ਚੰਡੀਗੜ੍ਹ : ਮੀਂਹ ਕਾਰਨ ਸੁਖਨਾ ਝੀਲ ਦੇ ਪਾਣੀ ਦਾ ਪੱਧਰ ਇੱਕ ਵਾਰ ਫਿਰ ਖ਼ਤਰੇ ਦੇ ਨਿਸ਼ਾਨ ‘ਤੇ ਪਹੁੰਚ ਗਿਆ ਹੈ। ਜਿਸ ਤੋਂ ਬਾਅਦ ਝੀਲ ਦੇ ਪਾਣੀ ਦਾ ਪੱਧਰ ਵਧਣ ਦੇ ਕਾਰਨ ਫਿਰ ਤੋਂ ਫਲੱਡ ਗੇਟ ਖੋਲ੍ਹ ਦਿੱਤੇ ਗਏ ਹਨ। ਇਸ ਦੀ ਜਾਣਕਾਰੀ ਚੰਡੀਗੜ੍ਹ ਟਰੈਫ਼ਿਕ ਪੁਲਿਸ ਨੇ ਇੱਕ ਟਵੀਟ ਕਰਦਿਆਂ ਦਿੱਤੀ ਹੈ।
ਪੁਲਿਸ ਨੇ ਟਵੀਟ ਕਰਦਿਆਂ ਕਿਹਾ ਕਿ ਸੁਖਨਾ ਝੀਲ ਦਾ ਇੱਕ ਗੇਟ ਸੁਖਨਾ ਚੋਅ ਵਿੱਚ ਪਾਣੀ ਛੱਡਣ ਲਈ ਖੋਲ੍ਹਿਆ ਗਿਆ ਹੈ ਕਿਉਂਕਿ ਪਾਣੀ ਦਾ ਪੱਧਰ ਖ਼ਤਰੇ ਵਾਲੇ ਖੇਤਰ ਦੇ ਪਾਣੀ ਦੇ ਪੱਧਰ ਨੂੰ ਛੂਹ ਗਿਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਪਿੰਡ ਕਿਸ਼ਨਗੜ੍ਹ, ਸ਼ਾਸਤਰੀਨਗਰ, ਸੀ.ਟੀ.ਯੂ. ਵਰਕਸ਼ਾਪ ਵਿਖੇ ਸੁਖਨਾ ਚੋਅ ਦੇ ਪੁਲ ਤੋਂ ਆਵਾਜਾਈ ਬੰਦ ਹੈ।
#GENERALALERT & #TRAFFICADVISORY
One gate of sukhna lake is opened for water release in sukhna choe as the Water level has touched the danger zone water level. The traffic movement is closed from the bridges on shukhna choe at Village Kishangarh ,Shastrinagar,CTU workshop pic.twitter.com/9wOhvd66ff
— Chandigarh Traffic Police (@trafficchd) July 13, 2023
ਇੱਕ ਹੋਰ ਟਵੀਟ ਕਰਦਿਆਂ ਚੰਡੀਗੜ੍ਹ ਪੁਲਿਸ ਨੇ ਕਿਹਾ ਕਿ ਇੰਡ ਪੀਐਚ 1 ਅਤੇ ਮੱਖਣ ਮਾਜਰਾ ਪੁਲਿਸ ਕੰਮ ‘ਤੇ ਹੈ। ਇਹਨਾਂ ਸਥਾਨਾਂ ਤੋਂ ਪਾਰ ਕਰਨ ਦੀ ਕੋਈ ਕੋਸ਼ਿਸ਼ ਨਾ ਕਰੋ ਅਤੇ ਸੁਖਨਾ ਚੋਅ ਦੇ ਬੰਨ੍ਹ ਵਾਲੇ ਖੇਤਰ ਦੇ ਆਲ਼ੇ-ਦੁਆਲੇ ਸੈਰ ਨਾ ਕਰੋ।
Ind Ph 1 and Makhan majra . Police is on the job. Don't make any attempt to cross from these locations and do not stroll around the sukhna choe embankment area. #WeCareForYou @DgpChdPolice @ssptfcchd @ssputchandigarh @RJMeenakshi1 @ShatabdiShalee @927bigfmchd @airnewsalerts
— Chandigarh Traffic Police (@trafficchd) July 13, 2023
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ 9 ਜੁਲਾਈ ਨੂੰ ਲਗਾਤਾਰ ਪੈ ਰਹੇ ਮੀਂਹ ਕਰਕੇ ਸੁਖਨਾ ਝੀਲ ਵਿੱਚ ਪਾਣੀ ਖਤਰੇ ਦੇ ਨਿਸ਼ਾਨ ’ਤੇ ਪਹੁੰਚ ਗਿਆ ਸੀ। ਇਸ ਕਰਕੇ ਪ੍ਰਸ਼ਾਸਨ ਨੇ ਸੁਖਨਾ ਝੀਲ ਦੇ ਦੋ ਫਲੱਡ ਗੇਟ ਖੋਲ੍ਹ ਦਿੱਤੇ ਸਨ। ਇਕ ਫਲੱਡ ਗੇਟ ਸਵੇਰੇ ਸਾਢੇ ਪੰਜ ਵਜੇ ਅਤੇ ਦੂਜਾ ਸਵੇਰੇ 6:15 ਵਜੇ ਖੋਲ੍ਹੇ ਗਏ ਸਨ।
ਸੁਖਨਾ ਝੀਲ ਵਿੱਚ ਖ਼ਤਰੇ ਦਾ ਨਿਸ਼ਾਨ 1163 ਫੁੱਟ ’ਤੇ ਹੈ ਜਦਕਿ ਪਾਣੀ ਦਾ ਪੱਧਰ 1164.60 ਫੁੱਟ ਤੱਕ ਪਹੁੰਚ ਗਿਆ ਸੀ। ਇਸ ਦੌਰਾਨ ਪਾਣੀ ਸੁਖਨਾ ਝੀਲ ਦੇ ਫਲੱਡ ਗੇਟਾਂ ਦੇ ਉੱਪਰੋਂ ਦੀ ਲੰਘ ਰਿਹਾ ਸੀ। ਜਾਣਕਾਰੀ ਅਨੁਸਾਰ ਸੁਖਨਾ ਝੀਲ ਦੇ ਫਲੱਡ ਗੇਟ ਖੋਲ੍ਹਣ ਕਰਕੇ ਜ਼ੀਰਕਪੁਰ ਤੇ ਪੰਚਕੂਲਾ ਦੇ ਕੁਝ ਇਲਾਕਿਆਂ ਵਿਚ ਅਲਰਟ ਵੀ ਜਾਰੀ ਕਰ ਦਿੱਤਾ ਗਿਆ ਸੀ।
