਂ ਪੂਰੇ ਦੇਸ਼ ਨੂੰ ਸ਼ਰਮਸਾਰ ਕਰ ਦਿੱਤਾ ਹੈ। ਦਿਲ ਦਹਿਲਾ ਦੇਣ ਵਾਲੀ ਘਟਨਾ ‘ਚ ਲੜਕੀ ਨੂੰ ਕਰੀਬ 10-12 ਕਿਲੋਮੀਟਰ ਤੱਕ ਘੜੀਸਿਆ ਗਿਆ। ਨਵੇਂ ਸਾਲ ਦੀ ਸ਼ੁਰੂਆਤ ਦੇ ਦੌਰਾਨ ਬਾਹਰੀ ਦਿੱਲੀ ਦੇ ਕਾਂਝਵਾਲਾ ਖੇਤਰ ਵਿੱਚ ਇੱਕ 23 ਸਾਲਾ ਲੜਕੀ ਨੂੰ ਕਾਰ ਸਮੇਤ ਕਾਫੀ ਦੂਰ ਤੱਕ ਘੜੀਸਿਆ ਗਿਆ,ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਪੀੜਤਾ ਦੀ ਪੋਸਟਮਾਰਟਮ ਰਿਪੋਰਟ ਅਨੁਸਾਰ ਉਸ ਨੂੰ ਘੱਟੋ-ਘੱਟ 40 ਬਾਹਰੀ ਸੱਟਾਂ ਲੱਗੀਆਂ ਸਨ ਤੇ ਸੱਟਾਂ ਤੇ ਖੂਨ ਦੇ ਜਿਆਦਾ ਵਹਿ ਜਾਣ ਕਾਰਨ ਉਸ ਦੀ ਮੌਤ ਹੋਈ।
ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੀਪੀ ਲਗਾਤਾਰ ਫਾਲੋਅਪ ਕਰ ਰਹੇ ਹਨ। ਦ੍ਰਿਸ਼ ਨੂੰ ਦੁਬਾਰਾ ਬਣਾਉਣ ਦੀ ਕੋਸ਼ਿਸ਼ ਕੀਤਾ ਜਾ ਰਿਹਾ ਹੈ। ਜਦੋਂ ਸ਼ਾਲਿਨੀ ਸਿੰਘ ਜਾਂਚ ਲਈ ਦੇਰ ਰਾਤ ਸੜਕ ‘ਤੇ ਆਈ ਤਾਂ ਦਿੱਲੀ ਪੁਲਿਸ ਦੀ ਪੂਰੀ ਟੀਮ ਉਸ ਦੇ ਨਾਲ ਸੀ। ਇਸ ਦੌਰਾਨ ਇਸ ਨੂੰ ਰੀਕ੍ਰਿਏਟ ਕਰਕੇ ਪੂਰੇ ਦ੍ਰਿਸ਼ ਨੂੰ ਜਾਣਨ ਦੀ ਕੋਸ਼ਿਸ਼ ਕੀਤੀ ਗਈ।