ਗੁਰਦਾਸਪੁਰ ਦੇ ਇੱਕ ਫੌਜੀ ਦੇਸ਼ ਲਈ ਕੁਰਬਾਨ ਹੋ ਗਿਆ ਹੈ। ਉਹ ਬਾਰਾਮੂਲਾ ਸੈਕਟਰ ਵਿਖੇ ਕੰਟਰੋਲ ਰੇਖਾ ਦੇ ਨੇੜੇ ਇਕ ਅਪਰੇਸ਼ਨਲ ਟਾਸਕ ਦੌਰਾਨ ਮਾਰਿਆ ਗਿਆ। ਉਸਦੀ ਪਛਾਣ 18 ਰਾਸ਼ਟਰੀ ਰਾਈਫਲਜ਼ ਨਾਲ ਸਬੰਧਤ 24 ਸਾਲਾ ਗੁਰਪ੍ਰੀਤ ਸਿੰਘ ਵਜੋਂ ਹੋਈ ਹੈ, ਜੋ ਬਲਾਕ ਕਾਹਨੂੰਵਾਨ ਦੇ ਪਿੰਡ ਭੈਣੀ ਖੱਦਰ ਦਾ ਰਹਿਣ ਵਾਲਾ ਸੀ। ਦੁੱਖ ਦੀ ਹੈ ਕਿ ਸ਼ਹੀਦ ਸਿਪਾਹੀ ਗੁਰਪ੍ਰੀਤ ਸਿੰਘ ਦੇ ਪਰਿਵਾਰ ਵਿੱਚ ਸਿਰਫ ਉਸ ਦੀ ਮਾਤਾ ਲਖਵਿੰਦਰ ਕੌਰ ਹੀ ਰਹਿ ਗਏ ਹਨ।
ਸ਼ਹੀਦ ਦਾ ਅੰਤਿਮ ਸਸਕਾਰ 13 ਜਨਵਰੀ ਨੂੰ ਸਵੇਰੇ ਪਿੰਡ ਭੈਣੀ ਖੱਦਰ ਵਿਖੇ ਫੌਜੀ ਸਨਮਾਨਾਂ ਨਾਲ ਕੀਤਾ ਜਾਵੇਗਾ। ਇਸ ਖ਼ਬਰ ਨਾਲ ਪੂਰੇ ਪਿੰਡ ਵਿੱਚ ਸੋਗ ਦੀ ਲਹਿਰ ਫੈਲ ਗਈ ਹੈ। ਪਰਿਵਾਰ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ।
ਫੌਜ ਦੀ 15 ਕੋਰ ਨੇ ਐਕਸ (ਪਹਿਲਾਂ ਟਵਿੱਟਰ) ‘ਤੇ ਕਿਹਾ, “ਚਿਨਾਰ ਕੋਰ ਨੇ ਬਾਰਾਮੂਲਾ ਸੈਕਟਰ ਵਿੱਚ ਖੇਤਰ ਵਿੱਚ ਸੰਚਾਲਨ ਕਾਰਜ ਕਰਦੇ ਹੋਏ ਗੁਰਪ੍ਰੀਤ ਸਿੰਘ ਦੀ ਮੰਦਭਾਗੀ ਮੌਤ ‘ਤੇ ਅਫਸੋਸ ਪ੍ਰਗਟ ਕੀਤਾ ਹੈ।”
Gunner Gurpreet Singh lost his life while performing an operational task in the forward area in Baramulla Sector. Gunner Gurpreet Singh hails from Gurdaspur, Punjab and is survived by his mother Smt Lakhwinder Kaur. In this hour of grief, the Indian Army stands in solidarity with… pic.twitter.com/ATZjryTYm7
— ANI (@ANI) January 13, 2024
ਫੌਜ ਨੇ ਕਿਹਾ ਕਿ ਗੁਰਪ੍ਰੀਤ ਸਿੰਘ ਗੁਰਦਾਸਪੁਰ, ਪੰਜਾਬ ਦਾ ਰਹਿਣ ਵਾਲਾ ਹੈ, ਅਤੇ ਉਸ ਦੇ ਪਿੱਛੇ ਉਸਦੀ ਮਾਤਾ ਲਖਵਿੰਦਰ ਕੌਰ ਹੀ ਰਹਿ ਗਈ ਹੈ…”ਦੁੱਖ ਦੀ ਇਸ ਘੜੀ ਵਿੱਚ, ਭਾਰਤੀ ਫੌਜ ਦੁਖੀ ਪਰਿਵਾਰ ਨਾਲ ਇੱਕਮੁੱਠ ਹੈ ਅਤੇ ਉਹਨਾਂ ਦੀ ਭਲਾਈ ਲਈ ਵਚਨਬੱਧ ਹੈ,” ਫੌਜ ਨੇ ਹਾਲਾਂਕਿ, ਐਲਓਸੀ ਦੇ ਨੇੜੇ ਅਪਰੇਸ਼ਨ ਅਤੇ ਸਿਪਾਹੀ ਦੀ ਮੌਤ ਦਾ ਕਾਰਨ ਬਣੇ ਹਾਲਾਤਾਂ ਬਾਰੇ ਵਾਧੂ ਵੇਰਵੇ ਜਾਰੀ ਨਹੀਂ ਕੀਤੇ।
