ਬਿਊਰੋ ਰਿਪੋਰਟ : ਹਰਿਆਣਾ ਦੇ ਗੁਰੂਗਰਾਮ ਵਿੱਚ 40 ਲੱਖ ਦੀ ਕਾਰ ਵਿੱਚ ਚੋਰ ਆਏ ਅਤੇ ਇੱਕ ਚੌਕ ਵਿੱਚ ਸੱਜੇ 400 ਰੁਪਏ ਦੇ ਪਲਾਂਟ ਚੋਰੀ ਕਰਕੇ ਲੈ ਗਏ । ਇੰਨਾਂ ਪਲਾਂਟਾਂ ਦੇ ਗਮਲੇ G20 ਸੰਮੇਲਨ ਦੇ ਲਈ ਸ਼ਹਿਰ ਵਿੱਚ ਸਜਾਏ ਗਏ ਸਨ । ਚੋਰਾਂ ਦੀ ਲਗਜ਼ਰੀ ਕਾਰ ਦਾ ਨੰਬਰ ਵੀ VIP ਸੀ। ਚੋਰੀ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪ੍ਰਸ਼ਾਸਨ ਨੇ ਪੁਲਿਸ ਨੂੰ ਸ਼ਿਕਾਇਤ ਦਰਜ ਕੀਤੀ ਹੈ।
#Gurugram this person in 40 lakh vehicle. Whom can be seen flicking out plantations meant for #G20 meeting beautification at Shankar chonk.
A daylight robbery of what? plants! Shame.@gurgaonpolice @DC_Gurugram @cmohry @MunCorpGurugram @OfficialGMDA @TrafficGGM
SOME ACTION PLS. pic.twitter.com/tKfJydLq8S— Raman Malik🇮🇳 (मोदी का परिवार) (@ramanmalik) February 27, 2023
ਵਾਇਰਲ ਵੀਡੀਓ ਵਿੱਚ ਇਹ ਵਿਖਾਈ ਦਿੱਤਾ
1 ਮਿੰਟ 7 ਸੈਕੰਡ ਦਾ ਵਾਇਰਲ ਵੀਡੀਓ ਗੁਰੂਗਰਾਮ ਦੇ ਸ਼ੰਕਰ ਚੌਕ ਦਾ ਹੈ । ਇਸ ਵਿੱਚ ਨਜ਼ਰ ਆ ਰਿਹਾ ਹੈ ਕਿ ਇੱਕ ਕਾਰ ਆਕੇ ਰੁਕ ਦੀ ਹੈ । ਕਾਰ ਵਿੱਚ 2 ਸ਼ਖ਼ਸ ਉਤਰ ਦੇ ਹਨ । ਚੌਕ ‘ਤੇ ਲੱਗੀ ਸਜਾਵਟ ਦੇ ਲਈ ਖਾਸ ਕਿਸਮ ਦੇ ਪਲਾਂਟ ਦੇ ਗਮਲੇ ਚੁੱਕ ਕੇ ਕਾਰ ਦੀ ਡਿੱਕੀ ਵਿੱਚ ਰੱਖਣਾ ਸ਼ੁਰੂ ਕਰ ਦਿੰਦੇ ਹਨ । ਵੀਡੀਓ ਵਿੱਚ ਪਲਾਂਟ ਚੋਰੀ ਕਰਨ ਵਾਲੇ ਸ਼ਖ਼ਸ ਦਾ ਚਿਹਰਾ ਵੀ ਸਾਫ਼ ਨਜ਼ਰ ਆ ਰਿਹਾ ਹੈ। ਪਲਾਂਟ ਡਿੱਕੀ ਵਿੱਚ ਰੱਖਣ ਤੋਂ ਬਾਅਦ ਉਹ ਕਾਰ ਲੈਕੇ ਚੱਲੇ ਜਾਂਦੇ ਹਨ। ਵੀਡੀਓ ਵਿੱਚ ਕਾਰ ਦਾ ਨੰਬਰ vip ਨਜ਼ਰ ਆ ਰਿਹਾ ਹੈ । ਪਰ ਹੁਣ ਤੱਕ ਗਮਲਾ ਚੋਰੀ ਕਰਨ ਵਾਲੇ ਦੀ ਪਛਾਣ ਨਹੀਂ ਹੋਈ ਹੈ ।
ਬੀਜੇਪੀ ਦੇ ਆਗੂ ਨੇ ਪੋਸਟ ਕੀਤੀ ਵੀਡੀਓ
ਹਰਿਆਣਾ ਬੀਜੇਪੀ ਦੇ ਬੁਲਾਰੇ ਰਮਨ ਮਲਿਕ ਨੇ ਇਹ ਵੀਡੀਓ ਸ਼ੇਅਰ ਕੀਤਾ ਹੈ । ਉਨ੍ਹਾਂ ਗੁਰੂਗਰਾਮ ਪੁਲਿਸ ਪ੍ਰਸ਼ਾਸਨ ਅਤੇ ਹਰਿਆਣਾ ਦੇ ਮੁੱਖ ਮੰਤਰੀ ਦਫਤਰ ਤੋਂ ਕਾਰਵਾਹੀ ਦੀ ਮੰਗ ਕੀਤੀ ਹੈ । ਮਲਿਕ ਨੇ ਲਿਖਿਆ ਕਿ ਇਹ ਸ਼ਖਸ 40 ਲੱਖ ਦੀ ਕਾਰ ‘ਤੇ G20 ਸੰਮੇਲਨ ਦੇ ਪਲਾਂਟ ਚੋਰੀ ਕਰ ਰਿਹਾ ਸੀ । ਦਿਨ-ਦਿਹਾੜੇ ਪਲਾਂਟ ਦੀ ਚੋਰੀ ਕਰਦੇ ਹੋਏ ਇਸ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ । ਗੁਰੂਗਰਾਮ ਵਿੱਚ G20 ਸੰਮੇਲਨ ਦੀ ਤਿਆਰੀ ਚੱਲ ਰਹੀ ਹੈ ।
ਜੁਆਇੰਟ CEO ਨੇ ਕਿਹਾ ਹੋਵੇਗੀ ਕਾਰਵਾਹੀ
ਗੁਰੂਗਰਾਮ ਮਹਾਂ ਨਗਗ ਵਿਕਾਸ ਅਥਾਰਿਟੀ ਦੇ ਜੁਆਇੰਟ CEO ਚਹਿਲ ਨੇ ਕਿਹਾ ਕਿ G-20 ਪ੍ਰੋਗਰਾਮ ਦੇ ਲਈ ਲਗਾਏ ਗਏ ਗਮਲਿਆਂ ਨੂੰ ਕਥਿੱਤ ਤੌਰ ‘ਤੇ ਚੋਰੀ ਕਰਨ ਵਾਲੇ 2 ਲੋਕ ਵਾਇਰਲ ਵੀਡੀਓ ਵਿੱਚ ਕੈਦ ਹੋਏ ਹਨ । DLF ਫੇਜ 3 ਥਾਣੇ ਵਿੱਚ ਮੁਲਜ਼ਮ ਕਾਰ ਚਾਲਕਾਂ ਦੇ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ ।
